ລິ້ງ ສຳຫລັບເຂົ້າຫາ

ສຫລ ຮຽກຮ້ອງ ໃຫ້ຜູ້ສະມັກ ປ. ອັຟການິສຖານ ຢູ່ໃນ ຄວາມສະຫງົບ (ວີດີໂອ)


ຸຜູ້ສະມັກເລືອກຕັ້ງ ປະທານາທິບໍດີ ທ່ານ Abdullah Abdullah ກຳລັງເສີຍຜົມ ກ່ອນຈະຖະແຫລງ ຕໍ່ບັນດານັກຂ່າວ

ປະທານາທິບໍດີສະຫະລັດ ທ່ານ Barack Obama ​ໄດ້​ໂທລະສັບ​
ໃຫ້ໄປຫາຜູ້​ສະມັກ​ທັງ​ສອງ ໃນບັນຫາຂັດແຍ້ງກ່ຽວກັບການເລືອກ
​ຕັ້ງປະທານາທິບໍດີຮອບ​ຕັດສິນຊີ້ຂາດຂອງອັ​ຟກາ​ນິສຖານໂດຍຂໍ​
ໃຫ້​ພວກທ່ານ​ປ່ອຍ​ໃຫ້ຂັ້ນຕອນໃນການ ສືບສວນ ກ່ຽວກັບການ
ກ່າວ​ອ້າງທີ່​ວ່າ ມີການ​ສໍ້ໂກງ​ຄະແນນນັ້ນ ດຳເນີນຕໍ່​ໄປ.

ຢູ່​ໃນ​ການໂທລະສັບດັ່ງກ່າວ​ນັ້ນ ທ່ານ Obama ​ໄດ້​ເຕືອນ ທ່ານ
Abdullah Abdullah ​ແລະ ທ່ານ Ashraf Ghani ວ່າ ຄວາມ​
ຮຸນ​ແຮງ ຫລື ການ​ເອົາ “ມາດ​ຕະການ​ນອກເໜືອລັດຖະທຳມະ
ນູນ” ນັ້ນ​ຈະ​ເປັນ​ຜົນ​ສະທ້ອນ​ໃນ​ບັ້ນ​ສຸດ​ທ້າຍ ຕໍ່​ການ​ຕັດການ
ຊ່ວຍ​ເຫ​ລື​ອຂອງສະຫະລັດ ​ແກ່ອັຟການິສຖານ ທີ່ປະສົບ ກັບ
ໄພສົງຄາມນັ້ນ.

ລັດຖະມົນຕີ ຕ່າງປະ​ເທດ ສະຫະລັດ ທ່ານ John Kerry ມີກຳນົດຈະໄປ​ຢ້ຽມ ຢາມນະຄອນ
Kabul ​ໃນ​ວັນ​ສຸກ​ຈະ​ມາ​ເຖິງ​ນີ້ໃນ​ຄວາມ​ພະຍາຍາມ​ເພື່ອຫາທາງ ແກ້​ໄຂ​ບັນຫາການ​ກ່າວ
ຫາ ກ່ຽວກັບການ​ສໍ້​ໂກງຄະແນນ ໃນການ​ເລືອກ​ຕັ້ງ​ຮອບ​ສອງ ​ໃນ​ວັນ​ທີ 14 ​ເດືອນ​ມິຖຸນາ
ຜ່ານມານີ້. ຜົນ​ການ​ເລືອກ​ຕັ້ງ​ຂັ້ນ​ຕົ້ນ ​ໄດ້​ສ​ະ​ແດງ​ໃຫ້​ເຫັນ​ວ່າ ທ່ານ Abdullah ​ໄດ້​ເສຍ​ໃຫ້​ແກ່​ທ່ານ Ghani ດ້ວຍຄະແນນ 1 ລ້ານ​ສຽງ.

​ແຕ່​ທ່ານ Abdullah ​ໄດ້ກ່າວ​ໃນ​ອັງຄານ​ມື້ວານ​ນີ້​ວ່າ ທ່ານ​ເປັນ​ຜູ້​ໄດ້​ຮັບໄຊຊະ ນະ “​ໂດຍ
​ປາດ​ສະ​ຈາກ​ຄວາມ​ສົງ​ໄສ​ໃດໆ” ​ແລະ​ໄດ້​ສາບານ​ວ່າ ຈະ​ບໍ່​ຮັບ​ເອົາ​ອັນ​ທີ່​ທ່ານ​ຮ້ອງ​ວ່າ
“ລັດຖະບານທີ່​ສໍ້​ໂກງ​.” ທ່ານກ່າວ​ວ່າ ທ່າ​ນຈະ​ລໍຖ້າພົບກັບ ທ່ານ Kerry ກ່ອນ​ທີ່​ທ່ານ​ຈະ​ເອົາ​ບາດກ້າວ​ໃດໆ.

ບັນດາ​ຜູ້​ສະໜັບ​ສະ​ໜູນ ທ່ານ Abdullah ຈຳນວນ​ນຶ່ງ ຮວມ​ທັງ​ຄູ່​ຮ່ວມສະມັກ ​ ​ໄດ້​ຂົ່ມຂູ່​ທີ່​
ຈະຈັດ​ຕັ້ງລັດຖະບານ “ຄຽງຄູ່” ຂຶ້ນ ທີ່​ເຮັດ​ໃຫ້ບັນດາ​ເຈົ້າ​ໜ້າ​ທີ່ ສະ ຫະລັດ ປະນາມຢ່າງ​
ແຮງ ​ແລະ​ຢ້ານ​ຈະ​ເກີດຄວາມ​ບໍ່​ທຸ່ນ​ທ່ຽງຕື່ມຂຶ້ນ.

XS
SM
MD
LG