ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຄວາມສໍາພັນ ສະຫະລັດ-ປາກິສຖານ ຕົກຕໍ່າລົງຢູ່ຈຸດຕໍ່າສຸດ (ເບິ່ງວີດີໂອ)


ຄວາມສໍາພັນ ສະຫະລັດ-ປາກິສຖານ ຕົກຕໍ່າລົງຢູ່ຈຸດຕໍ່າສຸດ (ເບິ່ງວີດີໂອ)
ຄວາມສໍາພັນ ສະຫະລັດ-ປາກິສຖານ ຕົກຕໍ່າລົງຢູ່ຈຸດຕໍ່າສຸດ (ເບິ່ງວີດີໂອ)

ປັດຈຸບັນ​ນີ້ ຄວາມ​ສໍາພັນ​ລະຫວ່າງ​ສະຫະລັດແລະ​ປາ​ກິສຖານ ​ໄດ້​ຕົກຕໍ່າ​ລົງ​ມາ​ຢູ່​ຈຸດ​ຕໍ່​າສຸດ​ໃນ​ຮອບ​ຫລາຍ​ສິບ​ປີ ​ແລະ​ເພື່ອ​ຊົດ​ເຊີຍ​ການ​​ແຕກ​ແຍກ​ກັບ​ສະຫະລັດນັ້ນ ​ປາ​ກິສຖານ​​ໄດ້​ເນັ້ນ​ຍໍ້າ​ຄືນ​ໃໝ່​​ໃສ່​ການ​ຍື່ນ​ມື​​ໄປຫາຈີນແລະ​ອີິຣ່ານ ​ໃນ​ຖານະເປັນ​ພາຄີ​ໃໝ່ແທນ​ສະຫະລັດ. ​ແຕ່ຜູ້​ສື່​ຂ່າວ​ວີ​ໂອ​ເອ William Ide ລາຍ​ງານ​​ວ່າ ພວກ​ນັກວິ​ເຄາະ​ທັງຫລາຍ​ຍັງ​ສົງ​ໃສ​ຢູ່​ວ່າ​ ​ປະ​ເທດ​ທັງ​ສອງ ກໍ​ຄື​ຈີນ ​ແລະ​ອິຣ່ານນັ້ນ ຈະ​ສາມາດ​ຫລີ້ນບົດບາດ​ໄດ້ຫລາຍ​ສໍ່າ​ໃດ​ ໃນປາ​ກິ​ສຖານ​ນັ້ນ. ດາຣາມີ​ລາຍ​ລະອຽດ ມາສະ​ເໜີທ່ານ​.

ເບິ່ງວີດີໂອລາຍງານພາສາອັງກິດ:

ຟັງລາຍງານພາສາລາວ:

ການບຸກເຂົ້າໂຈມ​ຕີ​ຂອງໜ່ວຍ​ກ້າຕາຍຂອງ​ສະຫະລັດ ທີ່ຢູ່​ໃນ​ປາ​ກີ​ສຖານເມື່ອ​ຕົ້ນ​ປີ​ນີ້
ທີ່​ໄດ້​ສັງຫານນາຍ ​ໂອຊາ​ມາ ບິນ ລາ​ເດັນ ນັ້ນ ​ແມ່ນ​ເປັນໄຊຊະນະອັນ​ຍິ່ງໃຫຍ່​ໃນສົງ
ຄາມ​ຕໍ່ຕ້ານ​ພວກ​ກໍ່​ການ​ຮ້າຍ​ຂອງ​ສ ຫະລັດ ​ແຕ່​ມັນ​ກັບໄດ້ເຮັດ​ໃຫ້​ຄວາມ​ສໍາພັນຂອງ
ສະຫະລັດ​ກັບ​ປາ​ກີ​ສຖານຖອຍຫລັງ​ລົງ

ຄວາມ​ສໍາພັນ​ຍິ່ງ​ຊຸດ​ໂຊມ​ລົ​ງ​ໄປ​ອີກ​ເມື່ອ​ເດືອນ​ຜ່ານ​ມາ ​ເວລາພົນ​ເຮື​ອ​ເອກ Mike
Mullen ທີ່​ກໍາລັງ​ຈະ​ພົ້ນ​ຈາກ​ຕໍາແໜ່​ງນາຍ​ທະຫານ​ສູງ​ສຸດ​ຂອງສະຫະລັດ​ໃນ​ເວລາ​ນັ້ນ
ໄດ້​ກ່າວ​ຫາ​ພະ​ແນ​ກສືບ​ລັບ​ຂອງປາ​ກີ​ສຖານ​ວ່າ ມີ​ສ່ວນ​ພົວພັນ​ກັບ​ພວກກໍ່​ການກະບົດ
ອີສລາມ ຢູ່​ໃນ​ອັຟກາ​ນີສຖານ.

