ລິ້ງ ສຳຫລັບເຂົ້າຫາ

ຜູ້ສະໝັກ ປະທານາທິບໍດີ ສຫລ ສະແດງ ປະຕິກິລິຍາ ຕໍ່ການສັງຫານໝູ່ ຢູ່ Orlando


ພວກ​ທີ່​ຄາດ​ຫວັງ​ວ່າ​ຈະ​ໄດ້ເປັນ​ປະທານາທິບໍດີ​ສະຫະລັດ​ ໄດ້​ສະ​ແດງ​ປະ​ຕິ​ກິລິຍາ ​ຢ່າງ​ແຮງ ​ໃນ​ວັ​ນຈັນ​ວານ​ນີ້ຕໍ່​ການ​ສັງຫານໝູ່​ຢູ່​ບາ​ກະ​ເທີຍ ​ໃນ​ເມືອງ Orlando ລັດ Florida​. ​ເຫດ​ຮ້າຍ​ໃນ​ວັນ​ອາທິດ​ໄດ້​ເຮັດ​ໃຫ້ 49 ຄົນ​ເສຍ​ຊີວິດ ​ແລະ​ອີກ 53 ຄົນ​ໄດ້​ຮັບ​ບາດ​ເຈັບ ແມ່ນເປັນ​ການ​ສັງຫານໝູ່​ທີ່​ຮ້າຍ​ແຮງ​ສຸດຢູ່​ໃນ​ປະຫວັດ ສາດສະຫະລັດ. ມື​ປືນ ທ້າວ Omar Mateen ​ເປັນ​ຄົນ​ອາ​ເມຣິກັນ ​ແລະ​ມີ​ພໍ່​ແມ່​ທີ່​ເປັນ​ຊາວ​ອັຟກາ​ນິສຖານ.

ໃນ​ຄຳ​ຖະ​ແຫລ​ງ​ເທື່ອ​ທຳ​ອິດ ນັບ​ແຕ່​ໄດ້​ເກີດ​ການ​ຍິງ​ກັນ ຜູ້​ທີ່​ຈະ​ຖືກ​ສະ​ເໜີ​ຊື່ໃຫ້​ເປັນຜູ້​ສະໝັກ​ປະທານາທິບໍດີ ພັກ​ເດ​ໂມ​ແຄຣັດ ທ່ານ​ນາງ Hillary Clinton ​ໄດ້​ກ່າ​ວຕໍ່ພວກ​ສະໜັບສະໜູນທີ່​ເມືອງ Cleveland ວ່່າ “ຜູ້​ກໍ່​ການ​ຮ້າ​ຍຢູ່​ເມືອງ Orlando ອາດ​ຕາຍ​ໄປ​ແລ້ວ ​ແຕ່​ເຊື້ອ​ໄວ​ຣັສ ທີ່ຢູ່​ໃນແນວ​ຄິດຂອງ​ລາວນັ້ນຍັງ​ມີ​ຊີວິດ​ຢູ່.” ທ່ານ​ນາງ Clinton ​ໄດ້​ວາງ​ວິ​ທີ​ການ​ໄວ້ຫລາຍ​ຢ່າງ​ເພື່ອ​ຕໍ່ສູ້​ກັບ​ການ​ກໍ່​ການ​ຮ້າຍ. ​ແຜນການ​ນີ້​ອາດ​ຈະ​ລົບ​ກວນກຸ່ມ​ທັງຫລາຍ​ ໂດຍ​ການ​ແຊກ​ຊຶມ​ເຂົ້າ​ໄປ​ໃນ​ຕາໜ່າງ​ຄອມ​ພິວ​ເຕີຂອງ​ພວກ​ເຂົາ ​ເສີມ​ຂະ ຫຍາຍ​ການ​ແບ່ງປັນ​ຂໍ້​ມູນ​ສືບລັບ ລະຫວ່າງບັນດາພະ​ແນ​ກການທ້ອງ​ຖິ່ນ ​ແລະ​ລັດຖະ ບານ​ກາງ ​ແລະຮ້ອງ​ຂໍ ໃຫ້​ບັນດາ​ປະ​ເທດ​ພັນທະ​ມິດ​ໃນ​ການ​ຊ່ວຍ​ເຫຼື​ອ “ປ້ອງ​ກັນ​ພວກຫົວ ຮຸນ​ແຮງແລະ ການເກັບ​ເກນ​” ພວກ​ທີ່​ມີ​ໂອກາດ​ຈະ​ເປັນ​ພວກກໍ່​ການ​ຮ້າຍຢູ່​ໃນ​ສະຫະລັດ ​ແລະໃນຢູ​ໂຣບ.

ຜູ້ສະໝັກເປັນປະທານາທິບໍດີ ສະຫະລັດ ທ່ານ Donald Trump ກ່າວທີ່ມະຫາວິທະຍາໄລ Saint Anselm ທີ່ເມືອງ Manchester ລັດ New Hampshire, ທີ່ 13 ມິຖຸນາ, 2016.

