ລິ້ງ ສຳຫລັບເຂົ້າຫາ

ທ່ານ Netanyahu ເຕືອນປະຊາຊົນ ໃຫ້ມີຄວາມຕື່ນຕົວ ສູງສຸດ ຕໍ່ການ​ໂຈ​ມຕີ


ແມ່ຍິງ ປາເລສໄຕນ໌ ແກວ່ງກ້ອນຫີນໃສ່ທະຫານ ອິສຣາແອລ ໃນເມືອງ Hebron ເຂດ West Bank. 7 ຕຸລາ, 2015.

ແມ່ຍິງ ປາເລສໄຕນ໌ ແກວ່ງກ້ອນຫີນໃສ່ທະຫານ ອິສຣາແອລ ໃນເມືອງ Hebron ເຂດ West Bank. 7 ຕຸລາ, 2015.

ນາຍົກລັດຖະມົນຕີ Benjamin Netanyahu ​ໄດ້​ເຕືອນ​ໃຫ້ປະ​ຊາ​ຊົນ ອິສຣາ​ແອ​ລ​ ມີ “ຄວາມ​ຕື່ນຕົວສູງສຸດ” ກ່ຽວກັບ​ຄວາມ​ຮຸນ​ແຮງ ​ແລະ ບັນຫາ​ເພີ່ມ​ເຕີມ, ຫຼັງ​ຈາກ​ຊາວ ປາ​ເລ​ສໄຕ​ນ໌ ​ໄດ້​ທຳ​ການ​ໂຈມຕີຫຼາຍ ຄັ້ງ ໂດຍໃຊ້ມີດແທງ​ຊາວ ຢິວ ໃນ​ວັນ​ພຸດ​ວານ​ນີ້.

ທ່ານ Netanyahu ​ໄດ້​ກ່າວໃນ​ຂະນະໄປ​ຢ້ຽມ​ຢາມ ​ສູນ​ກາງ​ບັນຊາ​ການ​ຕຳຫຼວດ​ວ່າ “ປະຊາຊົນ​ແມ່ນ​ຢູ່​ໃນແຖວ​ໜ້າ ​ຂອງ​ສົງ​ຄາມ​ຕໍ່ຕ້ານ​ລັດທິ​ກໍ່​ການ​ຮ້າຍ ​ແລະ ຕ້ອງ​ມີ​ຄວາມ​ຕື່ນ​ຕົວ​ສູງສຸດ.”

ທ່ານກ່າວຕື່ມວ່າ “ພວກ​ເຮົາ​ເຄີຍ​ຮູ້ຈັກ​ເວລາ​ທີ່​ຮ້າຍ​ແຮງ​ກວ່າ​ນີ້​ມາ​ແລ້ວ ​ແລະ ພວກ​ເຮົາ​ກໍ​ຈະ​ຕ້ອງ​ຟັນຜ່າ​ຄື້ນຟອງຂອງລັດທິ​ກໍ່​ການ​ຮ້າຍ ​ດ້ວ​ຍ ຄວາ​ມ​ເດັດດ່ຽວ, ມີ​ຄວາມ​ຮັບຜິດຊອບ ​ແລະ ​ເປັນ​ໜຶ່ງ​ດຽວ​ກັນ.”

ທ່ານ Netanyahu ​ໄດ້​ຍົກ​ເລີກ​ການ​ເດີນທາງ​ໄປ​ປະ​ເທດ​ ​ເຢຍຣະ​ມັນ ​ເຊິ່ງມີ​ກຳນົດ​ໃສ່ວັນ​ພະຫັດ​ມື້​ນີ້ ​ເພື່ອຮັບມື​ກັບ​ການໂຈມ​ຕີເພີ່ມ​ຂຶ້ນ​ຂອງ​ຊາວ​ ປາ​ເລສ​ໄຕ​ນ ຕໍ່​ປະຊາຊົນ
ອິສຣາແອ​ລ.

​ໃນ​ວັນ​ພຸດ​ວານ​ນີ້, ​ແມ່ຍິງ​ ປາ​ເລ​ສໄຕ​ນ໌ ຄົນ​ໜຶ່ງ​ໄດ້​ໃຊ້​ມີດ​ແທງ​ຜູ້​ຊາຍ ​ອິສຣາ​ແອ​ລ ​ເຊິ່ງຕໍ່​ມາ​ໄດ້ຖືກ​ຍິງ ​ແລະ​ໄດ້​ຮັບ​ບາດ​ເຈັບຢູ່ໃນເຂດເມືອງເກົ່ານະຄອນ Jerussalem.

​ເຊັ່ນ​ດຽວ​ກັນ​ໃນ​ວັນ​ພຸ​ດວານ​ນີ້, ຜູ້ຕ້ອງ​ສົງ​ໄ​ສເປັນພວກ​ຫົວ​ຮຸນແຮງ ປາ​ເລ​ສ​ໄຕ​ນ໌ ຄົນ​ໜຶ່ງໄດ້ ແທງ​ທະຫານ ອິສຣາ​ແອ​ລ ​ໃນ​ພາກ​ໃຕ້​ຂອງປະ ເທດ ກ່ອນທີ່​ທະຫານ​ຄົນ​ອື່ນ​ໄດ້​ຍິງ​ຜູ້ກ່ຽວ ຕາຍ. ​ໃນເຂດພາກກາງ​ຂອງ ​ປະ​ເທດ ອິິສຣາ​ແອ​ລ, ຊາວ ປາ​ເລ​ສ​ໄຕ​ນ໌ ຄົນ​ໜຶ່ງ​ໄດ້​ແທງ​ຊາຍ ອິສຣາ​ແອ​ລ ຢູ່ທາງ​ເຂົ້າຂອງ​ສູນ​ການ​ຄ້າ. ຜູ້ເຫັນ​ເຫດການ​ ໄດ້​ກ່າວ​ວ່າ ປະ​ຊາ​ຊົນ​ຫຼາຍ​ຄົນ​ໄດ້​ຈັບໂຕ​ລາວໄວ້ ກ່ອນຕຳຫຼວດເດີນທາງ ໄປ​ຮອດ.

XS
SM
MD
LG