ລິ້ງ ສຳຫລັບເຂົ້າຫາ

ໃນວັນແຮງງານ ປ. ໂອບາມາ ສັ່ງໃຫ້ຈ່າຍເງິນ ແກ່ຄົນງານ ທີ່ລາພັກ ຍ້ອນເຈັບປ່ວຍ


ປະທານາທິບໍດີ Barack Obama ໂບກມືຈາກເຮືອບິນ ປະຈຳຕຳແໜ່ງປະທານາທິບໍດີ Air Force One ກ່ອນອອກເດີນທາງໄປ ຍັງນະຄອນ Boston.

ປະທານາທິບໍດີ Barack Obama ໂບກມືຈາກເຮືອບິນ ປະຈຳຕຳແໜ່ງປະທານາທິບໍດີ Air Force One ກ່ອນອອກເດີນທາງໄປ ຍັງນະຄອນ Boston.

ປະທານາທິບໍດີ Barack Obama ​ໄດ້​ສະຫລອງ​ວັນແຮງ​ງານ
ຊຶ່ງເປັນວັນພັກຢູ່​ໃນສະຫະລັດ ໃນວັນ​ຈັນ​ວານ​ນີ້ ​ໂດຍ​ສັ່ງ​ໃຫ້
ບັນ​ດາ​ບໍລິສັດສັນຍາຈ້າງຂອງລັດຖະບານ​ກາງ ສະໜອງການ
ຈ່າຍເງິນໃນເວລາເຈັບປ່ວຍໃຫ້ແກ່ພວກພະນັກງານ ຈຳນວນ
300,000 ຄົນ.

ປະທານ​າທິບໍດີ Obama ກ່າວ​ຕໍ່ການ​ໂຮ​ມ​ຊຸມນຸມຂອງພວກ
ຄົນງານກຳມະບານໃນ​ນະຄອນ Boston ວ່າ ທີ່​ທ່ານ​ໄດ້​ເຊັນ​
ດຳລັດ ຂອງຝ່າຍບໍລິຫານສະບັບນຶ່ງ ​ເພາະວ່າ ພັກຣີພັບ​ບລິ
​ກັນ​ໄດ້​ທຳການໂຈມຕີຢູ່ຕະຫລອດເວລາຕໍ່ພວກ​ແຮງ​ງານອາ
​ເມຣິກັນ.

ປະ​ທາ​ນາ​ທິບໍດີ Obama ກ່າວ​ວ່າ​ ສະຫະລັດ​ ເປັນ​ປະ​ເທດ​ດຽວ​ ທີ່​ກ້າວໜ້າ​ທາງດ້ານ​ເສດຖະກິດ ບໍ່​ໃຫ້ການ​ຄໍ້າປະກັນໃນຈ່າຍເງິນເວລາ​ລາ​ພັກຍ້ອນ​ເຈັບ​ປ່ວຍ ຫລື​ຈ່າຍເງິນໃຫ້​
ໃນ​ເວລາ​ພັກ​ອອກລູກ. ບັນດາ​ພະນັກງານສະຫະລັດ ຫລາຍ​ໆ​ຄົນ​ໄດ້​ຮັບ​ຜົນປະໂຫຍດ​
ດັ່ງກ່າວ. ​ແຕ່​ວ່າປະມານ 44 ລ້ານ​ຄົນ ​ທີ່​ເປັນ​ພະນັກ ງານບໍລິສັດເອກ​ກະ​ຊົນ ຊຶ່ງຫລາຍໆ​
ຄົນ​ເປັນ​ພະນັກງານທີ່ມີ​ລາຍ​ໄດ້​ຕໍ່າ ບໍ່​ໄດ້​ຮັບ​ຜົນປະໂຫຍດດັ່ງກ່າວ.

ການ​ຈ່າຍເງິນໃນເວລາລາ​ພັກ​ເຈັບ​ປ່ວຍ ຈະ​ເຮັດ​ໃຫ້​ເຂົາ​ເຈົ້າສາມາດ​ປິ່ນປົວເຂົາ​ເຈົ້າເອງ
ຫລື​ບັນດາ​ສະມາຊິກໃນ​ຄອບຄົວ​ທີ່ເຈັບ​ປ່ວຍໄດ້. ດຳລັດ​ ປະ​ທານາ​ທິບໍດີ ​ໄດ້​ອະນຸຍາດ​
ໃຫ້ບັນດາບໍລິສັດສັນຍາ​ຈ້າງ ​ຂອງ​ລັດຖະບານ​ກາງ ອະນຸຍາດ​ໃຫ້​ບັນດາ​ພະນັກງານ​ເຂົາ​
ເຈົ້າ ​ສາມາດລາພັກ​ຍ້ອນ​ການເຈັບປ່ວຍ ແບບໄດ້ຮັບເງິນເຖິງ 7 ມື້ຕໍ່​ປີ ເລີ້ມແຕ່ປີ 2017 ເປັນຕົ້ນໄປ.

ປະ​ທາ​ນາ​ທິບໍດີ Obama ​ໄດ້​ທຳການຮຽກຮ້ອງອີກຄັ້ງນຶ່ງ ໃຫ້ລັດຖະສະພາຮັບຜ່ານ​ກົດ
ໝາຍທີ່ບັງຄັບ​ໃຫ້​ບັນດາ​ນາຍ​ຈ້າງ ​ທີ່​ມີຄົນງານ​ 15 ຄົນຫລື​ຫລາຍ​ກວ່າ ນັ້ນ ​ຈ່າຍ​ເງິນຄ່າ​
ລາພັກ​ຍ້ອນການ​ເຈັບ​ປ່ວຍ ​ເຈັດມື້​ຕໍ່​ປີ.

​ແຕ່​ເຈົ້າ​ຂອງທຸລະ​ກິດ​ຂະໜາດ​ນ້ອຍ​ຈຳນວນ​ນຶ່ງ​ ກ່າວ​ວ່າ ​ໃນ​ຂະນະ​ທີ່​ຄວາມຕັ້ງໃຈ​ຂອງ
ປະທານາທິບໍດີ ມີ​ຄວາມ​ຖືກຕ້ອງ ​ແຕ່ເຂົາ​ເຈົ້າບໍ່​ສາມາດ​ຈ່າ​ຍ​ເງິນໃຫ້​ແກ່​ບັນດາ​ຄົນທີ່​ບໍ່
​ສາມາດ​ເຮັດ​ວຽກ​ໄດ້.

ນອກນັ້ນ ໃນ​ວັນ​ພັກແຮງ​ງານໃນວັນ​ຈັນ​ວານ​ນີ້ ຮອ​ງ​ປະທາ​ນາ​ມິ​ບໍດີ ທ່ານ Joe Biden ​
ໄດ້​ກ່າວ​ຕໍ່​ການໂຮມຊຸມນຸມຂອງສະຫະພັນກຳມະບານ​ຫລໍ່​ເຫລັກທີ່​ເມືອງ Pittsburgh
ວ່າ ລັດຖະສະພາຕ້ອງ​ຫລຸດຜ່ອນ ການມີ​ລາຍ​ໄດ້​ທີ່​ບໍ່​ເທົ່າ​ທ່ຽມກັນ ​ໂດຍ​ປ່ຽນ​ແປງ ກົດ​
ລະ​ບຽບເສຍ​ພາສີ​ຂອງສະຫະລັດ ທີ່​ທ່ານ​ກ່າວ​ວ່າ ເປັນຜົນດີ​ສຳລັບ​ຜູ້​ຮັ່ງມີ.

XS
SM
MD
LG