ຜູ້ສະໝັກເປັນປະທານາທິບໍດີ ສະຫະລັດ ທ່ານ Donald Trump ກ່າວທີ່ມະຫາວິທະຍາໄລ Saint Anselm ທີ່ເມືອງ Manchester ລັດ New Hampshire, ທີ່ 13 ມິຖຸນາ, 2016.

ໃນ​ອັນ​ທີ່​ປາກົດ​ວ່າ​ເປັນການ​ຕອບຕໍ່​ຜູ້​ທີ່​ຈະ​ຖືກ​ສະ​ເໜີ​ຊື່​ ເປັນຜູ້​ສະໝັກ​ປະທານາ ທິບໍດີ ​ພັກພັກຣີພັບ​ບລິກກັນ ທ່ານ Donald Trump ທີ່ກ່າວ​ຫາ​ວ່າ ປະທານາທິບໍດີ Barack Obama ​ແລະ​ສະມາຊິກພັກ​ເດ​ໂມ​ແຄຣັດຄົນອື່ນໆ​ ທີ່​ໄດ້ປະ​ຕິ​ເສດ​ຕໍ່​ການໃຊ້​ຄໍາ​ວ່າ “ຫົວ​ຮຸນ​ແຮງ” ​ເພື່ອກ່າວເຖິງພວກ​ກໍ່​ການ​ຮ້າຍ ທີ່​ນັບຖືສາ ສະໜາ​ອິສລາມ​ນັ້ນ ທ່ານ​ນາງ Clinton ​ໄດ້​ກ່າວ​ກ່ອນ​ໜ້ານີ້ ​ຕໍ່​ໂທລະພາບ CNN ວ່າ ທ່ານ​ນາງ​ບໍ່​ຢ້ານ​ໃນ​ການ​ໃຊ້​ຄຳດັ່ງ​ກ່າວ ​ແຕ່ກໍ​ກ່າວ​ວ່າທ່ານ​ນາງປະຕິ​ເສດ “ທີ່ຈະ​ລົງ​ຄວາມ​ເຫັນ​ວ່າເປັນ​ຜີ​ສາງ ​ແລະຜູ້ນຳ​ທີ່ ມີໂວຫານ ​ແລະ​ປະກາດ​ສົງຄາມ​ຕໍ່​ໝົດ​ທັງ​ສາສໜາ​.” ​ໃນ​ການ​ກະທຳ​ດັ່ງກ່າວ ທ່ານ​ນາງ​ກ່າວ​ວ່າ “​ເປັນ ​ເຄື່ອນ​ໄຫວເພື່ອ​ໃຫ້​ເຂົ້າ​ໄປ​ຢູ່​ໃນ​ກຳມືຂອງ​ ISIS.”ຄຳ​ວ່າ ISIS ​ແມ່ນ​ຊື່​ຫຍໍ້​ຂອງກຸ່ມລັດ​ອິສລາມ.

ປະທານາທິບໍດີ Barack Obama ກ່າວເຖິງການສັງຫານໝູ່ ຢູ່ບາກະເທີຍ ເມືອງ Orlando.

ປະທານາທິບໍດີ Barack Obama ກ່າວເຖິງການສັງຫານໝູ່ ຢູ່ບາກະເທີຍ ເມືອງ Orlando.

ທ່ານ​ນາງ Clinton ຮຽກຮ້ອງ​ຕໍ່​ປະຊາຊົນ​ໃຫ້​ພາກັນ​ຕິດ​ຕໍ່​ຫາ​ຜູ້​ນັບຖື​ນສາສະ ໜາອິສລາມ ຢູ່​ໃນ​ສະຫະລັດ “​ເພື່ອຊ່ວຍ​ໃຫ້​ພວກ​ເຮົາ​ເອົາ​ຊະນະ​ການ​ຂົ່ມຂູ່​ດັ່ງກ່າວ.” ທ່ານ​ນາງ​ໄດ້ ກ່າວ​ເຖິງ​ຄວາມ​ຈຳ​ເປັນ​ໃນ “ການ​ປະຕິ​ຮູບກ່ຽວ​ກັບ​ສາມັນ​ສຳນຶກທີ່​ມີ​ເຫ​ດຜົນ” ຂອງ​ກົດໝາຍ​ການເປັນ​ເຈົ້າ​ຂອງ​ປືນ ຮວມ​ທັງ​ການ​ຫ້າມ​ຂາຍ​ອາວຸດທີ່​ສາມາດ​ໃຊ້​ໂຈມຕີ​ໄດ້.

ອ່ານຂ່າວນີ້ເພີ້ມປັນພາສາອັງກິດ

XS
SM
MD
LG