ພົນເຮືອເອກ Michael Mullen ຫົວໜ້າເສນາ ທິການຮ່ວມຄົນກ່ອນ ຂອງກອງທັບສະຫະລັດ ໃຫ້ການຕໍ່ສະພາສູງ ກ່ຽວກັບການພັວພັນຂອງ ປາກິສຖານ ກັບກຸ່ມ Haqqani, ວັນທີ 22 ກັນຍາ 2011.
ພົນເຮືອເອກ Michael Mullen ຫົວໜ້າເສນາ ທິການຮ່ວມຄົນກ່ອນ ຂອງກອງທັບສະຫະລັດ ໃຫ້ການຕໍ່ສະພາສູງ ກ່ຽວກັບການພັວພັນຂອງ ປາກິສຖານ ກັບກຸ່ມ Haqqani, ວັນທີ 22 ກັນຍາ 2011.

ແລະ​ມາ​ບັດ​ນີ້ ປາ​ກີສຖານ​ກໍ​
ກໍາລັງ​ສະ​ແຫວ​ງຫາທາງ​ເສີມ​
ຂະຫຍາ​ຍການ​ຄ້າ​ ​ແລະ​ຄວາມ
ສໍາພັນ​ດ້ານ​ຄວາມ​ໝັ້ນຄົງ​ກັບ
ອີຣ່ານແລະ​ຈີນ ຊຶ່ງ​ກໍ່​ໃຫ້​ເກີດ
ມີຄໍາ​ຖາມຂຶ້ນ​ມາກ່ຽວ​ກັບ
ອະນາຄົດຂອງຄວາມ​ສໍາພັນ
ລະຫວ່າງ​ສະຫະລັດແລະປາ
ກີ​ສຖານນັ້ນ

ທ່ານ Alex Vatanka ປະ​ຈໍາ​
ສະຖາ​ບັນ​ຕາ​ເວັນ​ອອກ​ກາງ​
ໃນ​ວໍ​ຊິງ​ຕັນ ກ່າວ​ວ່າ

“ເວລາ​ນີ້ ​ແມ່ນ​ມີ​ຫລາຍ​ສິ່ງ​
ຫລາຍ​ຢ່າງ​ທີ່​ກໍາລັງ​ກ້າວ
ໜ້າ​ໄປ ​ຍ້ອນຄວາມ​ສໍາພັນ​
ທີ່​ຕົກ​ຕໍ່າ​ລົງ​ລະຫວ່າງປາ​ກີ​ສ
ຖານ​ແລະ​ສະຫະລັດ ທີ່​ເປັນ
ຜົນ​ສືບເນຶ່ອງມາ​ຈາກ​ການ​
ບຸກ​ເຂົ້າ​ໄປສັງຫານ​ນາຍ​ບິນ
ລາ​ເດັນ ​ແລະ​ດ້ວຍ​ເຫດ​ໃດ​ຜູ້ກ່ຽວ​ຈຶ່ງ​ຢູ່​ໃນ​ປາກີ​ສຖານ ​ແລະ​ທາງ​ການ​ປາ​ກິ​ສຖານ ບໍ່ກວດ​ເຫັນ.”

