ລິ້ງ ສຳຫລັບເຂົ້າຫາ

ປ. ໂອບາມາ ພິຈາລະນາ ຜູ້ປົກຄອງລັດ ເນວາດາ ສຳລັບ ຕຳແໜ່ງ ຜູ້ພິພາກສາ ສານສູງສຸດ


ແຫລ່ງຂ່າວທີ່ຮູ້​ເລື້ອງດີ ກ່ຽວກັບຂັ້ນຕອນ​ການ​ແຕ່ງຕັ້ງທາງ​
ຕຸລາການ ໄດ້ກ່າວໃນວັນພຸດວານນີ້ວ່າ ທຳນຽບຂາວ ກຳລັງ
ກວດສອບເບິ່ງ ຜູ້ປົກຄອງລັດ Nevada ສັງກັດພັກຣີພັບບລີກັນ
ທ່ານ Brian Sandoval ສຳລັບຕຳແໜ່ງທີ່ເປົ່າຫວ່າງລົງຂອງ
ສານສູງສຸດ ຍ້ອນການເຖິງແກ່ອະສັນຍະກຳ ຂອງຜູ້ພິພາກສາ
Antonin Scalia.

ທ່ານ Sandoval ໄດ້ພົບປະກັບ ຜູ້ນຳສຽງສ່ວນນ້ອຍ ໃນສະພາ
ສູງ ທ່ານ Harry Reid ໃນວັນຈັນຜ່ານມາ ໃນຂະນະທີ່ ຜູ້ປົກຄອງ
ລັດ Sandoval ໄປຮ່ວມກອງປະຊຸມ ສະມາຄົມຂອງຜູ້ປົກຄອງລັດ
ແຫ່ງຊາດ ຢູ່ທີ່​ນະຄອນຫຼວງວໍຊິງຕັນ.

ຜູ້ປົກຄອງລັດ Nevada ສັງກັດພັກຣີພັບບລີກັນ ທ່ານ Brian Sandoval ເຂົ້າຮ່ວມໃນພິທີ ເປີດກອງປະຊຸມ ສະມາຄົມ ຜູ້ປົກຄອງລັດ ລະດູໜາວ ຢູ່ໃນນະຄອນຫຼວງ ວໍຊິງຕັນ, ວັນທີ 20 ກຸມພາ 2016.

ຜູ້ປົກຄອງລັດ Nevada ສັງກັດພັກຣີພັບບລີກັນ ທ່ານ Brian Sandoval ເຂົ້າຮ່ວມໃນພິທີ ເປີດກອງປະຊຸມ ສະມາຄົມ ຜູ້ປົກຄອງລັດ ລະດູໜາວ ຢູ່ໃນນະຄອນຫຼວງ ວໍຊິງຕັນ, ວັນທີ 20 ກຸມພາ 2016.

ທ່ານ Sandoval ອາຍຸ 52 ປີ ເປັນຄົນອາເມຣິກັນ ເຊື້ອສາຍເມັກຊິໂກ ໄດ້ຖືກແຕ່ງຕັ້ງ
ໃຫ້ເປັນຜູ້ພິພາກສາ ໂດຍ ທ່ານ George W. Bush ຜູ້ທີ່ດຳລົງຕຳແໜ່ງ ກ່ອນປະທາ
ນາທິບໍດີ ບາຣັກ ໂອບາມາ ກ່ອນທີ່ທ່ານຈະໄດ້ຖືກເລືອກ ໃຫ້ເປັນຜູ້ປົກຄອງລັດ Nevada
ໃນປີ 2010.

ໃນຂະນະທີ່ທ່ານ Sandoval ເປັນສະມາຊິກຂອງພັກຣີພັບບລີກັນ ​ແຕ່ທ່ານສະໜັບສະໜູນ
ການຕັດສິນຂອງສານສູງສຸດ ກ່ຽວກັບການແຕ່ງ ງານຂອງເພດດຽວກັນ ເມື່ອປີກາຍນີ້ ແລະ
ສະໜັບສະໜູນ ສິດທິໃນການ​ເຮັດແທ້ງລູກ.

ຈາກຊ້າຍ ບັນດາຜູ້ພິພາກສາສານສູງສຸດ ທ່ານນາງ Ruth Bader Ginsburg ແລະ ທ່ານ Anthony Kennedy ແລະ ຫົວໜ້າຜູ້ພິພາກສາ ທ່ານ John Roberts ເຂົ້າຮ່ວມພິທີ ເປັນສ່ວນຕົວ ໃນອາຄານສານສູງສຸດ ທີ່ນະຄອນຫຼວງວໍຊິງຕັນ ສຳລັບມື້ລາງ ຜູ້ພິພາກສາ Antonin Scalia, ວັນທີ 19 ກຸມພາ 2016.

ຈາກຊ້າຍ ບັນດາຜູ້ພິພາກສາສານສູງສຸດ ທ່ານນາງ Ruth Bader Ginsburg ແລະ ທ່ານ Anthony Kennedy ແລະ ຫົວໜ້າຜູ້ພິພາກສາ ທ່ານ John Roberts ເຂົ້າຮ່ວມພິທີ ເປັນສ່ວນຕົວ ໃນອາຄານສານສູງສຸດ ທີ່ນະຄອນຫຼວງວໍຊິງຕັນ ສຳລັບມື້ລາງ ຜູ້ພິພາກສາ Antonin Scalia, ວັນທີ 19 ກຸມພາ 2016.

ບັນດາຜູ້ນຳສະພາສູງສັງກັດພັກຣີພັບບລີກັນ ໄດ້ກ່າວວ່າ ພວກເພິ່ນຈະບໍ່ຫົວຊານຳການ
ຄັດເລືອກ ຂອງທ່ານໂອບາມາ ໂດຍຈະບໍ່ມີການຮັບຟັງ​ໃດໆ ດັ່ງ​ທີ່​ເຄີຍ​ເປັນ​ມາ ກ່ຽວກັບ
ການ​ແຕ່ງຕັ້ງ ຫຼືການລົງຄະແນນສຽງ. ບັນດາສະມາຊິິກສະພາ ສັງກັດພັກຣີພັບບລີກັນ
ໄດ້ກ່າວວ່າ ພວກເພິ່ນຈະປະການແຕ່ງຕັ້ງຜູ້​ພິພາກສາ​ສານ​ສູງ​ສຸດ​ທີ່​ເຂົ້າຮັບຕຳແໜ່ງ
ຕະຫຼອດຊີວິດນັ້ນ ​ໄ​ວ້​ໃຫ້ ປະທານາທິບໍດີຄົນຕໍ່ໄປ ທີ່​ຈະ​ຖືກ​ເລືອກ ໃນ​ເດືອນພະຈິກ​ປີນີ້
​ແລະ​ສາບານໂຕ​ເຂົ້າຮັບ​ຕຳ​ແໜ່​ງ ​ໃນ​ເດືອນ​ມັງກອນ ​ແທນ​ປະທາ​ນາ​ທິບໍດີ​ໂອ​ບາ​ມາ ທີ່
​ໄດ້​ຮັບ​ໜ້າ​ທີ່​ມາ​ແລ້ວ 8 ປີນັ້ນ.

XS
SM
MD
LG