ລິ້ງ ສຳຫລັບເຂົ້າຫາ

ປ. ໂອບາມາ ສັ່ງໃຫ້ທີມຄວາມໝັ້ນຄົງ ສຫລ ເພີ້ມການໂຈມຕີ ຕໍ່ກຸ່ມລັດອິສລາມ


ໃນ​ຂະນະ​ທີ່​ການ​ຢຸດ​ຍິງ​ຢູ່​ປະ​ເທດ​ຊີ​ເຣຍຄາດ​ວ່າຈະ​ເລີ້ມມີ​ຜົນ​
ບັງຄັບ​ໃນ​ວັນ​ເສົາ ມື້ອື່ນ​ນີ້ ປະທານາທິບໍດີ​ສະຫະລັດ ທ່າ​ນບາ
ຣັກ ​ໂອ​ບາ​ມ ກ່າວ​ວ່າ ການ​ຍຸຕິ​ບັນຫາ​ຂັດ​ແຍ້​ງ​ໃນ​ຊີ​ເຣຍ ​ແລະ
​ອີ​ຣັກ ​ແມ່ນ​ເຄື່ອງມື ​ອັນສຳຄັນ ​ເພື່​ອຈະ​ເອົາ​ຊະນະ ​ຕາໜ່າງກໍ່​
ການ​ຮ້າຍ​ຂອງ​ກຸ່ມ​ລັດ​ອິສລາມ.

ທ່ານ​ກ່າວ​ວ່າ ສະຖານະ​ການ​ໃນ​ຊີ​ເຣຍ​ແລະ​ອີຣັກ ​ແມ່ນ​ນຶ່ງ​ໃນ​
ບັນຫາ​ທີ່​ຊັບຊ້ອນ ທີ່​ສຸດ​ຂອງໂລກ ທີ່​ເຄີຍ​ປະສົບ​ພົບ​ເຫັນ​ມາ
​ເມື່ອ​ບໍ່​ດົນ​ຜ່ານ​ມານີ້. ທ່ານ​ໃຫ້​ຂໍ້​ສັງ​ ​ເກດ​ວ່າ ກຸ່ມ​ລັດ​ອິສລາມ​
ໄດ້​ຕັ້ງໝັ້ນ ຮວມທັງ​ຢູ່​ໃນ​ເຂດເທດສະບານ​ຂອງ​ເມືອງ​ຕ່າງໆ
​ໂດຍ​ໃຊ້​ພົນລະ​ເຮືອນ​ແລະ​ມະນຸດ​ເປັນ​ເຄື່ອງ​ກຳ​ບັງ.

ທ່ານໂອ​ບາ​ມາ ກ່າວ​ຕື່ມ​ວ່າ ສົງ​ຄາມ​ໃນຊີ​ເຣຍ ​ເປັນ​ສົງຄາມ​ຕົວ​ແທນ​ລະຫວ່າງ​ມະຫາ
​ອຳນາດ​ທ້ອງ​ຖິ່ນ ທີ່​ໄດ້​ສະທ້ອນ​ໃຫ້​ເຫັນ​ ເຖິງ​ການ​ແຂ່ງຂັນ​ກັນ​ຢ່າງ​ເລິກ​ເຊິ່ງລະຫວ່າງ​
ສາສະໜາ​ຕ່າງໆ.

ປະທານາທິບໍດີ Barack Obama,ກາງ, ພ້ອມດ້ວຍ ລັດຖະມົນຕີ ຕ່າງປະເທດ ທ່ານ John Kerry, ຊ້າຍ, ແລະລັດຖະມົນຕີ ປ້ອງກັນປະເທດ ທ່ານ Ash Carter ຂວາ.

ປະທານາທິບໍດີ Barack Obama,ກາງ, ພ້ອມດ້ວຍ ລັດຖະມົນຕີ ຕ່າງປະເທດ ທ່ານ John Kerry, ຊ້າຍ, ແລະລັດຖະມົນຕີ ປ້ອງກັນປະເທດ ທ່ານ Ash Carter ຂວາ.

