ລິ້ງ ສຳຫລັບເຂົ້າຫາ

ທີມສະກີ ສຫລ ປະເພດ slopestyle ຄວ້າ 3 ຫຼຽນ ທັງ ຄໍາ ເງິນ ແລະ ທອງແດງ (ສະໄລດ໌)


ທ້າວ Christensen (ຂວາ) ແລະ ທ້າວ Kenworthy (ຊ້າຍ) ພາກັນສະຫຼອງ ໃນການທີ່ສະຫະລັດ ໄດ້ຊະນະທັງ 3 ຫຼຽນໂອລິມປິກ.

ທ້າວ Christensen (ຂວາ) ແລະ ທ້າວ Kenworthy (ຊ້າຍ) ພາກັນສະຫຼອງ ໃນການທີ່ສະຫະລັດ ໄດ້ຊະນະທັງ 3 ຫຼຽນໂອລິມປິກ.

ນັກແລ່ນສະກີແບບຟຣີສະໄຕຂອງສະຫະລັດ ໄດ້ຄອບງຳ
ການແຂ່ງຂັນແລ່ນສະກີປະເພດ slopestyle ຊຶ່ງເປັນນຶ່ງ
ໃນຈຳນວນ 12 ກິລາປະເພດໃໝ່ ໂດຍໄດ້ ຊະນະທັງ
3 ຫຼຽນ ໃນການແຂ່ງຂັນກິລາໂອລິມປິກລະດູໜາວ ທີ່ເມືອງ
Sochi ປະເທດຣັດເຊຍ.

ທ້າວ Joss Christensen ໄດ້ຊະນະຫລຽນຄຳ ທ້າວ Gus
Kenworthy ຊະນະຫລຽນເງິນ ແລະທ້າວ Nicholas
Goepper ຊະນະຫຼຽນທອງແດງ.

ເຢຍຣະມັນຍັງຈະຊອກຫາຊ່ອງທາງເພື່ອສືບຕໍ່ຄອບງຳໃນການແຂ່ງຂັນຂີ່ sled ​
ເທິງ​ນໍ້າ​ກ້ອນ​ ​ໃນ​ຄວາມ​ໄວ​ສູງ ຫຼື luge ປະເພດຕໍ່​ກັນ ຊຶ່ງ​ເປັນ​ກິລາໃໝ່ ຫລິ້ນ ເປັນທີມ
ຊຶ່ງມີແມ່ຍິງຄົນນຶ່ງ ຜູ້ຊາຍຄົນນຶ່ງ ແລະ​ເປັນຄູ່ນຶ່ງ ປ່ຽນ​ກັນ​ຂີ່ sled. ນັກ​ກິລາເຢຍຣະມັນ
ທີ່​ເຂົ້າ​ແຂ່ງໃນວັນພະຫັດມື້ນີ້ ​ໄດ້ຊະນະຫລຽນຄຳໄປແລ້ວ ​ໃນ​ການ​ແຂ່ງຂັນ luge
ທັງ 3 ປະເພດ ຢູ່ເມືອງ Sochi ນັ້ນ.

ຄວາມຜິດພາດຂອງ ເຊີເວີ

Oops, as you can see, this is not what we wanted to show you! This URL has been sent to our support web team to the can look into it immediately. Our apologies.

Please use Search above to see if you can find it elsewhere


ນອກນັ້ນ ໃນວັນພະຫັດມື້ນີ້ ທີມກິລາຮັອກກີ້ຊາຍ 3 ທີມທີ່​ເປັນ​ໂຕ​ເກັງນັ້ນ ຈະລົງແຂ່ງ
ຂັນເປັນເທື່ອທຳອິດ ໂດຍມີທີມຣັດເຊຍ ສູ້ກັບສະໂລເວເນຍ ການາດາສູ້ກັບນໍເວ
ແລະສະຫລັດສູ້ກັບສະໂລວາເກຍ.

ໃນວັນພະຫັດມື້ນີ້ ຍັງຈະມີການມອບຫຼຽນ ໃຫ້ແກ່ການແຂ່ງຂັນແລ່ນສະເກັດປະເພດຍິງ
500 ແມັດ ແລະ 1,000 ແມັດ ພ້ອມໆກັບການແລ່ນສະກີ cross country ປະເພດຍິງ
10 ກິໂລແມັດ ແລະແລ່ນສະກີ biathlon ປະເພດຊາຍ 20 ກິໂລແມັດ.

​ໃນ​ເວລາ​ອອກ​ອາກາດ​ຢູ່​ນີ້ ນໍເວ ແລະສະຫະລັດ ນຳໜ້າໝູ່ໃນຈໍານວນ​ຫຼຽນທີ່ ໄດ້ຮັບ
ທັງໝົດ ຄືປະເທດລະ 12 ຫລຽນ ຕິດຕາມໂດຍການາດາແລະເນເທີ ແລນ ໄດ້ປະເທດ
ລະ 10 ຫລຽນ. ຣັດເຊຍໄດ້ 9 ຫລຽນ ແລະເຢຍຣະມັນ 8 ຫລຽນ.

ເຢຍຣະມັນເປັນປະເທດທີ່ໄດ້ ຫລຽນຄຳຫລາຍກວ່າໝູ່ ຄື​ໄດ້ 6 ຫຼຽນ. ມີການແຂ່ງຂັນ
ກິລາຍາດ​ເອົາຫລຽນທັງໝົດ 98 ປະເພດ ຢູ່ທີ່ເມືອງ Sochi ຄື 12 ປະເພດ ຫລາຍ
ກວ່າການແຂ່ງຂັນທີ່ນະຄອນແວນຄູເວີ ກາ​ນາ​ດາ ໃນປີ 2010.

ທ່ານ​ສາມາດ​ຕິດຕາມ​ເບິ່ງ ລາຍ​ຊື່​ປະ​ເທດ​ຕ່າງໆ​ທີ່​ໄດ້​ຫຼຽນນໍາ​ໜ້າ​ໝູ່​ນັ້ນ​ໄດ້ ທາງ​ເວັບ
​ໄຊ້ທ໌ຂອງ​ເຮົາ ທີ່ lao.voanews.com

XS
SM
MD
LG