ປາ​ກີ​ສຖານ​ແລະ​ອິຣ່ານ ຕ້ອງການ​ຈະ​ຍົກ​ລະດັບ​ການ​ຄ້າຂຶ້ນ​ເປັນ 10 ພັນລ້ານ​ຕໍ່​ປີ ​ແຕ່​
ເພື່ອທີ່​ຈະ​ເຮັດ​ເຊ່ນ​ນັ້ນ​ໄດ້ ປາ​ກີ​ສຖານ​ຈະ​ຕ້ອງໄດ້ປັບປຸງຖະໜົນ​ຫົນທາງ ທາງ​ລົດ​ໄຟ
ແລະ​ການ​ເຊື່ອມ​ໂຍງ​ທາງ​ອາກາດ​ໃຫ້​ດີ​ຂຶ້ນ ເສ​ຍກ່ອນ. ທ່ານ Alex Vatanka ​ເວົ້າ​ວ່າ:

“ມັນ​ເປັນ​ທີ່ໜ້າ​ສົນ​ໃຈ​ຫລາຍ​ແທ້​ໆ ທີ່​ຈະ​ໄດ້​ເຫັນ​ປະ​ເທດ​ນຶ່ງ​ທີ່​ມີ​ປະຊາກອນ​
ປະມານ 170 ລ້ານ​ຄົນ​ ໃນ​ປາ​ກີ​ສຖານ ​ແລະ​ປະ​ເທດ​ທີ່​ມີ​ປະຊາກອນ 75 ລ້ານ​
ຄົນ​ ຄື​ອິຣ່ານນັ້ນ ມີບໍລິ​ມາດການ​ຄ້າກັນ ຮອດປະມານນຶ່ງ​ພັນ​ລ້າ​ນ​ໂດ​ລາ​ຕໍ່​ປີ.
ນັ້ນ​ຍັງ​ຕໍ່າ​ກວ່າ​ມູນ​ຄ່າການ​ຄ້າ​ທີ່​ອີ​ຣ່ານມີ​ກັບອັຟກາ​ນີສຖານ ຊຶ່ງ​ເປັນ​ປະ​ເທດ​
ທີ່​ນ້ອຍ​ກວ່າ​ປາ​ກີ​ສຖານ​ຫລາຍນັ້ນ.”

ເວລາ​ນີ້​ ປາ​ກີ​ສຖານ​ແມ່ນ​ຕ້ອງການ​ພະລັງງານ​ຫລາຍ​ທີ່​ສຸດ. ໄຟຟ້າ​ຢູ່​ໃນປາ​ກີ​ສຖານ​ແມ່ນ
ມອດ​ຢູ່​ເລື້ອຍ​ໆ ​ຊຶ່ງ​ເປັນ​ຄວາມ​ເປັນ​ຫ່ວງ​ຢູ່​ຕະຫລອດ​ເວລາ. ​ໃນ​ກອງ​ປະຊຸມ​ຫລາຍໆ​ບັ້ນ
ເມື່ອ​ໝໍ່ໆ​ມາ​ນີ້ ພວກ​ເຈົ້າໜ້າ​ທີ່​ອິຣ່ານແລະ​ປາ​ກີ​ສຖານ ​ເຫັນ​ພ້ອມ​ກັນ​ທີ່​ຈະ​ເລັ່ງລັດ​ການກໍ່
ສ້າງ​ທໍ່​ສົ່ງ​ແກ​ສທໍາ​ມະ​ຊາດ​ໃຫ້​ສໍາ​ເລັດ​ໄວໆ ​ເຖິງ​ແມ່ນມີ​ການ​ຄັດຄ້ານຈາກ​ສະຫະລັດ​ກໍ​ຕາມ.

ແຕ່​ໂຄງການ​ນີ້​ກໍ​ຍັງ​ປະ​ເຊີນ​ກັບບັນຫາທ້າ​ທາຍ​ທາງ​ດ້ານ​ຄວາມ​ໝັ້ນຄົງ​ປອດ​ໄພ​ຫລາຍ​ຢ່າງ​ຢູ່.

“ບັນຫາ​ໃຫຍ່​ປະການນຶ່ງ ​ໃນ​ຈໍານວນ​ຫລາຍໆ​ບັນຫາ​ ສໍາລັບ​ທໍ່​ສົ່ງ​ແກສດັ່ງກ່າວ
ຈາກອິຣ່ານມາ​ຍັງ​ປາ​ກີ​ສຖານ ກໍຄື​ມັນ​ຈະ​ຕ້ອງແລ່ນຜ່ານ​ຫລາຍໆ​ເຂດທີ່​ບໍ່​ໝັ້ນຄົງ​
ທີ່ສຸດ​ຂອງ​ປະ​ເທດ​ທັງ​ສອງ.”

