ລິ້ງ ສຳຫລັບເຂົ້າຫາ

ປ. ໂອບາມາ ກ່າວສະດຸດີ ມື້ລາງສະມາຊິກສະພາສູງ ລັດ South Carolina


ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ກ່າວສະ
ດຸດີ ພະປະຈຳໂບດເມືອງ Charleston ທີ່ຖືກຍິງຕາຍໃນສັບ
ປະດາແລ້ວ ໂດຍກ່າວວ່າ ທ່ານ ເປັນຄົນດີ.

ທ່ານໂອບາມາໄດ້ກ່າວໃນພິທີສົ່ງສະການ ແກ່ສະມາຊິກສະ
ພາສູງລັດ South Carolina ທ່ານ Clementa Pinckney
ຊຶ່ງເປັນນຶ່ງໃນຈຳນວນ 9 ຄົນທີ່ຖືກຍິງສັງຫານໂດຍມີປືນຜິວ
ຂາວທີ່ໂບດປະຫວັດສາດຂອງຊາວຜິວດຳໃນອາທິດແລ້ວນີ້.

ທ່ານກ່າວວ່າ “ຄົນດີໆ ບາງຄັ້ງ ຂ້າພະເຈົ້າຄິດວ່າ ນັ້ນແມ່ນສິ່ງ
ທີ່ດີທີ່ສຸດທີ່ຫວັງໄວ້ເວລາທ່ານກ່າວສະດຸດີ. ຫລັງຈາກຄຳເວົ້າ
ທັງໝົດ ແລະການຊ້ອມອ່ານ ແລະຊີວະປະຫວັດຫຍໍ້ໄດ້ອ່ານໄປແລ້ວ ມີພຽງແຕ່ເວົ້າວ່າ ຜູ້ ໃດຜູ້ນຶ່ງເປັນຄົນດີ.”

ທ່ານໂອບາມາ ທີ່ຮູ້ຈັກກັບທ່ານ Pinckney ເປັນການສ່ວນຕົວ ກ່າວວ່າ ຄວາມເຈັບປວດ ໃນການສູນເສຍຂອງທ່ານ ແມ່ນເລິກໄປກວ່ານັ້ນຫຼາຍ ຍ້ອນວ່າມັນໄດ້ເກີດຂຶ້ນຢູ່ໃນໂບດ. ໂບດແມ່ນ ແລະກໍຈະເປັນສູນກາງ ຂອງຊີວິດຊາວອາເມຣິກັນ ເຊື້ອສາຍອາຟຣິກາ ຕໍ່ໄປ. ສະຖານທີ່ທີ່ຈະເອີ້ນຂອງພວກເຮົາວ່າຊຶ່ງເລື້ອຍໆມັກຈະແມ່ນຄຳເວົ້າທີ່ເປັນປໍລະປັກ.

ນອກນັ້ນທ່ານຍັງໄດ້ໃຊ້ຄຳສະດຸດີດັ່ງກ່າວ ເພື່ອໃຫ້ຄວາມເຫັນກ່ຽວກັບທຸງສະຫະພັນລັດ ພາກໃຕ້ໃນສະໄໝສົງຄາມກາງເມືອງໂດຍກ່າວວ່າ ການຍົກຍ້າຍທຸງນີ້ອອກຈາກບໍລິເວນ ເດິ່ນຂອງຕຶກສະພາຈະເປັນການສະແດງອອກ ເຖິງຄວາມເມດຕາຂອງພະຜູ້ເປັນເຈົ້າ. ຜູ້ ຕ້ອງສົງໄສໃນການຍິງສັງຫານຄັ້ງນີ້ ແມ່ນໄດ້ເຫັນໃນ ຮູບຖືທຸງດັ່ງກ່າວ.

ທ່ານໂອບາມາກ່າວວ່າ ການຍ້າຍທຸງອອກຈາກບໍລິເວນຕຶກສະພາຂອງລັດຈະບໍ່ເປັນການ ກະທຳເພື່ອປັບປ່ຽນທາງການເມືອງຫລືການໝິ່ນປະໝາດຕໍ່ຄວາມອົງອາດກ້າຫານແຕ່ຈະ ເປັນການສະແດງໃຫ້ເຫັນວ່າ ສາເຫດໃນການມີຂ້າທາດ ແມ່ນຜິດພາດ. ນອກນັ້ນ ປະທາ ນາທິບໍດີຍັງໄດ້ປະນາມການກໍ່ຄວາມຮຸນແຮງ ດ້ວຍອາວຸດປືນ. ນັບເປັນເວລາດົນນານມາ ແລ້ວ ພວກເຮົາໄດ້ຕາບອດ ຕໍ່ການກະທຳຜິດທີ່ປະຫຼາດ ທີ່ວ່າ ຄວາມຮຸນແຮງຂອງອາວຸດ ປືນໄດ້ມີຕໍ່ປະເທດນີ້. ໂດຍເປັນໄລຍະໆ ຕາຂອງພວກເຮົາ ໄດ້ເປີດກວ້າງ. ທ່ານເວົ້າວ່າ ສ່ວນໃຫຍ່ຂອງຊາວອາເມຣິກັນຕະຫຼອດທັງສ່ວນໃຫຍ່ຂອງພວກທີ່ມີອາວຸດປືນໃນຄວາມ ຄອບຄອງນັ້ນ ຕ້ອງການຢາກເຮັດສິ່ງໃດສິ່ງນຶ່ງລົງໄປ.

ສະຕີໝາຍເລກນຶ່ງ ທ່ານນາງ Michelle Obama ຮອງປະທານາທິບໍດີ Joe Biden ແລະ ພັນລະຍາຂອງທ່ານ ທ່ານນາງ Jill Biden ກໍໄດ້ໄປຮ່ວມພິທີສົ່ງສະການຄືກັນຊຶ່ງຈັດຂຶ້ນຢູ່ ເດີ່ນກິລາທ້ອງຖິ່ນແມ່ນເປີດກວ້າງຢູ່ເມືອງ Charleston. ພິທີນີ້ໄດ້ເປີດໃຫ້ປະຊາຊົນເຂົ້າ ຮ່ວມ ຊຶ່ງມີເກືອບ 5,000 ຄົນ ໄປຮ່ວມໄວ້ທຸກ.

XS
SM
MD
LG