ລິ້ງ ສຳຫລັບເຂົ້າຫາ

ຫົວໜ້າຕໍ່ຕ້ານກຸ່ມຕາລີບັນ ຢູ່ປາກິສຖານ ຖືກສັງຫານ


ແຜນທີ ເຂດຮ່ອມພູ Swat ທີ່ຕິດກັບເມືອງ Buner ແມ່ນເຊື່ອກັນວ່າ ເປັນບ່ອນລີ້ຊ່ອນຂອງ ພວກຫົວຮຸນແຮງ ຕາລີບັນ ໃນປາກິສຖານ ທີ່ຫົວໜ້າຄະນະກໍາມະການຕໍ່ຕ້ານກຸ່ມຫົວຮຸນແຮງ ຕາລີບັນ ຂີ່ລົດມຸ້ງໜ້າໄປ ກ່ອນຈະຖືກສັງຫານນັ້ນ

ຕໍາຫລວດປາກິສຖານເວົ້າວ່າ ຫົວໜ້າຄະນະກໍາມະການຕໍ່ຕ້ານ
ກຸ່ມຫົວຮຸນແຮງ ຕາລີບັນ ໄດ້ຖືກສັງຫານໂດຍລະເບີດສະລະຊີບ ຢູ່ໃນເຂດພາກຕາເວັນຕົກສຽງເໜືອຂອງປະເທດ.

ພວກເຈົ້າໜ້າທີ່ປາກິສຖານເວົ້າວ່າ ຜູ້ວາງລະເບີດສະລະຊີບ
ໄດ້ແນເປົ້າໃສ່ລົດຄັນນຶ່ງທີ່ ທ່ານ Fateh Khan ຫົວໜ້າຄະນະ
ກໍາມະການດັ່ງກ່າວ ກໍາລັງຂີ່ໄປຍັງເມືອງ Buner ທີ່ເປັນເຂດ
ຂອງພວກຫົວຮຸນແຮງ ຢູ່ໃນແຂວງ Khyber-Pakhtunhwa ນັ້ນ.

ການໂຈມຕີຄັ້ງນີ້ ຍັງໄດ້ສັງຫານຄົນອາລັກຂາທ່ານ 3 ຄົນ ແລະໄດ້ເຮັດໃຫ້ຄົນອື່ນໆ ໄດ້ຮັບບາດເຈັບ ອີກຫລາຍຄົນ.

ເມືອງ Buner ແມ່ນເຊື່ອກັນວ່າ ເປັນບ່ອນລີ້ຊ່ອນຂອງພວກ
ຫົວຮຸນແຮງຕາລີບັນ ໃນ ປາ ກິສຖານ. ເມືອງນີ້ຕິດກັບເຂດຮ່ອມພູ Swat ບ່ອນທີ່ພວກມື ປືນຂອງຕາລີບັນ ຍິງເດັກຍິງ ອາຍຸ 14 ປີ ທີ່ອອກປາກອອກສຽງ ຕໍ່ຕ້ານກຸ່ມຕາລີບັນ ແລະ ສະໜັບສະໜຸນການສຶກສາ ແກ່ແມ່ຍິງນັ້ນ. ນາງໄດ້ຮັບບາດເຈັບຢ່າງຮ້າຍແຮງ ແລະໄດ້ ຖືກສົ່ງໂຕໄປຮັກສາພະຍາບານຢູ່ລອນດອນ ປະເທດອັງກິດ.
XS
SM
MD
LG