ລິ້ງ ສຳຫລັບເຂົ້າຫາ

ນຶ່ງປີ ຫຼັງຈາກ ການເຈລະຈາ ກ່ຽວກັບ ໂຄງການນິວເຄລຍ ອີຣ່ານ ພາໃຫ້ເກີດ ຄວາມເປັນຫ່ວງ


ນຶ່ງ​ປີຜ່ານມາ​ນີ້ ບັນດາ​ນັກ​ການ​ທູດ​ຈາກ​ອີຣ່ານ​ແລະ​ກຸ່ມ 6 ປະ​ເທດ​ມະຫາ​ອຳນາດ​ໂລກ ​ໄດ້​ອອກ​ມາຈາກ​ການ​ປະຊຸມ ທີ່​ໂຮງ​ແຮງ​ຫຼູຫຼາ​ແຫ່ງ​ນຶ່ງ ​ໃນ​ນະຄອນ​ວຽນ​ນາປະ​ເທດອອສ​ເຕຣຍ ​ພ້ອມ​ດ້ວຍ​ອັນ​ທີ່ພວກ​ເຂົາ​ເຈົ້າ​ໄດ້ພະຍາຍາມ ມາເປັນ​ເວລາ​ເກືອບ 2 ປີ ນັ້ນກໍ​ຄືຂໍ້​ຕົກລົງໃນ ຂອບ​ເຂດ​ທີ່​ກວ້າງຂວາງ​ ​ເພື່ອ​ຈຳກັດ​ໂຄງການ​ນິວ​ເຄລຍຂອງອີຣ່ານ ​ໃນ​ການ​ແລກປ່ຽນ​ເພື່ອໃຫ້ຍົກເລີກການ​ລົງ​ໂທດ​ຢ່າງ​ໜັກ​ທາງ​ດ້ານ​ເສດຖະກິດຕໍ່​ເຕຫະຣ່ານ.

​ທຸກມື້​ນີ້ ຂໍ້​ຕົກລົງ​ດັ່ງກ່າວ​ແມ່ນ​ມີຜົນ​ບັງຄັບ​ໃຊ້ ດ້ວຍ​ຜົນ​ຢ່າງ​ຈະ​ແຈ້ງ ກ່ຽວ​ກັບ​ອົງ​ປະກອບ​ທີ່ແຕ່​ວ່າ ກໍ​ຍັງ​ມີ​ຄວາມສົງ​ໄສຢູ່​ຕໍ່​ມາ​ຂອງ​ທັງ​ສອງ​ຝ່າຍ​ທີ່​ວ່າ ອີກຝ່າຍ​ນຶ່ງ​ ອາດ​ຈະ​ເອົາລັດ​ເອົາ​ປຽບ​ ​ແລະ​ບໍ່​ປະຕິບັດ​ຕາມ​ພັນທະ​ຂອງ​ຕົນ.

“ພວກ​ເຮົາ​ຈຳ​ເປັນ​ທີ່​ຈະ​ສືບ​ຕໍ່ເຮັດ​ວຽກ ​ແລະ​ພວກ​ເຮົາ​ກໍ​ຍັງ​ຈະ​ສືບ​ຕໍ່​ທີ່​ຈະ​ປະສານ​ງານ ​ແລະ​ພວກ​ເຮົາ​ມີ​ທູດ​ພິ​ເສດ ຜູ້​ຊຶ່ງ​ມີ​ຄວາມ​ພະຍາຍາມ​ໃນ​ແຕ່​ລະ​ມື້ ​ແມ່ນຈະ​ນຳພາ​ຄະນະເພື່ອ​ໃຫ້ ການຄ້ຳປະກັນ​ວ່າ ຂໍ້​ຕົກລົງ​ນີ້​ຈະ​ໄດ້​ຮັບ​ປະຕິບັດ​ໃຫ້​ຕະຫຼອດ​ຮອດ​ຝັ່ງ ຊຶ່ງ​ພວກ​ເຮົາ​ສາມາດ​ທີ່​ຈະ​ແກ້​ໄຂບັນ​ຫາ​ໃດໆກໍ​ໄດ້” ນັ້ນຄື​ຄຳ​ເວົ້າຂອງ​ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ​ໃນ​ວັນ​ພະຫັດວານ​ນີ້.

