ລິ້ງ ສຳຫລັບເຂົ້າຫາ

ທ່ານ ໂອບາມາ ກ່າວວ່າ ທ່ານ Trump ບໍ່ເໝາະສົມ ກັບຕຳແໜ່ງປະທານາທິບໍດີ


ປະທານາທິບໍດີ ບາຣັກ ໂອບາມາ ເດີນທາງຮອດບ່ອນຊຸມນຸມ
ໂຄສະນາຫາສຽງໃນພາກເໜືອຂອງນະຄອນ Las Vegas, ລັດ Nevada. 23 ຕຸລາ, 2016.

ປະທານາທິບໍດີ ບາຣັກ ໂອບາມາ ເດີນທາງຮອດບ່ອນຊຸມນຸມ ໂຄສະນາຫາສຽງໃນພາກເໜືອຂອງນະຄອນ Las Vegas, ລັດ Nevada. 23 ຕຸລາ, 2016.

ປະທານາທິບໍດີ ສະຫະລັດ ທ່ານ ບາຣັກ ໂອບາມາ ໄດ້ກ່າວໃນວັນອາທິດວານນີ້ໃນການ ແຂ່ງຂັນເພື່ອຮັບໜ້າທີ່ວຽກງານຂອງທ່ານວ່າ, ຜູ້ລົງແຂ່ງຂັນຈາກພັກຣີພັບບລີິກັນ ທ່ານ Donald Trump “ໄດ້ພິສູດຕົນເອງແລ້ວວ່າບໍ່ເໝາະສົມສຳລັບຫ້ອງການນີ້ໃນທຸກໆ ມື້ເລີຍ.”

ທ່ານ ໂອບາມາ ໄດ້ໜູນຫຼັງເພື່ອຮ່ວມພັກເດໂມແຄຣັດ ທ່ານນາງ Hillary Clinton ໃນ ການເລືອກຕັ້ງວັນທີ 8 ເດືອນພະຈິກນີ້, ແລະ ໄດ້ກ່າວສະໜັບສະໜູນທ່ານນາງໃນງານ ແຫ່ງໜຶ່ງໃນນະຄອນ Las Vegas ລັດ Nevada.

ໃນສອງສາມສັບປະດາທີ່ຜ່ານມາທ່ານ Trump ໄດ້ກ່າວຕຳໜິຢ່າງຊ້ຳແລ້ວຊ້ຳອີກວ່າ ຂັ້ນ ຕອນການເລືອກຕັ້ງໄດ້ເປັນການສໍ້ໂກງຕໍ່ເພິ່ນ, ເປັນບາງສິ່ງທີ່ທ່ານ ໂອບາມາ ໄດ້ກ່າວວ່າ ມັນໝາຍຄວາມວ່າທ່ານ Trump ກຳລັງຜ່າຍແພ້.

ທ່ານ ໂອບາມາ ໄດ້ກ່າວວ່າ “ແລະ ອີກຢ່າງໜຶ່ງ, ມັນໝາຍຄວາມວ່າເຈົ້າບໍ່ມີຫຍັງເໜາະ ສົມສຳລັບວຽກງານນີ້ ເພາະວ່າມັນມີຫຼາຍຊ່ວງເວລາທີ່ມັນມີຄວາມຫຍຸ້ງຍາກ, ມັນມີ ຫຼາຍເທື່ອທີ່ສິ່ງຕ່າງໆບໍ່ເປັນໄປໃນທາງຂອງເຈົ້າ. ແລະ ເຈົ້າຕ້້ອງສາມາດຕໍ່ສູ້ກັບມັນ ໃຫ້ໄດ້.”

ທ່ານນາງ Clinton ກໍມີຂໍ້ຄວາມທີ່ຄ້າຍຄືກັນໃນງານໂຄສະນາຫາສຽງໃນນະຄອນ Charlotte ລັດ North Carolina ໂດຍກ່າວວ່າ ເຖິງແມ່ນວ່າຈະມີຄວາມແຕກຕ່າງດ້ານ ນະໂຍບາຍ ແລະ ຫຼັກການກໍ່ຕາມ ດ້ວຍປະທານາທິບໍດີ ແລະ ບັນດາຜູ້ລົງແຂ່ງຂັນຫຼາຍ ຄົນທີ່ມີມາໃນເມື່ອກ່ອນ ທ່ານນາງບໍ່ເຄີຍຖາມມາກ່ອນເລີຍວ່າ ພວກເຂົາເຈົ້າເໝາະສົມ ທີ່ຈະເປັນຜູ້ນຳພາປະເທດຫຼືບໍ່.

ທ່ານນາງໄດ້ກ່າວວ່າ “ນີ້ແມ່ນບໍ່ຄືກັບຄົນອື່ນໆຜູ້ໄດ້ໄດ້ລົງແຂ່ງຂັນເອົາຕຳແໜ່ງປະທາ ນາທິບໍດີ, ຜູ້ທີ່ໄດ້ສະແດງໃຫ້ເຫັນຢ່າງຊັດເຈນວ່າ ລາວບໍ່ຜ່ານ ແລະ ບໍ່ເໝາະສົມທີ່ຈະ ເປັນປະທານາທິບໍດີ ແລະ ຜູ້ບັນຊາການທະຫານຂອງປະເທດ ສະຫະລັດ ອາເມຣິກາ.”

ທ່ານ Trump ໄດ້ເດີນທາງໄປເມືອງ Naples ລັດ Florida ໃນວັນອາທິດວານນີ້ ບ່ອນທີ່ ທ່ານໄດ້ໂຄສະນາຂໍ້ສະເໜີຂອງທ່ານເພື່ອຈັດ ການກັບການສໍ້ລາດບັງຫຼວງ ເມື່ອຍົກຄຳ ຖາມຂຶ້ນມາກ່ຽວກັບ ຄວາມປະພຶດຂອງທ່ານນາງ Clinton ໃນເວລາປະຕິບັດໜ້າທີ່ລັດ ຖະການ. ທ່ານນາງ Clinton ໄດ້ປະເຊີນໜ້າກັບຄຳຖາມຢ່າງໂດດເດັ່ນທີ່ສຸດ ກ່ຽວກັບ ການໃຊ້ລະບົບອີເມລສ່ວນຕົວຂອງທ່ານນາງ ໃນເວລາທີ່ທ່ານນາງເປັນລັດຖະມົນຕີການ ຕ່າງປະເທດ, ເຊິ່ງເປັນບາງຢ່າງທີ່ທ່ານນາງໄດ້ກ່າວວ່າເປັນຄວາມຜິດພາດ.

ທ່ານ Trump ກ່າວວ່າ “ຄູ່ແຂ່ງຂັນຂອງຂ້າພະເຈົ້າບໍ່ມີແຜນການທີ່ຈະສິ້ນສຸດການສໍ້ ລາດບັງຫຼວງໃນລັດຖະບານ ຍ້ອນວ່າລາວເປັນສູນລວມຂອງການສໍ້ລາດບັງຫຼວງລັດ ຖະບານ.”

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG