ປະທານາທີບໍດີສະຫະລັດ ທ່ານ ບາຣັກ ໂອບາມາ ວາງແຜນທີ່
ຈະບໍ່ຜ່ານລັດຖະສະພາ ແລະປະກາດການເອົາມາດຕະການ
ຂອງຝ່າຍບໍລິຫານ ກ່ຽວກັບເລື່ອງຄົນເຂົ້າເມືອງ.
ທຳນຽບຂາວກ່າວວ່າ ທ່ານ ໂອບາມາ ຈະກ່າວຄຳປາໄສຕໍ່ປະເທດ
ຊາດ ໃນວັນພະຫັດມື້ນີ້ ໃນອັນທີ່ທຳນຽບຂາວກ່າວວ່າ ເປັນລາຍ
ລະອຽດຕ່າງໆຂອງແຜນການຂອງທ່ານ ເພື່ອແກ້ໄຂລະບົບທີ່ຫັກ
ພັງແລ້ວນັ້ນ.
ເປັນທີ່ຄາດກັນວ່າ ແຜນການດັ່ງກ່າວຈະຮວມທັງການຄຸ້ມຄອງ
ບໍ່ໃຫ້ມີການເນລະເທດພວກທີ່ເຂົ້າເມືອງຜິດກົດໝາຍຫລາຍເຖິງ
5 ລ້ານຄົນຊຶ່ງພວກກ່ຽວຍັງຈະໄດ້ຮັບໃບອະນຸຍາດໃຫ້ປະກອບອາຊີບໄດ້ນັ້ນ.
ນີ້ແມ່ນຮວມທັງພວກພໍ່ແມ່ ແລະຄູ່ຄອງຂອງພວກທີ່ຖືສັນຊາດອາເມຣິກັນນຳ.
ເບິ່ງລາຍງານຈາກນັກຂ່າວຂອງ VOA-Carolyn Presutti:
ໂຄສົກທຳນຽບຂາວ ທ່ານ Josh Earnest ໄດ້ກ່າວວ່າ ການເອົາບາດກ້າວຂອງປະທານາ
ທິບໍດີນີ້ຈະເສີມຂະຫຍາຍການຮັກສາຄວາມປອດໄພຂອງສະຫະລັດໃນເຂດຊາຍແດນ ເສີມຂະຫຍາຍເສດຖະກິດໃຫ້ເຂັ້ມແຂງຂຶ້ນ ແລະຈະອຳນວຍໃຫ້ຜູ້ຄົນຈຳນວນຫຼາຍລ້ານ
ຄົນ ອອກມາຈາກບ່ອນທີ່ລີ້ຊ່ອນ ແລະປະຕິບັດຕາມກົດໝາຍ.
ສະມາຊິກຂອງພັກຣິພະບລິກັນໃນລັດຖະສະພາ ໄດ້ກ່າວຫາປະທານາທິບໍດີວ່າ ໄດ້ເອົາ ບາດກ້າວເກີນອຳນາດຂອງທ່ານ.
ໂຄສົກ ທຳນຽບຂາວ ກ່າວວວ່າ ເກືອບວ່າປະທານາທິບໍດີທຸກໆທ່ານຈາກທັງສອງພັກ
ຖ້ານັບຢ້ອນຄືນຫລັງໄປແລ້ວ ກໍແມ່ນແຕ່ Dwight Eisenhower ມາ ແມ່ນໄດ້ເອົາບາດ
ກ້າວ ຂອງຝ່າຍບໍລິຫານເພື່ອແກ້ໄຂບັນຫາເລື້ອງຄົນເຂົ້າເມືອງນີ້.
ສະພາສູງທີ່ພັກ Democratic ຄວບຄຸມນັ້ນ ໄດ້ຮັບຜ່ານຮ່າງກົດໝາຍປະຕິຮູບເລື່ອງຄົນເຂົ້າເມືອງ ທີ່ໄດ້ຮັບການສະໜັບສະໜຸນຈາກທັງສອງພັກ ແຕ່ວ່າ ທ່ານ Earnest ວ່າ
ປະເທດຊາດ ແມ່ນໄດ້ລໍຄອຍຖ້າ ມາຫຼາຍກວ່າປີນຶ່ງແລ້ວ ເພື່ອໃຫ້ ຮ່າງກົດໝາຍດັ່ງກ່າວ
ໄດ້ຮັບການລົງຄະແນນສຽງ ຢູ່ໃນສະພາ ຕ່ຳທີ່ຄວບຄຸມໂດຍພັກ Republican.
ສະມາຊິກ Republican ຫລາຍໆຄົນກ່າວວ່າ ທ່ານ ໂອບາມາ ແລະພັກ Democratic ຕ້ອງການຢາກຈະໃຫ້ອະໄພຍະໂທດ ຕໍ່ພວກທີ່ເຮັດຜິດກົດໝາຍ ແລະເອີ້ນການເອົາບາດ
ກ້າວນີ້ວ່າ ບໍ່ຍຸຕິທຳຕໍ່ພວກທີ່ພະຍາຍາມເຂົ້າມາສະຫະລັດຢ່າງຖືກຕ້ອງຕາມກົດໝາຍນັ້ນ.
ນອກນັ້ນ ພວກເຂົາເຈົ້າຍັງຕ້ອງການທີ່ຈະໃຫ້ມີການຮັກສາຄວາມປອດໄພຕາມຊາຍແດນ ສະຫະລັດ ຕິດກັບ Mexico ເຂັ້ມງວດຂຶ້ນ.
ເບິ່ງລາຍງານທີ່ກ່ຽວຂ້ອງຈາກນັກຂ່າວຂອງ VOA- Carolyn Presutti