ລິ້ງ ສຳຫລັບເຂົ້າຫາ

ນັກການທູດຊາອຸດີອາເຣເບຍ ຖືກຍິງຕາຍ ຢູປາກິສຖານ

  • ສິງ ບູຣົມມະວົງ

ຕໍາຫລວດ ພ້ອມດ້ວຍພະນັກງານຊ່ອຍກູ້ໄພ ແລະນັກຂ່າວ ຢືນເບິ່ງສົບນັກການທູດຊາອຸດີອາເຣເບຍ ທີ່ຖືກຄາດຕະກຳ ຢູໂຮງເຢັນ ທີ່ໂຮງໝໍໃນນະຄອນກາຣາຈີ, ວັນທີ 16 ພຶດສະພາ 2011

ຊາ​ອຸ​ດີ​ອາເຣ​ເບຍ​ໄດ້ປະນາມ​ການ​ສັງຫານ​ນັກ​ການ​ທູດ​ຂອງ​ຕົນ​ຄົນ​ນຶ່ງ ໃນ​ປາ​ກີ​ສຖານ ​ໃນ​ວັນ​ຈັນ​ມື້​ນີ້ ວ່າ​ເປັນ​ອາ​ຊະ​ຍາ​ກໍາ.

ເຈົ້າ​ໜ້າ​ທີ່ຊາ​ອຸ​ດີ​ອາເຣ​ເບຍ​ກ່າວ​ວ່າ ທ່ານ Hassan al-Khatani ໄດ້​ຖືກ​ຄາດ​ຕະກໍາ ໃນ​ຂະນະ​ທີ​ຜູ້ກ່ຽວ​ກໍາ​ລັງຂັບ​ລົດ​ໄປການ ຢູ່​ສະຖານກົງ​ສູນ​ໃນ​ນະຄອນ​ກາຣາຈີ.

ຕໍາ​ຫລວດ​ປາ​ກີ​ສຖານ​ກ່າວ​ວ່າ ພວກ​ມື​ປືນ​ຈຸ​ນຶ່ງທີ່ຂີ່​ລົດຈັກ​ມາ ​ໄດ້​ເປີດ​ສາກ​ຍິງ​ໃສ່​ທ່ານ al-Khatani ຂະນະ​ທີ່​ທ່ານ​ກໍາລັງ​ຂັບລົດ​ໄປ​ການ​ຄົນ​ດຽວ ​ໃນ​ວັນ​ຈັນ​ມື້​ນີ້​. ຕໍາຫລວດ​ເວົ້າ​ວ່າ​ທ່ານ al-Khatani ​ເຮັດ​ການ​ຢູ່​ພະ​ແນ​ກຮັກສາ​ຄວາມ​ປອດ​ໄພ​ຂອງ​ສະຖານກົງສູນ.

ສາ​ເຫດ​ຂອງ​ການ​ຄາດ​ຕະກໍາ​ນີ້ ບໍ່​ເປັນ​ທີ່​ແຈ້ງ​ຂາວ​ ​ແລະ​ກໍຍັງ​ບໍ່​ມີ​ຜູ້​ໃດ​ຫລື​ກຸ່ມ​ໃດ​ອ້າງ​ເອົາ​ຄວາມ​ຮັບຜິດຊອບ​ໃນ​ການ​ໂຈມ​ຕີຄັ້ງ​ນີ້ເທື່ອ ຊຶ່ງມີ​ຂຶ້ນ​ໃນ​ເວລາ​ບໍ່​ເທ່ົ່າ​ໃດ​ມື້ ຫລັງ​ຈາກ​ໄດ້​ມີ​ການ​ແກວ່ງ​ລະ​ເບີດ​ມື 2 ລູກໃສ່ຕຶກ​ອາຄານ​ສະຖານກົງສູນ​ຂອງ​ຊາ​ອຸ​ດີ​ອາເຣາເບຍ​ ໃນ​ນະຄອນ​ກາຣາຈີ ​ແຕ່​ບໍ່​ມີ​ຜູ້​ໃດໄດ້​ຮັບ​ບາດ​ເຈັບ​ໃນ​ການ​ໂຈມ​ຕີ​ຄັ້ງ​ນັ້ນ.

XS
SM
MD
LG