ລິ້ງ ສຳຫລັບເຂົ້າຫາ

ປ. ໂອບາມາ ເຕືອນຈີນ ເລື້ອງພວກນັກສືບ ບັງຄັບ ຊາວຈີນ ທີ່ຫຼົບໜີ ກົດໝາຍ ໃຫ້ກັບຄືນປະເທດ


ປະທານາທິບໍດີ Barack Obama, ຊ້າຍ, ສຳພັດມືກັບ ປະທານປະເທດຈີນ ທ່ານ Xi Jinping.

ປະທານາທິບໍດີ Barack Obama, ຊ້າຍ, ສຳພັດມືກັບ ປະທານປະເທດຈີນ ທ່ານ Xi Jinping.

ສະຫະລັດ ອາ​ເມຣິກາ ຍັງເນັ້ນ​ໜັກ​ວ່າ ບັນດາ​ນັກ​ສືບ​ຈີນ ​ທີ່​ຖືກ
ສົ່ງ​ມາ​ປະ​ຕິ​ບັດ​ງານ​ຢູ່ ສຫລ ​ແລະ​ກົດ​ດັນ​ໃຫ້​ຊາວ​ຈີນ ທີ່​ລົບໜີ​
ໃຫ້​ກັບ​ຄືນ​ປະ​ເທດ​ນັ້ນ​ຕ້ອງ​ຢຸດ​ເຊົາ.

ກະຊວງ​ຕ່າງປະ​ເທດ ສະຫະລັດ ​ໃນ​ວັນ​ຈັນ​ວານ​ນີ້ ​ໄດ້​ປະຕິ​ເສດ
​ກ່າວ​ໂດຍ​ກົງ​ກ່ຽວ​ກັບ​ການ​ກ່າວ​ຫາ​ ທີ່​ໄດ້​ລາຍ​ງານ​ເທຶ່ອທຳ​ອິດ
​ໃນ ໜັງສື​ພິມ New York Times ​ແຕ່ເວົ້າເປັນ​ທີ່​ແຈ້ງ​ຂາວ​ວ່າ
ກິດຈະການ​ດັ່ງກ່າວ ບໍ່​ໄດ້​ອະນຸຍາດ​ໂດຍ ປາດ​ສະ​ຈາກ​ການ
​ເຕືອນໃຫ້ ​ ລັດຖະມົນຕີ​ກະຊວງ​ຍຸຕິ​ທໍາຊາບ.

ທ່ານ John Kirby ​ໂຄສົກ ກະຊວງ​ຕ່າງປະເທດ ສະຫະລັດ
ກ່າວ​ວ່າ “ຄວາມຈິງ​ແລ້ວ ມັນເປັນ​ການກະທຳ​ຜິດ ພາຍ​ໃຕ້​ກົດໝາຍ​ ສຫລ ສຳລັບ​ສ່ວນ​ບຸກຄົນ ນອກ​ເໜືອ​ໄປ​ຈາກການ​ທູດ ຫລື ຫ້ອງການ​ກົງສຸນ​ການ​ທູດ ຕາງໜ້າ​ຢູ່​ໃນ ສະຫະ
ລັດ ​ເຮັດ​ໜ້າ​ທີ່​ຜູ້​ພິທັກ​ສັນຕິ​ລາດ ຂອງ​ຕ່າງປະ​ເທດ ທີ່​ມີ​ອຳນາດ ປາດ​ສະ​ຈາກ​ການ​ເຕືອນ​ໃຫ້​ຊາບ.”

ທ່ານ​ກ່າວ​ວ່າ ສະຫະລັດ ​ແລະ​ຈີນ ສົນທະນາ​ກັນ​ເປັນ​ປະຈຳ ກ່ຽວ​ກັບ​ອັນ​ທີ່​ທ່ານ​ຮ້ອງ​ວ່າ “ເປັນເລື້ອງທີ່ມີຄວາມເປັນຫ່ວງນຳກັນ ຮວມທັງບັນດາຜູ້ລົບໜີ ກົດໝາຍແລະຕ້ານການ
ສໍ້ລາດບັງຫລວງ” ຜ່ານ ການ​ຮວມງານ​ຂອງສະຫະລັດ-ຈີນ ​ໃນການບັງຄັບກົດໝາຍ.

ກະຊວງຍຸຕິທຳ ສຫຣ ໄດ້ອອກຄຳເຕືອນ ໃນວັນຈັນວານນີ້ ກ່ຽວກັບການ ປະຕິບັດງານ
ສືບລັບໃດໆຂອງຈີນ.

ໂຄສົກ ທ່ານ Mac Raimondi ກ່າວວ່າ “ຖ້າຫາກກິດຈະການປະຕິບັດງານດ່ັງກ່າວບໍ່
ລາຍງານ​ໃຫ້​ຊາບ ເກີດຂື້ນຢູ່ໃນດິນແດນ ສະຫະລັດ ພວກເຮົາຈະບັງຄັບກົດໝາຍ
ຢ່າງແຮງ.”

ໃນຕອນເຊົ້າວວັນຈັນວານ​ນີ້ ສື່ລັດຖະບານຈີນ ໄດ້ຕິຕຽນການເຄື່ອນໄຫວຂອງ ວໍຊິງຕັນ ຮຽກຮ້ອງໃຫ້ບັນດາເຈົ້າໜ້າທີ່ ສະຫະລັດ “ສະແດງຄວາມຈິງໃຈ ໃນການຕ້ານ ການສໍ້
ລາດ
ບັງຫລວງ ກັບຈີນ.”

ຂໍ້ຄິດເຫັນຈາກ ອົງການຂ່າວ Xinhua ຍັງກ່າວວ່າ ສະຫະລັດ ສັ່ງໃຫ້ບັນດາ ນັກສືບຈີນ ທີ່ພົວພັນກັບ ການໂຄສະນາຕ້ານສໍ້ລາດບັງຫລວງຢູ່ໃນປະເທດ ທີ່ຮູ້ວ່າ “ການປະຕິບັດ
ງານ Fox Hunt” ນັ້ນ “ເປັນທີ່ໜ້າເສຍໃຈ.”

ສະແດງຄວາມເຫັນໃຫ້ເບິ່ງ

XS
SM
MD
LG