ລິ້ງ ສຳຫລັບເຂົ້າຫາ

ປາກິສຖານວ່າ ການໂຈມຕີຂອງເນໂຕ້ ເຮັດໃຫ້ທະຫານ 25 ຄົນເສຍຊີວິດ

  • ໄພສານ ວໍຣະຈັກ

ເຈົ້າໜ້າທີ່ຮັກສາຄວາມສະຫງົບຂອງປາກິສຖານຢຸດລົດບັນທຸກ ທີ່ຂົນເຄື່ອງໄປໃຫ້ທະຫານເນໂຕ້ໃນອັຟການິສຖານ ທີ່ດ່ານກວດ Takhtabeg ໃນເຂດຊົນເຜົ່າຂອງປາກິສຖານ (26 ພະຈິກ 2011)

ເຈົ້າໜ້າທີ່ປາກິສຖານກ່າວວ່າ ເຮືອບິນເຮຣີຄອບເຕີ້ຂອງອົງການເນໂຕ້ ຈາກອັຟການິສຖານ ໄດ້ໂຈມຕີດ່ານກວດທາງທະຫານແຫ່ງນຶ່ງຂອງປາກິສຖານໃນພາກຕາເວັນຕົກສຽງເໜືອຂອງ
ປະເທດເຮັດໃຫ້ທະຫານ 25 ຄົນເສຍຊີວິດແລະອີກ 7 ຄົນໄດ້ຮັບບາດເຈັບ.

ໂຄສົກຄົນນຶ່ງຂອງກອງທັບປາກິສຖານກ່າວວ່າ ການໂຈມຕີໃນຕອນເຊົ້າມືດຂອງວັນເສົາມື້ນີ້
ຢູ່ໃນເຂດຊົນເຜົ່າ Mohmand ທີ່ຕັ້ງຢູ່ໃກ້ໆກັບຊາຍແດນອັຟການິສຖານນັ້ນມີຂຶ້ນແບບທີ່ບໍ່ ໄດ້ມີການກວນຫຼືທ້າທາຍໃຫ້ເກີດຄວາມໂມໂຫແລະຢ່າງບໍ່ມີການເລືອກໜ້າ.

ປາກິສຖານໄດ້ສັ່ງໃຫ້ປິດເສັ້ນທາງລຳລຽງຂົນສົ່ງຜ່ານປາກິສຖານຂອງອົງການເນໂຕ້ລຸນຫຼັງ ທີ່ໄດ້ມີການໂຈມຕີທາງອາກາດ.

ໂຄສົກຄົນນຶ່ງຂອງອົງການເນໂຕ້ ທີ່ນະຄອນຫຼວງກາບູລກ່າວວ່າ ກຳລັງປະສົມນາໆຊາດຮູ້
ແລ້ວກ່ຽວກັບເຫດຮ້າຍທີ່ວ່ານີ້ ແລະຈະເປີດເຜີຍລາຍລະອຽດໃຫ້ຊາບຕື່ມຫຼັງຈາກໄດ້ເກັບຂໍ້
ມູນເພີ່ມຕື່ມກ່ຽວກັບວ່າແມ່ນຫຍັງໄດ້ເກີດຂຶ້ນແທ້.

ເຈົ້າໜ້າທີ່ສະຫະລັດກ່າວວ່າ ເຂດຊົນເຜົ່າທີ່ຍາວຢຽດຂອງປາກິສຖານແມ່ນເປັນບ່ອນຫຼົບລີ້
ຂອງພວກຕາລີບານທີ່ໄດ້ສູ້ລົບກັບກຳລັງທະຫານອະເມຣິກັນໃນອັຟການິສຖານມາໄດ້ 10
ປີແລ້ວນັ້ນ.

XS
SM
MD
LG