ລິ້ງ ສຳຫລັບເຂົ້າຫາ

ປາກິສຖານ ໄວ້ອາໄລນຳ ພວກທີ່ເສຍຊີວິດ ໃນການໂຈມຕີສະຫຼະຊີບ ທີ່ໂບດຄຣິສຕຽນ


ຊາວຄຣິສຕຽນໃນປາກິສຖານ ພາກັນໄວ້ອາໄລນຳພວກທີ່ເສຍ
ຊີວິດ ໃນການໂຈມຕີຂອງກຸ່ມຕາລີບັນ ຕໍ່ໂບດຄຣິສຕຽນ ທີ່ເມືອງ
Lahore, ວັນທີ 16 ມີນາ 2015.

ຊາວຄຣິສຕຽນໃນປາກິສຖານ ພາກັນໄວ້ອາໄລນຳພວກທີ່ເສຍ ຊີວິດ ໃນການໂຈມຕີຂອງກຸ່ມຕາລີບັນ ຕໍ່ໂບດຄຣິສຕຽນ ທີ່ເມືອງ Lahore, ວັນທີ 16 ມີນາ 2015.

ທີ່​ປາ​ກິ​ສຖານ ຊາວ​ຄຣິສຕຽນໃນ​ທົ່ວ​ປະ​ເທດ ພາກັນ​ໄວ້ອາ​ໄລ
ໃນ​ວັນ​ຈັນ​ມື້​ນີ້ ນຶ່ງ​ມື້​ຫຼັງ​ຈາກ​ຜູ້ໂຈມ​ຕີ​ສະຫຼະ​ຊີບ​ສອງ​ຄົນ ລະ​ເບີດ
​ໂຕ​ຕາຍ​ຢູ່​ນອກ​ໂບດຄຣິສຕຽນ​ສອງ​ແຫ່ງ​ໃນ​ເມືອງ Lahore ທີ່
​ໄດ້​ເອົາ​ຊີວິດ​ຜູ້​ຄົນ​ໄປ 15 ຄົນ ຮວມທັງ​ເດັກນ້ອຍ​ຜູ້ຊາຍຄົນ​ນຶ່ງ
ອາຍຸ 9 ຂວບ.

ພວກ​ໂຮງຮຽນ​ຄຣິສຕຽນ​ຕ່າງ​ໆ​ໃນ​ປາ​ກິ​ສຖານ ປິດ​ໃນ​ວັນ​ຈັນ​ມື້​ນີ້
​ເພື່ອ​ທຳ​ພິທີ​ສົ່ງສະການ​ພວກ​ທີ່​ໄດ້​ຮັບ​ເຄາະ​ຮ້າຍ​ເສຍ​ຊີວິດ​ໄປ​ນັ້ນ.

ມີ 70 ຄົນ​ໄດ້​ຮັບ​ບາດ​ເຈັບ​ ​ໃນ​ການ​ໂຈມ​ຕີ​ເມື່ອ​ວັນ​ອາທິດ​ວານ​ນີ້
ເວລາ​ມື​ປືນ​ສອງ​ຄົນ ພະຍາຍາມ​ຍິງ​ປືນ​ບຸກ​ເຂົ້າ​ໄປ​ໃນ​ໂບດ​ເຫຼົ່າ​
ນັ້ນ​ໃນ​ລະຫວ່າງ​ການ​ທຳ​ພິທີ​ທາງ​ສາສະໜາ ​ໃນ​ຄຸ້ມ Youhanabadທີ່​ປະຊາຊົນ​ສ່ວນ​ຫຼາຍ​ເປັນ​ຊາວ​ຄຣິສຕຽນ​ໃນ​ເຂດ​ຊານ​ເມືອງ Lahore.

ເວລາ​ພວກ​ເຈົ້າ​ໜ້າ​ທີ່​ຮັກສາ​ຄວາມ​ປອດ​ໄພ ຢຸດ​ພວກ​ມື​ປືນ​ຢູ່ທາ​ງ​ເຂົ້າ​ໂບດ ພວກເຂົາ​ກໍກົດ​ປຸ່ມຂະ​ນວນ​ລະ​ເບີດ​ຂອງ​ພວກ​ເຂົາ.

ແຜນທີ່ເມືອງ ລາຮໍ

ແຜນທີ່ເມືອງ ລາຮໍ

ກຸ່ມ​ຫົວ​ຮຸນ​ແຮງ​ກຸ່ມ​ນຶ່ງ​ທີ່​ເປັນ​ພັນທະ​ມິດ​ກັບ​ກຸ່ມ​ຕາ​ລີ​ບັນ​
ປາກິ​ສຖານ ​ໄດ້​ອ້າງ​ເອົາ​ຄວາມ​ຮັບຜິດຊອບ​ໃນ​ການ​ໂຈມ
​ຕີ​ຄັ້ງ​ນີ້.

ພວກ ​ຊາວ​ຄຣິສຕຽນ​ໃນ​ຫຼາຍ​ຫົວ​ເມືອງ ຮວມທັງ​ເມືອງ
Lahore ພາກັນ​ເດີນ​ຂະ​ບວນຢູ່​ຕາມ​ຖະໜົນ​ໃນ​ວັນ​ຈັນ​ມື້​ນີ້
ຄືກັນ​ກັບ​ຈຳນວນ​ນຶ່ງ​ໄດ້ ພາກັນເດີນ​ຂະ​ບວນໃນ​ວັນ​ອາທິດ​
ວານ​ນີ້ ​ເພື່ອປະ​ທ້ວງ​ຕໍ່​ອັນ​ທີ່​ພວກ​ເຂົາ​ເຈົ້າ​ເວົ້າ​ວ່າ ​ເ​ປັນ​ຄວາມ
​ລົ້ມ​ແຫຼວ​ຂອງ​ເຈົ້າ​ໜ້າ​ທີ່ ທີ່​ບໍ່​ສາມາດ​ປົກປ້ອງ​ເຂົາ​ເຈົ້າ.

ປະຊາຊົນ​ຈຳນວນ​ເກືອ​ບນຶ່ງ​ລ້ານ​ຄົນ​ອາ​ໄສ​ຢູ່​ໃນ​ຄຸ້ມ Youhanabad ຊຶ່ງ​ເປັນ​ບ່ອນຢູ່​ອາ​
ໄສ​ໃຫຍ່​ທີ່​ສຸດ​ຂອງ​ຊາວ​ຄຣິສຕຽນ ຊົນ​ກຸ່ມ​ນ້ອຍ​ໃນປາ​ກິ​ສຖານ.

XS
SM
MD
LG