ພຽງເດືອນ​ຜ່ານ​ມາ​ນີ້ເອງ ການ​ໂຈມ​ຕີ​ບັ້ນ​ນຶ່ງໃນ Baluchistan ​ໄດ້ສັງຫານພວກ​ສະແຫວ​ງ
ບຸນ​ຊາວ​ມຸສລິ​ມນິກາຍ Shi’ite ​20 ກ່ວາຄົນທີ່ ພວມເດີນທາງ​ໄປ​ສະແຫວງບຸນທີ່ອິຣ່ານນັ້ນ.

ທ່ານ Meng Jianzhu ລັດຖະມົນ​ຕີ​ຄວາມ​ປອດ​ໄພ​ ຂອງສາທາລະນະ​ຊົນ​ຈີນ ຈັບມືກັບທ່ານ Yusuf Raza Gilani ນາຍົກລັດຖະມົນຕີປາກິສຖານ ຢູ່ນະຄອນຫລວງອິສລາມາບັດ, ວັນທີ 27 ກັນຍາ.
ທ່ານ Meng Jianzhu ລັດຖະມົນ​ຕີ​ຄວາມ​ປອດ​ໄພ​ ຂອງສາທາລະນະ​ຊົນ​ຈີນ ຈັບມືກັບທ່ານ Yusuf Raza Gilani ນາຍົກລັດຖະມົນຕີປາກິສຖານ ຢູ່ນະຄອນຫລວງອິສລາມາບັດ, ວັນທີ 27 ກັນຍາ.

ຄວາມ​ໝັ້ນຄົງ​ແລະ​ສະຖຽນ​ລະ​
ພາບ​ໃນ​ປາ​ກີ​ສຖານ​ນັ້ນ ​ກໍ​ເຮັດ​
ໃຫ້ຈີນມີ​ຄວາມເປັນ​ຫ່ວງ​ຄື​ກັນ. ​
ໃນ​ທ້າຍ​ເດືອນແລ້ວ​ນີ້ ທ່ານ
Meng Jianzhu ລັດຖະມົນ
ຕີ​ຄວາມ​ປອດ​ໄພ​ຂອງສາທາ
ລະນະ​ຊົນ​ຈີນ ​ໄດ້​ເດີນທາງ
ໄປ​ຍັງນະຄອນຫລວງອິສ
ລາມາບັດ ​ເພື່ອ​ປຶກສາ​ຫາລື
ຄວາມ​ເປັນຫ່ວງ​ຕ່າງໆ​ຂອງ​
ຈີນ ກ່ຽວ​ກັບ​ພວກ​ຫົວ​ຮຸນ​
ແຮງອິສລາມ ​ທີ່ໃຊ້​ປາ​ກິ​ສ
ຖານ​ເປັນ​ຖານປະຕິບັດ​ງານ ​
ເພື່ອເຂົ້າ​ໄປທໍາ​ການ​ໂຈມຕີ
ຢູ່​ໃນ​ປະ​ເທດ​ຈີນນັ້ນ.

ທ່ານ Jonathan Pollack
ປະ​ຈໍາ​ສະ​ຖາ​ບັນ Brookings ​
ໃນ​ວໍ​ຊິງ​ຕັນ ກ່າວ​ວ່າ

“ມີ​ຮ່ອງຮອຍ​ຫລາຍ​ຢ່າງ​ຂອງ​ຄວາມ​ກະວົນກະວາຍໃຈ ທີ່​ເພີ່ມ​ຂຶ້ນ​ໃນ​ບາງ​ວົງ​
ການຂອງຈີນຢູ່​ ໃນ​ປັດຈຸບັນ​ນີ້ ​ກ່ຽວ​ກັບ​ປາ​ກີ​ສຖານ ກໍ​ຄື​ສະຖຽນ​ລະ​ພາບ ​ໃນ​
ປາ​ກິ​ສຖານ ຕະຫລອດ​ທັງ​ລະດັບ​ທີ່​ຄະນະນໍາ​ພາ​ສາມາດ​ຄວບ​ຄຸມ​ສະຖານະ​
ການຕ່າງ​ໆ​ທັງ​ໝົດ​ນັ້ນ​ໄດ້ຢ່າງ​ມີ​ປະສິດທິພາບ​ຫລາຍ​ປານ​ໃດ ຊຶ່ງ​ບາງ​ສະຖານ​
ນະການ​ກໍເປັນຄວາມເສຍຫາຍຂອງຈີນ ຫລາຍກວ່າ.”

