ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ການຢັ່ງສຽງທ່ານ Obama ແລະ ທ່ານ Romney ເທົ່າກັນ


Fireworks are seen over the Olympic Park during the opening ceremony of the Sochi 2014 Winter Olympics, Feb. 7, 2014.
Fireworks are seen over the Olympic Park during the opening ceremony of the Sochi 2014 Winter Olympics, Feb. 7, 2014.
ການ​ຢັ່ງ​ຫາງ​ສຽງ​ໃໝ່​ກ່າວ​ວ່າ ປະທານາທິບໍດີ ສະຫະລັດ ທ່ານ
Barack Obama ​ແລະ ຂູ່​ແຂ່ງຂັນ ທ່ານ Mitt Romney
ກໍາລັງໄດ້​ຮັບ​ຄະ​ແນນ​ສຽງ​ທໍ່​ກັນ ກ່ອນ​ໜ້າການ​ໂຕ້​ວາທີ​ຄັ້ງ​ທີ່​ສາມ ​
ແລະ​ຄັ້ງ​ສຸດທ້າຍ​ໃນຕອນ​ແລງ​ວັນ​ຈັນ​ມື້​ນີ້.


​ການ​ຢັ່ງ​ສຽງ​ຂອງ ​ໂທລະພາບ NBC ​ແລະ ໜັງສືພິມ Wall Street Journal ສະ​ແດງ​ໃຫ້​ເຫັນ​ວ່າ ການ​ສະໜັບສະໜູນ​ແກ່ຜູ້​ສະມັກ ລະຫວ່າງ ບັນດາ​ຜູ້​ທີ່​ຈະ​ປ່ອນ​ບັດມີ​ຢູ່ 47 ​ເປີ​ເຊັ​ນສຳລັບ​ແຕ່ລະຄົນ.

ການ​ໂຕ້​ວາ​ທີ ຈະ​ໄຊ້​ເວລາ 90 ນາທີ ​ໃນ​ຕອນ​ແລງ​ວັນ​ຈັນ​ມື້​ນີ້ ຢູ່​ທີ່​ລັດ Florida ຊຶ່ງ​ເປັນ​ລັດ​ທີ່ມີ​ການ​ແຂ່ງຂັນ​ໄກ້​ຄຽງກັນ​ທີ່​ສຸດ ຊຶ່ງຈະເນັ້ນ​ໜັກ​ໃສ່ ນະ​ໂຍບາຍ​ການ​ຕ່າງປະ​ເທດ​ທັງ​ໝົດ ​ແລະ​ ທ່ານ Bob Schieffer ຈາກ​ໂທລະພາບ CBS ຈະ​ເປັນກຳມະການ.

ທ່າ​ນ Mitt Romney ​ແລະ​ພັນທະ​ມິດ​ພັກ ​ຣີພັບ​ບລິ​ກັນ ​ໄດ້ໂຈ​ມຕີ ປະທານາທິບໍດີ Barack Obama​ເລື້ອຍ​ມາ​ເລື້ອງການຮັບ​ມື​ກັບ​ການ​ໂຈມ​ຕີຮ້າຍ​ແຮງ​ເຖິງ​ຕາຍ​ໃນ​ເດືອນ​ແລ້ວ​ນີ້ ທີ່ ​ກົງ​ສູນ ສະຫະລັດ ທີ່ ​ລີເບຍ. ການ​ໂຈມຕີ​ໃນ​ວັນ​ທີ່ 11 ​ເດືອນ​ກັນຍາ ທີ່​ເມືອງ Benghazi ​ໄດ້​ສັງຫານ ​ເອກ​ອັກຄະ​ລັດຖະທູດ ສະຫະລັດ ທ່ານ Christopher Stevens ​ແລະ​ນັກ​ການ​ທູດ​ ສະຫະລັດ ອີກ​ສາມ​ຄົນ.

​ໂຄງການ​ນິວ​ເຄລຍ ຂອງ ອີຣ່ານ ຍັງ​ເປັນ​ຫົວຂໍ້​ສຳຄັນຢູ່​ສຳລັບ ທ່ານ Romney ຊຶ່ງ​ທ່ານ​ກ່າວ​ວ່າ ລັດຖະບານ ທ່ານ Obama ບໍ່​ເຂັ້ມ​ງວດ ພໍຕໍ່Tehran ​ແລະ ກໍບໍ່​ໄດ້​ໃຫ້ການ​ສະໜັບສະໜູນ​ພຽງພໍ​ຕໍ່ອິສຣາ​ແອ​ລ.

ທ່ານ Obama ​ໄດ້​ກ່າວ​ຫາ ທ່ານ Romney ວ່າ​ໄຊ້ການ​ເມືອງ​ເປັນ​ການ​ໂຈມ​ຕີ ​ໃນ ລີ​ເບຍ ​ແລະ​ກ່າວ​ວ່າ ທ່ານ​ໄດ້​ວາງ​ມະຕະການ ​ລົງ​ໂທດ​ທີ່​ແຂງ​ຂັນ​ຕໍ່ ອີຣ່ານ ​ໃນ​ຂະນະ​ທີ່​ກໍ່ສ້າງຄວາມ​ຮ່ວມ​ມືລະຫວ່າງ​ສະຫະລັດ ກັບ ​ອິສຣາ​ແອ​ລຢູ່. ປະທານາທິບໍ​ດີ ຍັງ​ໄດ້ກ່າວ​ເຖິງ​ເລື້ອງ ຜົນ​ສໍາ​ເລັດ ຕໍ່ຕ້ານການກໍ່​ການ​ຮ້າຍ ອັນ​ມີລວມ​ທັງ​ການ​ບຸກສັງຫານ Osama bin Laden ນັ້ນ​ນຳ.
XS
SM
MD
LG