ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ປ. ໂອບາມາ ລົງນາມ ໃນດຳລັດ ຊຸກຍູ້ ການແບ່ງປັນຂໍ້ມູນ ຄວາມປອດໄພ ທາງອິນເຕີແນັດ


ປ. ໂອບາມາ ລົງນາມໃນດຳລັດສະບັບນຶ່ງ ຊຸກຍູ້ການຮ່ວມມື ກ່ຽວກັບການແບ່ງປັນຂໍ້ມູນ ລະຫວ່າງບໍລິສັດເອກກະຊົນ ກ່ຽວກັບໄພຂົ່ມຂູ່ ຕໍ່ຄວາມປອດໄພທາງອິນເຕີແນັດ ທີ່ກອງປະຊຸມສຸດຍອດ ຢູ່ເມືອງ Palo Alto ໃນລັດ California (13 ກຸມພາ 2015)
ປ. ໂອບາມາ ລົງນາມໃນດຳລັດສະບັບນຶ່ງ ຊຸກຍູ້ການຮ່ວມມື ກ່ຽວກັບການແບ່ງປັນຂໍ້ມູນ ລະຫວ່າງບໍລິສັດເອກກະຊົນ ກ່ຽວກັບໄພຂົ່ມຂູ່ ຕໍ່ຄວາມປອດໄພທາງອິນເຕີແນັດ ທີ່ກອງປະຊຸມສຸດຍອດ ຢູ່ເມືອງ Palo Alto ໃນລັດ California (13 ກຸມພາ 2015)

ປະທານາທິບໍດີສະຫະລັດ ທ່ານ Barack Obama ໄດ້​ເຊັນ
ດຳ​ລັດສະບັບນຶ່ງ ໃນ​ມື້ວັນ​ສຸກ​ວານ​ນີ້ ທີ່​ແນໃສ່​ເພື່ອ​ຊຸກຍູ້​ໃຫ້​
ບັນດາ​ບໍລິສັດ​ແລະ​ອົງການ​ຈັດ​ຕັ້ງ​ຕ່າງໆ ແບ່ງ​ປັນ​ຂໍ້ມູນເພີ້ມ
ຂຶ້ນກ່ຽວ​ກັບການ​ຂົ່ມຂູ່ ຕໍ່ລະບົບ​ຄວາມ​ປອດ​ໄພ​ທາງອິນ​ເຕີ​
ແນັດກັບ​ລັດຖະບານ ​ແລະ​ລະຫວ່າງກັນ​ແລະ​ກັນ.

ທ່ານ Barack Obama ໄດ້​ເຊັນ​ດຳລັດດັ່ງກ່າວນີ້ ​ຢູ່ທີ່ກອງ
​ປະຊຸມທີ່ໄດ້ຮັບຄວາມອຸບປະຖຳຈາກທຳນຽບຂາວ ກ່ຽວ​ກັບ
ຄວາມ​ປອດ​ໄພທາງ​ອິນ​ເຕີ​ແນັດ ​ແລະ​ປ້ອງ​ກັນ​ຜູ້​ບໍລິ​ໂພ​ກ ທີ່​
ມະຫາວິທະຍາ​ໄລ Stanford ໃນລັດ California.

ເອກກະສານຂໍ້ມູນກ່ຽວກັບກອງປະຊຸມສຸດຍອດໃນຄັ້ງນີ້ກ່າວວ່າ ມີຂຶ້ນໃນເວລາທີ່ຫຼໍ່ແຫຼມ
ສຳຄັນ ຂະນະທີ່ໄພຂົ່ມຂູ່ຕໍ່ອິນເຕີແນັດ ໄດ້ແຜ່ກະຈາຍ ມີຄວາມຮ້າຍແຮງ ແລະເປັນອັນ ຕະລາຍເພີ້ມຂຶ້ນ.