ທ່ານ​ນາງ ລີ​ຊ່າ ​ເຄີ​ຕີສ ປະ​ຈໍາມູນ​ນິທິ Heritage Foundation ກ່າວ​ວ່າຄວາມ​ເປັນ​ຫ່ວງ
ຂອງ​ຈີນ​ກ່ຽວ​ກັບ​ສະຖຽນ​ລະ​ພາບ​ຂອງ​ປາ​ກີ​ສຖານ​ນັ້ນ ​ແມ່ນ​ຄ້າຍໆ​ກັນ​ຫລາຍ​ ກັບ​ຂອງ
ສະຫະລັດ.

ທ່ານ​ນາງ ລີ​ຊ່າ ​ເຄີ​ຕີສ ​ເວົ້າ​ວ່າ: “ຂ້າພະ​ເຈົ້າຄິດ​ວ່າ ພວກ​ເຂົາ​ເຈົ້າກໍາລັງ​ພະຍາ
ຍາມ​ຊັກ​ຊວນ​ໃຫ້​ປະຊາຊົນ ຢູ່ພາຍ​ໃນ​ປະ​ເທດເຊື່ອ​ໝັ້ນວ່າ ພວກ​ເຂົາ​ເຈົ້າຍັງ​
ໄດ້​ຮັບ​ການສະໜັບສະ ໜຸນ​ຢູ່ ​ແລະ ວ່າ​ຈີນ​ນັ້ນ​ສໍາຄັນ​ຫລາຍ​ກວ່າສະຫະລັດ
ແຕ່​ປາ​ກີ​ສຖານ​ເອງ​ກໍ​ຮູ້​ຢູ່​ແກ່​ໃຈວ່າ​ ຈີນ​ຈະ​ບໍ່​ປະກັນ​ປາ​ກີ​ສຖານ​ອອກ​ໄດ້ ຖ້າ
ຫາກມີ​ການ​ຜັກ​ດັນກັນ​ຂຶ້ນ​ມາ​ແທ້ໆ​ແລ້ວ.”

ການ​ຄ້າ​ຂອງ​ຈີນ​ກັບ​ອິນ​ເດຍ ກໍ​ເປັນ​ສິ່ງ​ນຶ່ງ​ທີ່ຊີ້​ບອກ​ໃຫ້ຮູ້​ວ່າ ຄວາມ​ສໍາພັນ​ດ້ານເສດຖະ
ກິດ​ລະຫວ່າງ​ປາ​ກີ​ສຖານ ​ແລະ​ຈີນ​ນັ້ນ ຈະ​ໄປ​ໄດ້ໄກ​ສໍ່າ​ໃດ. ທ່ານ Jonathan Pollack
ເວົ້າ​ວ່າ:

“ບໍ່​ວ່າຈະ​ມີການ​ຊິງ​ດີ​ຊິງ​ເດັ່ນແລະເປັນປໍລະປັກກັນ​ຢ່າງ​ໃດກໍ​ຕາມ ລະຫວ່າງ​
ຈີນກັບ​ອິນ​ເດຍນັ້ນ ​ແຕ່​ໃນປັດຈຸບັນນີ້ ຈີນກໍາລັງທໍາການການຄ້າ ກັບອິນເດຍ
ຫລາຍກວ່າ ກັບປາກີສຖານ ເຖິງ 10 ເທົ່າ​ໂຕ.”

ຢ່າງ​ໃດ​ກໍ​ຕາມ ພວກນັກວິເຄາະກ່າວວ່າ ແຕ່ກໍປາກົດວ່າຍັງບໍ່ມີຮ່ອງຮອຍໃດໆວ່າ ຈີນ
ຈະປະຖິ້ມປາກີສຖານ. ສິ່ງທີ່ພວກເຂົາເຈົ້າຄາດວ່າຈະໄດ້ເຫັນນັ້ນ ກໍຄືການຊັ່ງຊາຕີລາຄາ​
ເບິ່ງຕື່ມ​ອີກ ໂອກາດ​ແລະຄວາມສ່ຽງຕ່າງໆ ທີ່ປາກິສຖານມີສະໜອງໃຫ້ນັ້ນ.

XS
SM
MD
LG