ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະຫະລັດ ບໍ່ພໍໃຈກັບ ການຕັດສິນ ຈຳຄຸກ ຜູ້ນຳ ຝ່າຍຄ້ານ ຂອງ ເວເນຊູເອລາ


ນາງ Lilian Tintori, ພັນລະຍາຂອງຜູ້ນຳຝ່າຍຄ້ານທີ່ຖືກຈັບເຂົ້າຄຸກ ທ່ານ Leopoldo Lopez, ກ່າວຕໍ່ຜູ້ສະໜັບສະໜູນສາມີຂອງລາວໃນນະຄອນຫຼວງ Caracas, ປະເທດ ເວເນຊູເອລາ, 11 ກັນຍາ, 2015.
ນາງ Lilian Tintori, ພັນລະຍາຂອງຜູ້ນຳຝ່າຍຄ້ານທີ່ຖືກຈັບເຂົ້າຄຸກ ທ່ານ Leopoldo Lopez, ກ່າວຕໍ່ຜູ້ສະໜັບສະໜູນສາມີຂອງລາວໃນນະຄອນຫຼວງ Caracas, ປະເທດ ເວເນຊູເອລາ, 11 ກັນຍາ, 2015.

ສະຫະລັດ ​ໄດ້​ສະ​ແດງ​ຄວາມ​ບໍ່ພໍໃຈ​ຕໍ່​ການ​ຈັບ​ຜູ້ນຳ​ພັກ​ຝ່າ​ຍຄ້ານ​ຂອງ ​ເວ​ເນ​ຊູ​ເອລາ ທ່ານ Leopoldo Lopez ​ເຂົ້າ​ຄຸກ.

ທ່ານ Lopez ​ໄດ້​ຖືກ​ຕັດສິນ​ຈຳ​ຄຸກ​ເກືອບ 14 ປີ​ໃນ​ຂໍ້​ຫາພົວພັນ ກັບ​ການ​ປະ​ທ້ວງ​ທີ່​ນຳ​ໜ້າ​ໂດ​ຍພັກ​ຝ່າຍ​ຄ້ານ​ເມື່ອ​ປີ​ກາຍ​ນີ້ທີ່ໄດ້ ເຮັດໃຫ້ມີການເສຍຊີວິດ ​ໃນ​ເວລາ​ທີ່​ກຳລັງ​ທະຫານ​ລັດຖະບານ​ໄດ້​ປະ​ທະ​ກັນ​ກັບ​ພວກ​ປະ​ທ້ວງ.

ທູ​ດ ສະຫະລັດ ປະ​ຈຳ​ອົງການ​ສະຫະ​ປະຊາ​ຊາດ ທ່ານ​ນາງ Samantha Power ​ໄດ້​ກ່າວ​ຕໍ່​ນັກ​ຂ່າວ ວີ​ໂອ​ເອ Margaret Besheer ວ່າການ​ຕັດ​ສີນ​ລົງ​ໂທດທ່ານ Lopez ​ແມ່ນ​ບໍ່​ຍຸດຕິ​ທຳ ​ແລະ “ມັນໄດ້ດຳ​ເນີນ​ໄປ​ໂດຍ​ບໍ່​ໄດ້​ກ່າວເຖິງໂທ​ດກຳ​ການ​ກະທຳຂອງ​ທ່ານ Lopez ແລະ​ ວ່າບໍ່​ສົມ​ເຫດ​ສົມ​ຜົນ.”

ທ່ານ​ນາງ Power ​ໄດ້​ກ່າວ​ວ່າ ການ​ລົງ​ໂທດທ່ານ Lopez ​ແມ່ນ​ຈະ​ບໍ່​ “ນຳ​ໄປ​ສູ່​ສັນຕິພາບ ​ແລະ ຄວາມ​ຈະ​ເລີ​ນຮຸ່ງ​ເຮືອງ ​ແລະ ຄວາມ​ໝັ້ນຄົງ​ໃນປະ​ເທດ ​ເວ​ເນ​ຊູ​ເອລາ” ​ໃນ​ເວລາ​ທີ່​ປະ​ເທດ ກຳລັງ​ຜ່ານ​ຜ່າ​ບັນຫາ​ວິ​ກິດ​ການ​ທາງ​ດ້ານ​ເສດຖະກິດຢູ່​ນີ້.

ນັກ​ເສດ​ຖະສາ​ດທີ່​ໄດ້​ຮັບ​ການ​ຝຶກ​ອົບຮົມໃນ ສະຫະລັດຜູ້​ນັ້ນ ​ໄດ້ຖືກ​ຕັດ​ສີນວ່າ​ມີ​ຄວາມ​ຜິດ​ຍ້ອນ​ວ່າ​ຍຸຍົງ​ໃຫ້​ເກີດຄວາມ​ຮຸນ​ແຮງ​ຕ້ານ​ລັດຖະບານ ​ໃນ​ຄວາມພະຍາຍາມບັງຄັບ​ໃຫ້​ປະທານາທິບໍດີ Nicolas Maduro ອອກ​ຈາກ​ຕຳ​ແໜ່​ງ. ທ່ານ Lopez ມີ​ອາ​ຍຸ 44 ປີ, ທ່ານ​ເປັນ​ຜູ້​ກໍ່​ຕັ້ງ​ຂອງ ພັກ​ຄວາມ​ປາຖະໜາ​ຂອງ​ປະຊາ​ຊົນ ຫຼື Popular Will.

Venezuela Politics
please wait
Embed

No media source currently available

0:00 0:00:24 0:00

XS
SM
MD
LG