ລິ້ງ ສຳຫລັບເຂົ້າຫາ

ທ່ານ Obama ແລະ ທ່ານ Romney ຫາສຽງ ຢູ່ທີ່ລັດ Ohio (ວີດີໂອ)


ທ່ານ Barack Obama ແລະທ່ານ Mitt Romney ກໍາລັງໂຄສະນາ ຫາສຽງຢູ່ທີ່ລັດ Ohio ຊຶ່ງເປັນລັດທີ່ສໍາຄັນ ຈະຊີ້ບອກວ່າໃຜຈະຊະນະ
ປະ​ທານ​າທິບໍດີສະຫະລັດທ່ານ Barack Obama ​ແລະຜູ້​ສະມັກ​
ຂອງ​ພັກຣີພັບ ​ບລີ​ກັນທ່ານ Mitt Romney ທຳ​ການ​ໂຄສະນາ​ຫາ​
ສຽງຢູ່ທີ່​ລັດ Ohio ​ຊຶ່ງ​ເປັນ ລັດສຳຄັນ​ທີ່​ຈະ​ອຽງ​ໄປ​ຫາ​ຝ່າຍ​ໃດ​ກໍ​
ໄດ້ ໃນ​ວັນ​ອັງຄານມື້ນີ້ ​ໃນ​ຂະນະ​ທີ່​ພວກ​ທ່ານຊອກ​ຫາຊ່ອງ​ທາງ​
ເພື່ອ​ໃຫ້​ໄດ້​ຮັບ​ການ​ສະໜັບສະໜຸນຈາກ​ຜູ້​ປ່​ອນບັດ ຊຶ່ງ​ຍັງ​ເຫລືອ​
ເວລາ​ແຕ່ອີກສີ່​ອາທິດ ກ່ອນ​ການ​ເລືອກ​ຕັ້ງຈະ​ມີ​ຂຶ້ນນັ້ນ.

ການ​ຢັ່ງ​ສຽງ​ຄັ້ງຫຼ້າສຸດ​ສະ​ແດງ​ໃຫ້​ເຫັນວ່າ ຜູ້​ສະມັກ​ທັງ​ສອງ​ທ່ານ
ມີ​ຄະ​ແນນ​ສຽງເກືອບ​ວ່າ​ທໍ່ໆ​ກັນ ​ກ່ອນ​ໜ້າ​ການປ່ອນ​ບັດ​ໃນ​ວັນ​ທີ
6 ​ເດືອນ​ພະຈິກ. ລັດ Ohio ​ແມ່ນ​ລັດ​ນຶ່ງ​ໃນ​ຈໍານວນ​ບໍ່ເທົ່າ​ໃດ​ລັດ
ທີ່​ຮ້ອງ​ກັນວ່າ swing states ຫຼືລັດ​ທີ່​ອາດ​ຈະ​ອຽງໄປ​ຫາ​ຝ່າຍ​ໃດ
​ກໍ​ໄດ້ ຊຶ່ງ​ຄາດ​ກັນ​ວ່າ​ຈະ​ເປັນ​ຜູ້​ຕັດສິນຊີ້ຂາດ​ກ່ຽວ​ກັບ​ວ່າຜູ້​ໃດ​ຈະ​
ໄດ້​ຮັບຊະນະ.

​ເຖິງ​ແມ່ນ​ວ່າ ​ໄດ້​ເສຍໄຊ​ໃນກາ​ນຢັ່ງ​ສຽງ​ໃຫ້​ແກ່ທ່ານ Romney ຫຼັງຈາກ​ການ​ໂຕ້​ວາ​ທີ
ກ່ຽວ​ກັບ​ນະ​ໂຍບ​າຍພາຍ​ໃນ​ປະ​ເທດ ​ໃນອາທິດແລ້ວ​ນີ້ ທ່ານ Obama ​ໄດ້​ບອກ​ບັນດາ​ຜູ້​ສະໜັບສະໜຸນ​ ທີ່​ງານ​ຫາ​ລາຍ​ໄດ້ ​ໃນ​ຕອນ​ແລງ​ຂອງ​ວັນ​ຈັນ​ວານ​ນີ້ວ່າ ທ່ານມີ​ຄວາມ​ຕັ້ງ​ໃຈ​ “ທີ່​ສຸດ” ທີ່​ຈະ​ຊະນະ​ການ​ເລືອກ​ຕັ້ງ. ທ່ານ​ໄດ້​ຮຽກຮ້ອງ​ໃຫ້​ພວກ​ສະໜັບສະ​ໜຸນ​ທ່ານ
ຈົ່ງ “ດຳ​ເນີນ​ການ​ຢ່າງ​ຂຸ້ນຂ້ຽວ” ​ໃນ​ການ​ພະຍາຍາມ​ຂອງ​ເຂົາ​ເຈົ້າ​ຈົນ​ກວ່າ​ວັນ​ເລືອກ​ຕັ້ງ.
​ໃນ​ຕອນ​ເຊົ້າ​ຂອງ​ວັນ​ຈັນວານ​ນີ້ ທ່ານ Romney ​ໄດ້​ກ່າວ​ຫາປະທານາທິບໍດີ ວ່າ ​ເປັນ​ຜູ້​ນໍາ​ທີ່​ອ່ອນ​ແອ ​ໂດຍ​ສະ​ເພາະແລ້ວ ກ່ຽວ​ກັບພາກ​ຕາ​ເວັນ​ອອກ​ກາງ.

