ລິ້ງ ສຳຫລັບເຂົ້າຫາ

ຄະນະລັດຖະບານ ປາເເລສໄຕນ໌ ລາອອກ

  • ສິງ ບູຣົມມະວົງ

ນາຍົກລັດຖະມຸນຕີ Salam Fayyad ແຫ່ງປາເລສໄຕນ໌ ກ່າວຕໍ່ກອງປະຊຸມເສດຖະກິດໂລກທີ່ນະຄອນ Davos, ວັນທີ 29 ມັງກອນ 2011

ຄະນະ​ລັດຖະບານ​ຂອງ​ປາເເລ​ສ​ໄຕ​ນ໌ ​ໄດ້​ລາ​ອອກໃນ​ຖານະ​ເປັນ​ພາກ ສ່ວນ​ນຶ່ງ​ຂອງ​ການ​ສັບ​ຊ້ອນ​ທີ່​ໄດ້​ວາງ​ແຜນ​ມາ​ກ່ອນ ​ແຕ່​ກໍ​ຄາດກັນ​ວ່າ ນາຍົກລັດຖະມຸນຕີ Salam Fayyad ​ຈະ​ຍັງດໍາລົງ​ຕໍາແໜ່ງນາຍົກ ລັດຖະມຸນຕີຢູ່ຄື​ເກົ່າ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ຄະນະ​ລັດຖະບານ​ປາ​ເ​ເລ​ສ​ໄຕ​ນ໌ ​ໄດ້​ຍື່ນ​ໃບ​ລາ​ອອກ​ຕໍ່​ປະທານາທິບໍດີ Mahmoud Abbas
ໃນ​ວັນ​ຈັນ​ມື້​ນີ້. ຄາດ​ວ່າທ່ານ​ຈະ​ມອບ​ອໍານາດ​ໃຫ້​ທ່ານ Fayyad ປະກອບ​ຄະນະລັ​ດຖະບານ​ໃໝ່​ຂຶ້ນ​ ​ໂດຍໃຫ້​ທໍາ​ການ​ປຶກສາ​ຫາລື​ກັນ​ກັບ​ພວກກຸ່ມ​ປາເເລ​ສ​ໄຕ​ນ໌ຕ່າງໆ ອັນເປັນ​ຂັ້ນ​ຕອນ​ທີ່​ເບິ່ງ​ຄື​ວ່າ​ຈະໃຊ້​ເວລາ​ຫລາຍ​ສັບປະດາ.

ທ່ານ Abbas ​ໄດ້​ຕົກລົງ​ເຫັນ​ດີ​ນໍາ​ການ​ສັບ​ຊ້ອນ​ດັ່ງກ່າວ​ນີ້
ບໍ່​ເທົ່າ​ໃດມື້​ຫລັງ​ຈາກ​ປະທານາທິບໍດີ Hosni Mubarak ທີ່
ໃຊ້​ອໍານາດ​ຜະເດັດການ​ຂອງ​ອີ​ຈິບ​ ລາ​ອອກ​ຈາກ​ຕໍາ​ແໜ່​ງ
ພາຍ​ໃຕ້​ຄວາມ​ກົດ​ດັນ​ຂອງການ​ລຸກ​ຮື​ຂຶ້ນ​ຂອງ​ປະຊາຊົນ ທີ່
ໄດ້​ກະ​ຕຸ້ນ​ໃຫ້​ມີ​ການ​ປະຕິ​ຮູບ​ດ້ານການເມືອງຂຶ້ນ​ໃນເຂດອື່ນໆ​ອີກ ຂອງ​ໂລກ​ອາຫຣັບນັ້ນ.

ນອກ​ນີ້ ລັດຖະບານ​ຂອງ​ທ່ານ Abbas ທີ່​ມີ​ສໍານັກງານ​ໃຫຍ່​ຕັ້ງ​ຢູ່ທີ່ ເມືອງ Ramallah ​ຍັງໄດ້​ປະກາດແຜນການ​ຕ່າງໆໃຫ້​ຮູ້ ​ໃນ​ວັນ​ເສົາ​ຜ່ານ​ມາ​ນີ້​ວ່າ ຈະ​ຈັດການ​ເລືອກ​ຕັ້ງ​ເອົາ​ປະທານາທິບໍດີ​ແລະ​ສະພານິຕິບັນຍັດ ​ທີ່​ໄດ້​ກາຍ​ກໍານົດ​ມາ​ເປັນ​ເວລາ​ດົນ​ນານ​ແລ້ວນັ້ນໃນ ​ຝັ່ງ​ຕາ​ເວັນ​ຕົກຂອງ​ແມ່​ນໍ້າ​ຈໍ​ແດນ​ແລະ​ໃນ​ແຫລມ​ກາຊາ​ ພາຍ​ໃນ​ເດືອນ​ກັນຍາ​ປີ​ນີ້.

XS
SM
MD
LG