ລິ້ງ ສຳຫລັບເຂົ້າຫາ

ການຈົດຊື່ ເພື່ອປະກັນ ສຸຂະພາບ ລາຄາຖືກ ຫຼຸດຈາກປີກາຍ ແຕ່ກໍສູງກວ່າ ທີ່ຄາດໄວ້


ທ້າວ Arminda Murillo ອາຍຸ 54 ປີ ອ່ານໃບໂຄສະນາ ກ່ຽວກັບ ໂອບາມາແຄ ທີ່ບ່ອນຈົດຊື່ແຫ່ງນຶ່ງ ຢູ່ເມືອງ Cudahy ໃນລັດ ກາລີຟໍເນຍ. (27 ມີນາ 2014)

ເຈົ້າໜ້າ​ທີ່​ຂອງ​ລັດຖະບານ​ກາງ​ກ່າວ​ວ່າ ມີ​ຫລາຍ​ກວ່າ 9 ລ້ານ 2 ​ແສນ​ຄົນ​ ໄດ້ຈົດ​ຊື່​ເຂົ້າ​ຮັບປະກັນ​ໄພ​ສຸຂະພາບຜ່ານ​ທາງ​ກົດໝາຍ​ປະກັນ​ໄພ​ສຸຂະພາບ​ລາຄາຖືກ ​ໃນ​ລະຫວ່າງ​ລະດູ​ເປີດ​ການ​ຮັບ​ສະໝັກ ​ແຕ່​ເດືອນ​ພະຈິກ ​ຫາ​ເດືອນ​ມັງກອນ ທັງໆ​ທີ່ ​ພັກຣີພັບ​ບລີ​ກັນ​ໄດ້​ດຳ​ເນີນ​ຄວາມ​ພະຍາຍາມ ​ເພື່ອ​ຈະ​ຍົກ​ເລີກ​ ໂຄງການ​ປະກັນ​ໄພ​ດັ່ງກ່າວ ​ແລະ​ຕັ້ງລະ ບົບ​ຮັກສາ​ສຸຂະພາບ​ແນວອື່ນ​ແທນ.

ຈຳນວນ​ຜູ້​ສະໝັກ​ທັງ​ໝົ​ດ​ໄດ້​ຫລຸດ​ລົງ 5 ​ແສນ​ຄົນ ຈາກ​ການ​ສະໝັກ​ໃນ​ໄລຍະດຽວ​ກັນ​ ຂອງ​ປີ​ກາຍ​ນີ້. ​ແຕ່​ແນວ​ໃດ​ກໍ​ຕາມ ຄວາມ​ວຸ້ນວາຍ​ກ່ຽວ​ກັບ​ອະນາຄົດ​ຂອງໂຄງການ​ທີ່​ຮູ້ ​ກັນ​ຢ່າງ​ກວ້າງຂວາງ​ໃນ​ຊື່ Obamacare ນັ້ນ ຈຳນວນ​ທີ່​ຫຼຸດລົງ​ ແມ່ນ​ໜ້ອຍ​ກວ່າ​ທີ່​ໄດ້​ທຳນາຍ​ໄວ້.

ຈາກ​ຈຳນວນ​ຜູ້​ສະໝັກ 9 ລ້ານ 2 ​ແສນ​ຄົນ​ໃນ​ປີນີ້ ປະມານ 3 ລ້ານ​ຄົນ​ແມ່ນ ຜູ້​ສະໝັກ​ໃໝ່ ​ໃນ​ຂະນະ​ສ່ວນ​ທີ່​ເຫຼືອ ​ເປັນ​ຜູ້​ສະໝັກ​ເພື່ອ​ຮັບ​ການ​ປິ່ນປົວ​ມາ​ແຕ່ປີ​ກາຍ​ນີ້ ອີງ​ຕາມ​ ໂຕ​ເລກ​ຂອງ​ລັດຖະບານ.

ການ​ເປີດ​ຮັບ​ສະໝັກ​ນີ້ ​ແມ່ນ​ເບິ່ງ​ກັນ​ວ່າເປັນ​ການ​ທົດ​ສອບ​ກ່ຽວ​ກັບ​ຄວາມ​ນິຍົມໃນ​ໂຄງ ການ​ຮັກສາ​ສຸຂະພາບ​ ຂອງ​ລັດຖະບານ​ກາງ​ດັ່ງກ່າວ ຊຶ່ງ​ໄດ້​ມີ​ການສະ​ເໜີ ໃຫ້​ຜູ້​ຄົນ​ຈົດ​ ທະບຽນ​ຢູ່​ໃນ 39 ລັດ. ສ່ວນ​ບັນດາ​ລັດ​ທີ່​ເຫລືອ​ນັ້ນ ມີ​ລະບົບ​ແລກປ່ຽນ​ການ​ຮັກສາ​ສຸຂະ ພາບ​ຂອງ​ຕົນ​ເອງ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG