ລິ້ງ ສຳຫລັບເຂົ້າຫາ

18 ຄົນ ເສຍຊີວິດ ໃນເຫດລະເບີດ ຢູ່ປາກິສຖານ

  • ໄພສານ ວໍຣະຈັກ

ຕຳຫຼວດປາກິສຖານ ຢືນຍາມໃກ້ໆຊາກລົດໂດຍສານ ທີ່ເກີດລະເບີດ ໃນເຂດຊານເມືອງ Peshawar (8 ມິຖຸນາ 2012)

ເຈົ້າໜ້າ​ທີ່​ໃນ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ປາ​ກິ​ສຖານ​ກ່າວ​ວ່າ ​ເຫດ​ລະ​ເບີດ ທີ່​ເກີດ​ຂຶ້ນ
​ໃນ​ລົດ​ໂດຍສານ​ຄັນ​ນຶ່ງ ​ໄດ້​ສັງຫານ​ຢ່າງ​ນ້ອຍ 18 ຄົນ ຮວມທັງ​ແມ່ ຍິງ 6 ຄົນ.

​ເຈົ້າໜ້າ​ທີ່​ເວົ້າວ່າ ນອກ​ນັ້ນ​ແລ້ວ​ຍັງ​ມີ​ຜູ້​ໄດ້​ຮັບ​ບາດ​ເຈັບ​ອີກ​ປະມານ 35 ຄົ​ນ​ໃນການ​ໂຈມ
​ຕີ​ທີ່​ເມືອງ Peshawar ​ໃກ້ໆ​ເຂດ​ຊົນ​ເຜົ່າ ຊຶ່ງເປັນເຂດ ເຄິ່ງປົກຄອງ​ຕົນ​ເອງ ຂອງປາ​ກິ​ສ
ຖານ ທີ່​ຕັ້ງຢູ່​ຕິດ​ຊາຍ​ແດນ​ອັຟກາ​ນິສຖານ​ນັ້ນ.

ຍັງ​ບໍ່​ທັນ​ມີ​ກຸ່​ມ​ໃດ​ອ້າງ​ເອົາ​ຄວາມ​ຮັບຜິດຊອບ​ໃນ​ການ​ໂຈມ​ຕີ​ດັ່ງກ່າວ​ນີ້​ເທື່ອ ​ແຕ່ກຸ່ມ​ຕາ​ລີ​
ບານ​ໃນ​ປາ​ກິ​ສຖານ ​ເຄີຍ​ທຳ​ການ​ໂຈມ​ຕີ​ດ້ວຍ​ລະ​ເບີດ​ທີ່​ຄ້າຍຄື​ກັນ​ນີ້​ຫຼາຍຮ້ອຍ​ຄັ້ງ​ໃນ​ທົ່ວ
​ປະ​ເທດ​ມາ​ແລ້ວ.

ກຸ່ມ​ຕາ​ລີ​ບານ​ປາ​ກິ​ສຖານ ກຸ່ມ​ຕາ​ລີ​ບານ​ຈາກອັຟກາ​ນິສຖານ ກຸ່ມ​ກໍ່ການ​ຮ້າຍ​ອາລກາ
​ອີ​ດາ ​ແລະ​ກຸ່ມ​ຫົວ​ຮຸນ​ແຮງ​ອື່ນໆ​ທີ່​ເປັນ​ເຄືອ​ຂ່າຍ ​ໄດ້​ພາກັນ​ຕັ້ງຄ້າຍ​ຢູ່​ໃນ​ເຂດ​ຊົນ​ເຜົ່າ​
ຂອງ​ປາ​ກິ​ສຖານ ​ແລະ​ສວຍ​ໂອກາດ​ໃຊ້​ເຂດ​ຊາຍ​ແດນ​ທີ່​ບໍ່​ມີການ​ຄວບ​ຄຸມ​ຢ່າງ​ເຄັ່ງ​ຄັດ
ທຳ​ການ​ໂຈມ​ຕີ​ຕໍ່​ກຳລັງເນ​ໂຕ້​ແລະ​ກຳລັງ​ອັຟກາ​ນິສຖານ ຢູ່​ໃນ​ອັຟກາ​ນິສຖານ.

XS
SM
MD
LG