ລິ້ງ ສຳຫລັບເຂົ້າຫາ

ປ.ໂອບາມາ ວ່າ ນັກສຶກສາ ມະຫາວິທະຍາໄລ ຄວນໄດ້ຮັບ ການຊ່ອຍເຫຼືອ ໃຫ້ພົ້ນໜີ້ (ວີດີໂອ)


ປະທານາທິບໍດີສະຫະລັດ ທ່ານບາຣັກ ໂອບາມາ

ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວວ່າ ພວກ
ນັກສຶກສາ ທີ່ຮຽນຈົບຈາກມະຫາວິທະຍາໄລ ຄວນຈະໄດ້ຮັບອະ
ນຸຍາດໃຫ້ກູ້ຢືມເງິນຄືນໃໝ່ໃນການຈ່າຍຄ່າສຶກສາຮ່ຳຮຽນຂອງ
ພວກເຂົາເຈົ້າເພື່ອຊ່ອຍພວກເຂົາເຈົ້າໃຫ້ຫຼຸດພົ້ນຈາກການເປັນ
ໜີ້ຢ່າງໜັກ.

ໃນຄຳປາໄສປະຈຳສັບປະດາຂອງທ່ານໃນວັນເສົາມື້ນີ້ ທ່ານໂອ
ບາມາກ່າວວ່າ ທ່ານຕ້ອງການ ຢາກເຫັນການຮັບຜ່ານ ຮ່າງກົດ
ໝາຍເພື່ອຊ່ອຍພວກນັກສຶກສາເຫຼົ່ານີ້. ທ່ານໃຫ້ການສະໜັບສະ
ໜຸນຕໍ່ຮ່າງກົດໝາຍ ທີ່ຈະມີການອະພິປາຍກັນ ຢູ່ທີ່ສະພາສູງໃນ ໄວໆນີ້ເພື່ອກວມເອົາຄ່າກູ້ຢືມໃໝ່ກ່ຽວກັບຄ່າຮຽນຂອງພວກນັກ
ສຶກສາ ໃນວິທີດຽວກັນ ກັບຊ່ອງໂຫວ່ທາງດ້ານກົດໝາຍ ໃນການເກັບພາສີສຳລັບພວກມະ
ຫາເສດຖີນັ້ນ.

ຮ່າງກົດໝາຍ ທີ່ມີການສະເໜີດັ່ງກ່າວນີ້ ແມ່ນໄດ້ຮັບການຄັດຄ້ານຫລາຍສົມຄວນ.

ປະທານາທິບໍດີກ່າວວ່າ ໃນເວລາທີ່ມະຫາວິທະຍາໄລບໍ່ເຄີຍມີຄວາມສຳຄັນຫຼາຍໄປກວ່ານີ້ ແລະມັນກໍບໍ່ເຄີຍມີຄ່າໃຊ້ຈ່າຍສູງໄປກວ່ານີ້ເຊັ່ນດຽວກັນ.

ໃນຄຳປາໄສປະຈຳສັບປະດາຂອງພັກຣີພັບບລີກັນ ສະມາຊິກສະພາຕໍ່າ Jeff Mille ຈາກລັດ Florida ແມ່ນກ່າວເຖິງບັນຫາຂະໜາດໃຫຍ່ ຢູ່ຕາມໂຮງໝໍແຫ່ງຕ່າງໆ ຂອງກະຊວງກິດຈະ ການນັກລົບເກົ່າ ໂດຍເອີ້ນວ່າ ມັນເປັນຂ່າວນອງນັນ ກ່ຽວກັບ ການຮັກສາສຸຂະພາບທີ່ໃຫຍ່ ທີ່ສຸດ ໃນປະຫວັດສາດ ຂອງກະຊວງກິດຈະການນັກລົບເກົ່າ. ທ່ານ Miller ເວົ້າວ່າ ອາເມຣິ ກາສົມຄວນທີ່ຈະຮູ້ ກ່ຽວກັບວ່າ ປະທານາທິບໍດີ ມີຄວາມໝັ້ນໝາຍ ທີ່ຈະເຮັດໃຫ້ທຸກສິ່ງຢ່າງ ຖືກຕ້ອງຫລືບໍ່.

XS
SM
MD
LG