ກອງປະຊຸມສຸດຍອດສະຫະປະຊາຊາດກ່ຽວກັບການປ່ຽນແປງ
ຂອງດິນຟ້າອາກາດ ເປັນເວລານຶ່ງມື້ ໄດ້ສີ້ນສຸດລົງ ພ້ອມດ້ວຍ
ການໃຫ້ຄຳໝັ້ນສັນຍາເປັນເງິນຫຼາຍຮ້ອຍພັນລ້ານໂດລາຈາກ
ບັນດາສະມາຊິກ ເພື່ອຕໍ່ສູ້ກັບ ສະພາບອາກາດຮ້ອນເອົ້າຂອງ
ໂລກ ແຕ່ວ່າ ເປັນຂໍ້ຕົກລົງແບບບໍ່ມີຂໍ້ຜູກມັດໃດໆ.
ເລຂາທິການໃຫຍ່ສະຫະປະຊາຊາດທ່ານ Ban Ki-moon ຮ້ອງ
ການປ່ຽນແປງດິນ ຂອງຟ້າອາກາດນີ້ວ່າ ເປັນບັນຫາ ທີ່ພົວພັນ
ກັບການຕັດສິນໃຈທາງການເມືອງ ຂອງຍຸກສະໄໝແລະກ່າວວ່າ
ການຮັບມືໃນຍຸກປັດຈຸບັນ ຈະກຳນົດກ່ຽວກັບອະນາຄົດ.
ປະທານາທິບໍດີສະຫະລັດ ທ່ານ Barack Obama ໄດ້ກ່າວທີ່ກອງປະຊຸມສຸດຍອດວ່າ
ໃນຖານະທີ່ເປັນປະເທດສ້າງຄວາມເປື້ອນເປິໃຫ້ແກ່ໂລກ ໃຫຍ່ສຸດອັນດັບສອງ ນຳຫລັງ
ຈີນນັ້ນ ສະຫະລັດ ຂໍຮັບເອົາຄວາມຮັບຜິດຊອບຂອງຕົນ ໃນບົດບາດການສ້າງຄວາມເສຍ
ຫາຍໃຫ້ແກ່ໂລກມະນຸດເຮົາ. ແຕ່ ທ່ານກ່າວວ່າ ບັນດາປະເທດທັງໝົດ ຕ້ອງດຳເນີນການ
ຮ່ວມກັນ.
ຜູ້ຕາງໜ້າຈີນ ທ່ານ Zhang Gaoli ກ່າວວ່າ ຈີນໃຫ້ຄວາມສຳຄັນສູງ ຕໍ່ການ ແກ້ໄຂບັນ
ຫາການປ່ຽນແປງຂອງດິນຟ້າອາກາດ ຮວມທັງຫລຸດຜ່ອນການປ່ອຍ ທາດຄາບອນ
ການປະຢັດພະລັງງານ ແລະການຫລຸດຜ່ອນໃນການໃຊ້ເຊື້ອໄຟທີ່ມາຈາກຊາກພືດ
ແລະສັດ.
ບັນດາຜູ້ຕາງໜ້າ ໄດ້ໃຫ້ຄຳໝັ້ນສັນຍາທີ່ຈະດຳເນີນງານ ເພື່ອຈະຍຸດຕິການຕັດປ່າໄມ້
ທຳລາຍປ່າ ປັບປຸງການຜະລິດອາຫານ ແລະສົ່ງເສີມການໃຊ້ລົດໄຟຟ້າ ແທນລົດທີ່ໃຊ້
ນຳ້ມັນ.
ແຕ່ວ່າການໃຫ້ຄຳໝັ້ນສັນຍາເຫຼົ່ານີ້ ບໍ່ແມ່ນສັນຍາທີ່ມີການຜູກມັດ ໃນຂະນະທີ່ ປະເທດ
ຕ່າງໆພວມຊອກຫາທາງ ເພື່ອໃຫ້ມີການບັນລຸຂໍ້ຕົກລົງຂອງໂລກສຳລັບ ຫລຸດຜ່ອນການ
ປ່ອຍແກັສເຮືອນແກ້ວ ທີ່ກອງປະຊຸມຢູ່ນະຄອນປາຣີ ໃນທ້າຍປີໜ້າ.