ການ​ເຈລະຈາ​ໄດ້ເລີ້ມຂຶ້ນຍ້ອນຄວາມ​ຢ້ານ​ກົວ​ຂອງ​ບັນ​ດາ​ປະ​ເທດ​ຕາ​ເວັນ​ຕົກ ທີ່​ຢ້ອນກັບ​ໄປ​ຍັງ​ປີ 2002 ທີ່​ວ່າ ​ອີຣ່ານແມ່ນ​ໄດ້​ພັດທະນາ​ໂຄງການ​ອາວຸດ​ນິວ​ເຄລຍ ຊຶ່ງ​ລັດຖະບານ​ອີຣ່ານ ​ໄດ້​ປະຕິ​ເສດ​ຢູ່​ເລື້ອຍ​ມາ​ນັ້ນ. ການ​ລົງ​ໂທ​ດຂອງ​ອົງການ​ສະຫະ​ປະຊາ​ຊາດ ແລະ ການ​ລົງ​ໂທດອື່ນ​ໆຂອງທາງສະຫະລັດ ​ແລະ​ສະຫະພາບ​ຢູ​ໂຣບ ​ແມ່ນ​ເພື່ອ​ກົດ​ດັນ​ໃຫ້​ອີຣ່ານ ປະລະ​ໂຄງການ​ອາວຸດ​ນິວ​ເຄລຍ. ອີຣ່ານ ສື​ບຕໍ່​ກິດຈະກຳ​ນິວ​ເຄລຍຂອງ​ຕົນ ຊຶ່ງ​ສ່ວນ​ໃຫຍ່​ເພັ່ງ​ເລັງ​ໃສ່ ການ​ກັ່ນ​ທາດ​ຢູ​ເຣ​ນຽມ ​ໃນ​ຂະນະ​ທີ່​ການ​ລົງ​ໂທດ​ນັ້ນ ​ແມ່ນ​ໄດ້ສ້າງ​ຄວາມ​ເສຍ​ຫາຍ​ຢ່າງ​ໜັກ​ໃຫ້​ແກ່ເສດຖະກິດ​ຂອງອີຣ່ານ.

ການ​ເຈລະຈາ​ທີ່​ວ່າ​ນີ້ ​ໄດ້​ປະສົບ​ກັບ​ຄວາມ​ກ້າວໜ້າ ​ໃນ​ທ້າຍ​ປີ 2013 ​ເວລາ​ອີຣ່ານ ​ແລະ​ກຸ່ມ​ດັ່ງກ່າວ ທີ່​ຮວມມີ ສະຫະລັດ ອັງ​ກິດ ຈີນ ​ຝຣັ່ງ ຣັດ​ເຊຍ ​ແລະ​ເຢຍຣະມັນ ​ໄດ້ບັນລຸການ​ຕົກລົງ​ຊົ່ວຄາວ ຊຶ່ງ​ໄດ້​ຈຳກັດ ​ກິ​ດຈະ​ກຳ​ບາງ​ຢ່າງ​ໃນ​ດ້ານ​ນິວ​ເຄລຍຂອງ​ອີ​ຣ່ານ ​ແລະ​ຜ່ອນຜັນ​ການ​ລົງ​ໂທດ​ຈຳນວນ​ນຶ່ງ​ໃຫ້​ແກ່​ເຕຫະຣ່ານ.

​ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ລັດຖະມົນຕີການຕ່າງປະເທດ ທ່ານ Mohammad Javad Zarif ແລະ ປະທານນະໂຍບາຍສະຫະພາບຢູໂຣບ ທ່ານນາງ Federica Mogherini ກ່ອນເຂົ້າຮ່ວມກອງປະຊຸມໃນນະຄອນ Tehran, ອິຣ່ານ, 16 ເມສາ, 2016.

ລັດຖະມົນຕີການຕ່າງປະເທດ ທ່ານ Mohammad Javad Zarif ແລະ ປະທານນະໂຍບາຍສະຫະພາບຢູໂຣບ ທ່ານນາງ Federica Mogherini ກ່ອນເຂົ້າຮ່ວມກອງປະຊຸມໃນນະຄອນ Tehran, ອິຣ່ານ, 16 ເມສາ, 2016.

XS
SM
MD
LG