​ໃນ​ການກ່າວ​ຄໍາ​ປາ​ໄສ​ທີ່ສໍາຄັນຄັ້ງທໍາ​ອິດ ​ກ່ຽວ​ກັບ​ນະ​ໂຍບາຍ​ການ​ຕ່າງປະ​ເທດ ນັ້ນ ທ່ານ Romney ​ເວົ້າ​ວ່າ ພາຍ​ໃຕ້​ປະທານາທິບໍດີ Obama ສະຫະລັດຢູ່​ພາຍ​ໃຕ້​ກຄວາມ​ເຫັນ​ໃຈ​ຂອງສະຖານະ​ການ​ແທນ​ທີ່​ຈະ​ໃ​ຊ້​ໃນ​ອັນ​ທີ່​ທ່ານ​ເອີ້ນ ​ວ່າ “ອໍານາດອັນ​ຍິ່ງ​ໃຫຍ່ເພື່ອ​ກຳນົດ​ຫຼື​ຫລໍ່​ຫລອ​ມປະ​ຫວັດ​ສາດ.”

ທ່ານໄດ້​ກ່າວ​ຫາປະທານາທິບໍດີວ່າ ຫລົ້ມ​ແຫລວ​ໃນ​ການເປັນ​ຜູ້ນໍາພາຢູ່​ໃນຊີ​ເຣຍ ຮ້ອງ​ການ​ຖອນກໍາລັງ​ສະຫະລັດອອກ​ຈາກອີຣັກວ່າ “​ເປັນໄປ​ຢ່າງ​ກະທັນຫັນ” ​ແລະ​ກ່າວ​ວ່າ ສະຫະລັດແລະ​ອິສຣາ​ແອ​ລ ໄດ້​ເຫີນຫ່າງ​ອອກ​ຈາກ​ກັນຫຼາຍຂຶ້ນ ຊຶ່ງ​ທ່ານ​ເວົ້າ​ວ່າ ເຮັດ​ໃຫ້ອີຣ່ານກ້າ​ຫານເພີ້​ມຂຶ້ນນັ້ນ.

ທ່ານ Romney ກ່າວ​ອີກ​ວ່າ ຈະ​ບໍ່​ມີ​ການ​ປະນີປະນອມກັບຣັດ​ເຊຍ ກ່ຽວ​ກັບ ການ​ຕິດ​ຕັ້ງລະບົບ​ຕໍ່ຕ້ານ​ລູກ​ສອນ​ໄຟ ​ຢູ່່​ໃນ​ຢູ​ໂຣບ.

ການ​ໂຄສະນາ​ຫາ​ສຽງ​ຂອງທ່ານ Obama ​ໄດ້​ຕອບ​ໂຕ້​ທັນ​ທີ ຕໍ່​ຄໍາ​ປາໄສ​ຂອງ ທ່ານ Romney ​ໂດຍ​ກ່າວ​ວ່າ ມັນ​ເປັນ​ເຫດຜົນທີ່ດີທີ່​ປະທານາທິບໍດີ​ມີ​ຄະ​ແນນ ນໍາ​ໜ້າ​ໃນ
ການ​ຢັ່ງ​ຫາງສຽງ​ ກ່ຽວ​ກັບ​ຄວາມ​ປອດ​ໄພ​ຂອງ​ສະຫະລັດ ຊຶ່ງ​ໄດ້​ອ້າງເຖິງການສີ້​ນສຸດ
ລົງຂອງສົງ​ຄາມ​ໃນອີຣັກ​ແລະ​ການ​ສັງຫານຜູ້ນຳ​ກຸ່ມ​ກໍ່​ການ​ຮ້າຍ al-Qaida ທ້າວ Osama Bin Laden.

ຜູ້​ສະມັກ​ທັງ​ສອງ​ທ່ານມີ​ກຳນົດ​ທີ່​ຈະ​ໂຕ້ວາ​ທີ​ກັນ​ອີກ​ຄັ້ງ​ທີສອງໃນ​ອາທິດ​ໜ້າໂດຍ ​ໃຫ້​ປະຊາຊົນ​ເປັນ​ຜູ້ຕັ້ງຄຳຖາມ​ ກ່ຽວ​ກັບບັນຫາຕ່າງໆ ທັງ​ພາຍ​ໃນ​ແລະ​ຕ່າງປະ​ເທດ. ການ​ໂຕ້​ວາ​ທີຄັ້ງ​ທີ​ສາມ ທີ່​ເນັ້ນ​ໜັກ​ໃສ່ນະ​ໂຍບາຍ​ການ​ຕ່າງປະ​ເທດຈະ​ມີ ​ຂື້ນ​ໃນ​ທ້າຍ​ເດືອນ​ນີ້.
ຮອງ​ປະ​ທາ​ນາ​ທິບໍດີສະຫະລັດ​ທ່ານ Joe Biden ​ແລະຄູ່​ແຂ່ງ​ຂອງທ່ານຄື​ທ່່ານ Paul Ryan ຈະ​ໂຕ້​ວາ​ທີກັນ​ໃນ​ວັນ​ພະຫັດ ອາທິດ​ນີ້.

XS
SM
MD
LG