ລິ້ງ ສຳຫລັບເຂົ້າຫາ

ປ. ໂອບາມາ ພົບປະກັບ ທ່ານບຸນຍັງ ແລະ ກ່າວຄຳປາໄສ ທີ່ຫໍວັດທະນະທຳແຫ່ງຊາດ


ປະທານາທິບໍດີິສະຫະລັດ ທ່ານບາຣັກ ໂອບາມາ (ຊ້າຍ) ແລະທ່ານບຸນຍັງ ວໍລະຈິດ ປະທານປະເທດ ສປປ ລາວ.

ປະທານາທິບໍດີິສະຫະລັດ ທ່ານບາຣັກ ໂອບາມາ (ຊ້າຍ) ແລະທ່ານບຸນຍັງ ວໍລະຈິດ ປະທານປະເທດ ສປປ ລາວ.

ປະທານາທິບໍດີ ສະຫະລັດ ທ່ານ Barack Obama ໄດ້ມາເດີນທາງ ມາເຖິງນະຄອນ ຫຼວງວຽງຈັນ ສປປ ລາວ ໃນຄືນວັນຈັນ ທີ 5 ວານນີ້. ຕອນສວຍມື້ນີ້ທ່ານໄດ້ພົບປະກັບປະທານປະເທດ ພະນະທ່ານບຸນຍັງວໍລະຈິດ ແລະຫລັງຈາກນັ້ນ ໃນເວລາບ່າຍ 2:00 ໂມງ ທ່ານໄດ້ມາກ່າວຄຳປາໄສ ທີ່ຫໍວັດທະນະທຳແຫ່ງຊາດ.

ຫໍວັດທະນະທຳແຫ່ງຊາດ

ຫໍວັດທະນະທຳແຫ່ງຊາດ

ທ່າມກາງຝົນຕົກຄ່ອຍໆເປັນລະຍະໆ ຖະໜົນສາມແສນໄທ ແລະອ້ອມບໍລິເວນ ຫໍວັດທະ ນະທຳແຫ່ງຊາດໄດ້ຖືກປິດລົງ ເພື່ອຮັກສາຄວາມປອດໄພ. ກ່ອນຕອນທ່ຽງວັນອັງຄານມື້ນີ້ ປະຊາຊົນລາວຫລາຍຮ້ອຍຄົນ ໄດ້ພາກັນລົງທະບຽນລ່ວງໜ້າ ມາຢືນລຽນແຖວຕາກຝົນ ເພື່ອລໍຖ້າເຂົ້າໄປຟັງຄຳປາໄສ ຂອງປະທານາທິບໍດີ ສະຫະລັດຄົນທຳອິດ ທ່ານ Barack Obama ທີ່ໄດ້ເດີນທາງມາຢ້ຽມ ສປປ ລາວ ເປັນຄັ້ງແລກແລະຄັ້ງປະຫວັດສາດເນື່ອງໃນໂອກາດເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 28th 29th ທີ່ລັດຖະບານ ສປປ ລາວ ເປັນເຈົ້າພາບ. ປະຊາຊົນລາວເຫລົ່ານີີ້ ປະກອບດ້ວຍບັນດາລັດຖະກອນ ນັກທຸລະ ກິດ ນັກຮຽນ ແມ່ບ້ານ ໂດຍສະເພາະພວກສຸພາບສະຕີພາກັນນຸ່ງເຄຶ່ອງພື້ນເມືອງລາວຢ່າງງົດງາມ ເຂົ້າແຖວເປັນລະບຽບຮຽບຮ້ອຍ ລໍຖ້າເຂົ້າໄປນັ່ງຢູ່ໃນຫໍວັດທະນາທຳ ກ່ອນໜ້າກວ່ານຶ່ງຊົ່ວໂມງ ກ່ອນຂະບວນລົດ ປະທານາທິບໍດີ Barack Obama ມາເຖິງ.

ທ່ານຕຽງສັກ ອິນທະວົງ ອາຈານສອນພາສາອັງກິດທີ່ໂຮງຮຽນ International English Center ກໍແມ່ນຜູ້ນຶ່ງທີ່ໄດ້ມາເຂົ້າແຖວລໍຖ້າເຂົ້າໄປຟັງ ປະທານາທິບໍດີ Barack Obama ທ່ານໄດ້ກ່າວຕໍ່ ວີໂອເອວ່າ:

ບັນດານັກຮຽນຍິງທີ່ໜ້າຮັກ ພາກັນນຸ່ງເຄຶ່ອງແບບ ເສື້ອຂາວ ສີ້ນສີນໍ້າເງິນ ແລະເປຍຜົມ ພາກັນຢືນລໍຖ້າດ້ວຍຄວາມຕຶ່ນເຕັ້ນ ແລະໄດ້ໂອ້ລົມກັບ ວີໂອເອວ່າ:

ນອກນນັ້ນກໍມີນັກສຶກສາຈາກສະຖາບັນຕ່າງໆ ຄູອາຈານ ແລະບັນດາແຂກຜູ້ມີກຽດທີີ່ໄດ້ມາຮ່ວມ. ການໂອ້ລົມຂອງປະທານາທິບໍດີ ກັບພີ່ນ້ອງຊາວລາວ ປະມານ 20 ນາທີໄດ້ຜ່ານພົ້ນໄປດ້ວຍຄວາມເປັນລະບຽບຮຽບຮ້ອຍດີ.

ກະລຸນາເຂົ້າໄປຊົມວີດີໂອ ແລະຮູບພາບຢູ່ໜ້າ Facebook ຂອງວີໂອເອລາວ.

ສະແດງຄວາມເຫັນໃຫ້ເບິ່ງ

XS
SM
MD
LG