ລິ້ງ ສຳຫລັບເຂົ້າຫາ

ປາ​ກິ​ສຖານຈັດ ​ການສວນສະໜາມ ສະຫລອງ ວັນສາທາລະນະ​ລັດ ​ເປັນຄັ້ງທຳອິດ ໃນ 7 ປີ


ປະທານາທິບໍດີ ປາກິສຖານ ທ່ານ Mamnoon Hussain ທຳການກວດແຖວ ກອງທະຫານ ໃນລະຫວ່າງ ພິທີເດີນສວນສະໜາມ ສະຫລອງ ວັນສາທາລະນະລັດ ປາກິສຖານ ຢູ່ທີ່ນະຄອນຫລວງ Islamabad, ວັນທີ 23 ມີນາ 2015.

ປະທານາທິບໍດີ ປາກິສຖານ ທ່ານ Mamnoon Hussain ທຳການກວດແຖວ ກອງທະຫານ ໃນລະຫວ່າງ ພິທີເດີນສວນສະໜາມ ສະຫລອງ ວັນສາທາລະນະລັດ ປາກິສຖານ ຢູ່ທີ່ນະຄອນຫລວງ Islamabad, ວັນທີ 23 ມີນາ 2015.

ປາ​ກິ​ສຖານ ​ໄດ້​ຈັດ​ ການ​ເດີນ​ສວນສະໜາມ ສະຫລອງ
ວັນສາທາລະນະ​ລັດ ​ເປັນຄັ້ງທຳ​ອິດ ​ໃນ​ວັນ​ຈັນ​ມື້​ນີ້ ຫຼັງຈາກ
ທີ່​ມີຊ່ອງ​ຫວ່າງເປັນ​ເວລາ 7 ປີ ​ເພື່ອ​ເນັ້ນເຖິງ​ ຄວາມ​ໝັ້ນຄົງ
​ທີ່​ໄດ້​ປັບປຸງ​ໃຫ້​ດີ​ຂຶ້ນ ​ໃນ​ທົ່ວ​ປະ​ເທດ ລຸນຫຼັງການດຳ​ເນີນງານ
​ຕໍ່ຕ້ານການ​ກໍ່​ການ​ຮ້າຍ​ທີ່​ນຳ​ໂດຍ​ທະຫານ ​ເມື່ອບໍ່​ນານ​ມາ​ນີ້.​

ມີ​ການ​ຮັກສາຄວາມ​ປອດ​ໄພ​ພາຍ​ໃນ ນະຄອນຫລວງ
Islamabad ຢ່າງ​ເຄັ່ງ​ຄັດ​ທີ່​ສຸດ ​ໂດຍ​ສະ​ເພາະຢູ່​ອ້ອມບໍລິ​ເວນ
​ທີ່​ມີການຈັດ​ພິທີ​ ບ່ອນ​ທີ່ມີ​ການສະ​ແດງ ​ຄວາມ​ຊ່ຽວຊານ​ດ້ານ
​ການບິນ ​ໂດຍ​ຝຸງເຮືອ​ບິນລົບ ​ແລະ ​ເຮ​ລິ​ຄອບ​ເຕີ ທີ່​ບິນຜ່ານ
ຢູ່​ເໜືອນະຄອນຫລວງ​ອັນ​ສວຍ​ງາມ ​ດ້ວຍການ​ເອ້ຍ້ອງ​ຕ່າງໆ​ນັ້ນ.

​ໃນ​ບັນດາອາວຸດ​ຍຸດ​ໂທ​ປະກອນ ​ແລະ ​ອຸປະກອນ​ອື່ນໆຂອງ​ທະຫານທີ່​ນຳ​ມາ​ສວນສະໜາມ​ນັ້ນ ປາກິ​ສຖານ​ ຍັງ​ໄດ້​ນຳສະ​ແດງ​ ​ເປັນຄັ້ງທຳ​ອິດ ​ເຮືອບິນ​ບໍ່​ມີ​ຄົນ​ຂັບ ຫຼື drone ຕິດ​ອາວຸດ ທີ່ຜະລິດຂຶ້ນ​ຢູ່ພາຍ​ໃນ​ປະ​ເທດອີກ​ດ້ວຍ.

ສະຫະລັດ ​ໄດ້​ນຳໃຊ້ໂດຣນ ໃນ​ການໂຈມ​ຕີ​ທາງ​ອາກາດ ຕໍ່ພວກປະຕິບັດ​ການ ທີ່​ເປັນ
​ເຄືອຂ່າຍ al-Qaida ທີ່​ຫລົບ​ລີ້​ຢູ່​ ​ບໍລິ​ເວນຕ່າງໆໃນ​ເຂດ​ຊົນ​ເຜົ່າ ​ໃກ້​ກັບ​ຊາຍ​ແດນ​ຕິດ​
ກັບອັຟກາ​ນິສຖານ. ການ​ໂຈມ​ຕີ​ທາງ​ອາກາດຫຼາຍໆ​ບັ້ນຂອງ​ສະຫະລັດແຕ່​ຝ່າຍ​ດຽວ ​
ໄດ້​ເປັນ​ແຫ​ລ່ງຂອງ​ຄວາມ​ເຄັ່ງ​ຕຶງ​ໃນ​ສາຍ​ພົວພັນ​ລະຫວ່າງ​ສອງ​ປະ​ເທດ ເນື່ອງ​ຈາກ
ປາ​ກິ​ສຖານ ​ບໍ່​ເຫັນ​ດີ​ນຳ​ການ​ໃຊ້​ໂດຣນ​ທຳ​ການໂຈມ​ຕີຂອງ​ສະຫະລັດ ​ໂດຍ​ກ່າວ​ວ່າ
ມັນ​ເປັນ​ການລະ​ເມີດ​ອະທິປະ​ໄຕ​ຂອງ​ຕົນ.

ການ​ເພີ້​ມທະວີ​ການປະຕິບັດ​ການຕໍ່ຕ້ານ​ການ​ກໍ່​ການ​ຮ້າຍ ​ຂອງ​ກອງທັບປາ​ກິ​ສຖານ
​ແລະ ການ​ຕອບ​ໂຕ້ໂຈມ​ຕີຄືນ​ຢ່າງ​ຮ້າຍ​ແຮງ ​ໂດຍ​ພວກ​ທາ​ລີ​ບານ ​ໃນປາ​ກິ​ສຖານ ຊຶ່ງ​
ເປັນ​ກຸ່ມພັນທະ​ມິດ​ຂອງ​ພວກ​ຫົວ​ຮຸນ​ແຮງ​ຕ່າງໆ ​ໄດ້​ເພີ້​ມທະວີ​ຂຶ້ນ​ເລື້ອຍໆນັ້ນ ​ໄດ້​ເຮັດ​
ໃຫ້​ບັນດາ​ເຈົ້າໜ້າ​ທີ່ ບໍ່​ສາມາດ​ຈັດ​ພິທີ​ເດີນ​ສວນສະໜາມ​ໄດ້​ ນັບ​ຕັ້ງ​ແຕ່ປີ 2008 ເປັນຕົ້ນມາ.

XS
SM
MD
LG