ທຳນຽບຂາວກ່າວວ່າ ດຳລັດສະບັບນີ້ແມ່ນໄດ້ກຳນົດຂອບທີ່ຈະຮວມທັງໃຫ້ການປົກປ້ອງ
ຄຸ້ມຄອງຢ່າງແຂງຂັນຕໍ່ຄວາມລັບຂອງສ່ວນບຸກຄົນ ແລະສິດເສລີພາບຂອງພົນລະເມືອງ ໃນຂະນະທີ່ມັນກຳຈັດອຸບປະສັກກີດຂວາງ ລະຫວ່າງລັດຖະບານແລະພາກສ່ວນເອກກະ ຊົນ.

ທຳນຽບຂາວກ່າວວ່າ “ສ່ວນໃຫຍ່ຂອງໂຄງລ່າງພື້ນຖານທີ່ສຳຄັນໆຂອງປະເທດເຮົາແລະ ພວກທີ່ອາດຕົກເປັນເປົ້າໝາຍອື່ນໆ ແມ່ນບໍ່ໄດ້ເປັນເຈົ້າຂອງໂດຍລັດຖະບານກາງ. ລັດ ຖະບານກາງ ແມ່ນບໍ່ສາມາດ ຫລືຊາວອາເມຣິກັນ ບໍ່ຕ້ອງການ ໃຫ້ສະໜອງການຄຸ້ມຄອງ
ຄວາມປອດໄພທາງອິນເຕີແນັດຕໍ່ທຸກໆຕາໜ່າງຂອງເອກກະຊົນໄດ້ ດັ່ງນັ້ນ ພາກເອກກະ ຊົນຕ້ອງມີບົດບາດທີ່ສຳຄັນ ໃນຕາໜ່າງການປ້ອງກັນທົ່ວໆໄປຂອງພວກເຮົາ.”

ດຳລັດສະບັບນີ້ ຍັງ​ສັ່ງໃຫ້ກະ​ຊວງ​ຮັກສາ​ຄວາມ​ປອດ​ໄພພາຍ​ໃນຂອງສະຫະລັດ ໃຫ້ເງິນ ສະໜັບສະໜຸນຕໍ່ການພັດທະນາມາດຕະຖານຂອງ​ການ​ແບ່ງປັນ​ຂໍ້ມູນລະຫວ່າງກັນດ້ວຍ ຄວາມສະໝັກໃຈ.

ການ​ເຄື່ອນ​ໄຫວ​ນີ້ ມີ​ຂື້ນຫຼັງ​ຈາກ​ການ​ໂຈມ​ຕີເຈາະຂໍ້ມູນທີ່​ຮູ້​ກັນ​ດີຕໍ່ບໍລິສັດຮູບເງົາ Sony ບໍລິສັດປະກັນ​ໄພ​ສຸຂະ​ພາບ Anthem ບໍລິສັດ Target ບໍລິສັດ Home Depot ບໍລິສັດ
Ebay ​ແລະບໍລິສັດ JPMorgan Chase. ລັດຖະບານສະຫະລັດ ກໍຖືກ​ໂຈມຕີ​ ທາງ​ອິນ​ເຕີ​ແນັດ ເຊັ່ນດຽວກັນ ຮວມທັງການໂຈມຕີ ຕໍ່ລະບົບຄອມພິວ​ເຕີ ທີ່ບໍ່​ໄດ້ເກັບຄວາມ​ລັບ ຂອງທຳນຽບຂາວແລະ​ກະຊວງ​ຕ່າງ​ປະ​ເທດແລະ​ການໂຈມຕີຕໍ່ບັນຊີ Twitter ​ແລະ You Yube ຂອງກອງ​ບັນຊາ​ການ​ທະຫານ​ສະຫະລັດ ​ຢູ່ໃນ​ເຂດ​ພາກ​ຕາ​ເວັນ​ອອກ​ກາງ ຫລື CENTCOM​.

ການ​ໂຈມຕີ​ຈຳນວນ​ນຶ່ງ​ ໄດ້​ມີການຖິ້ມໂທດ​ໃສ່ພວກ​ເຈາະຂໍ້ມູນຫລືແຮັກເກີ້​ຢູ່ຣັດ​ເຊຍ ຈີນ
​ແລະ​ເກົາຫລີ​ເໜືອ​.

OBAMA CYBERSECURITY CNPK Kells
please wait

No media source currently available

0:00 0:02:31 0:00

XS
SM
MD
LG