ປະທານາທິບໍດີ​ໂອ​ບາ​ມາ​ໃຫ້​ທັດສະນະ​ດັ່ງກ່າວ ຫລັງ​ຈາກ​ໄດ້​ພົບ​ປະ​ກັບ​ເຈົ້າໜ້າ​ທີ່​ອະ
​ວຸ​ໂສ​ດ້ານ​ຄວາມ​ໝັ້ນຄົງ​ ທີ່​ກະຊວງ​ການ​ຕ່າງປະ​ເທດ​ສະຫະລັດ​ໃນ​ວັນ​ພະ ຫັດ​ວານ​ນີ້.
ທ່ານ​ກ່າວວ່າ ມີ​ຮ່ອງຮອຍ​ທີ່​ສະ​ແດງ​ໃຫ້​ເຫັນ​ວ່າ ການ​ຫລັ່ງ​ໄຫຼຂອງ ​ພວກ​ນັກ​ລົບ​ຕ່າງ
ປະ​ເທດ​ເຂົ້າ​ໄປ​ໃນ​ຊີ​ເຣຍ ​ເບິ່ງ​ຄື​ວ່າ​ພວມ​ມີ​ການ​ຊັກ​ຊ້າ​ລົງ ​ເຮັດ ​ໃຫ້​ເປັນ​ການ​ຍາກ​ຂຶ້ນ
ຕື່ມ​ທີ່​ພວກ​ຫົວ​ຮຸນ​ແຮງ​ຈະ​ໄດ້​ຮັບ​ກຳລັງ​ສະໜັບສະໜຸນຖັນ ​ແຖວ​ທີ່​ສູນ​ເສຍ​ໄປ​ຂອງ​
ພວກ​ເຂົາ​.

ໃນ​ການ​ກ່າວ​ເຖິງ​ຂໍ້​ຕົກລົງ​ຢຸດ​ຍິງ​ ສະຫະລັດ-ຣັດເຊຍ ທີ່​ກຳນົດຈະ​ມີ​ຜົນ​ບັງຄັບ​ໃຊ້ຢູ່
ຊີ​ເຣຍນັ້ນ ທ່ານ​ໂອ​ບາ​ມາ​ກ່າວ​ວ່າ ສະຫະລັດ​ຈະ​ດຳ​ເນີນ​ການ​ທຸກ​ສິ່ງຢ່າງ​ທີ່​ຕົນສາມາດ ​ເພື່ອ​ຊ່ອຍ​ໃຫ້ຂໍ້​ຕົກລົງ​ດັ່ງກ່າວ​ມີ​ຜົນ​ນຳ​ໃຊ້​ຕໍ່​ໄປ.

ລັດຖະມົນຕີ ຕ່າງປະເທດ ທ່ານ John Kerry

ລັດຖະມົນຕີ ຕ່າງປະເທດ ທ່ານ John Kerry

ລັດຖະມົນຕີ​ການ​ຕ່າງປະ​ເທດຣັດ​ເຊຍ​ ທ່ານ Sergei Lavrov ​ຈັດ​ກອງ​ປະຊຸມ ສະພາ
ການ​ຮ່ວມ​ມື​ ລະຫວ່າງ​ຣັດ​ເຊຍ-ອາຣັບຂຶ້ນ​ໃນ​ວັນ​ສຸກ​ມື້ນີ້ ທີ່​ນະຄອນຫຼວງ ມົສກູ​ທີ່​ທ່ານ
​ໃຫ້​ຄຳ​ໝັ້ນສັນຍາ​ວ່າ ການ​ໂຮມ​ຊຸມນຸມ​ດັ່ງກ່າວ​ນີ້ຈະ​ເພັ່ງ​ເລັງ​ໃສ່​ເພື່ອ ຍຸຕິບັນຫາ​ຂັດ
​ແຍ້​ງ​ໃນ​ຊີ​ເຣຍ.

ສະແດງຄວາມເຫັນໃຫ້ເບິ່ງ

XS
SM
MD
LG