ລິ້ງ ສຳຫລັບເຂົ້າຫາ

ປ. ໂອບາມາ ຊຸກຍູ້ລັດຖະສະພາ ໃຫ້ຜ່ານຮ່າງກົດໝາຍວ່າໃຫ້ທຶນ ເພື່ອຕໍ່ສູ້ກັບ ເຊື້ອ Zika


ປະທານາທິບໍດີ Barack Obama, ກາງ, ພົບປະກັບຜູ້ນຳ ສຽງສ່ວນຫລາຍ ທ່ານ Mitch McConnell, ພັກຣີພັບບລິກັນ ຈາກລັດ Kenturky. ຊ້າຍ, ປະທານສະພາຕໍ່າ ທ່ານ Paul Ryan, ພັກຣີພັບບລິກັນ ຈາກລັດ Wisconsin.

ປະທານາທິບໍດີ Barack Obama, ກາງ, ພົບປະກັບຜູ້ນຳ ສຽງສ່ວນຫລາຍ ທ່ານ Mitch McConnell, ພັກຣີພັບບລິກັນ ຈາກລັດ Kenturky. ຊ້າຍ, ປະທານສະພາຕໍ່າ ທ່ານ Paul Ryan, ພັກຣີພັບບລິກັນ ຈາກລັດ Wisconsin.

ປະທານາທິບໍດີ​ສະຫະລັດ ທ່ານ Barack Obama ກ່າວ​ວ່າ ບູລິ​ມະ​ສິດສຳຄັນ​ທີ່ສຸດຂອງ​ທ່ານ ກໍຄື​ເຮັດ​ວຽກກັບລັດຖະສະພາ​ເພື່ອ​ໃຫ້​ເປັນ​ທີ່​ແນ່​ນອນວ່າ​ບັນດາ​ ສະມາຊິກສະພາ ຮັບ​ຜ່ານຮ່າງ​ງົບປະມານການໃຊ້​ຈ່າຍໃນ​ທ້າຍ​ເດືອນ​ນີ້ ​ເພື່ອ​ບໍ່ໃຫ້​ຫ້ອງການ​ລັດຖະບານ​ກາງ​ປິດ.

ອີກ​ຢ່າງນຶ່ງທີ່ທ່ານ​ກ່າວ​ກໍ​ຄື ທ່ານ​ເຊື່ອ​ວ່າລັດຖະສະພາຈະ​ສຳ​ເລັດ​ກ່ອນ​ອອກ​ເດີນ​ທາງ​ກັບ​ຄືນ​ບ້ານ ​ເພື່ອ​ໄປເລືອກ​ຕັ້ງ​ໃນ​ເດືອນ​ພະຈິກ ກໍ​ແມ່ນ​ອະນຸມັດ​ທຶນ​ໃຫ້​ພຽງ ພໍ​ໃນ​ຄວາມ​ພະ​ຍາ​ຍາມເ​ພື່ອຮັບ​ມື​ກັບ​ການແຜ່​ລະບາດຂອງ​ເຊື້ອ​ໄວຣັສ Zika ທີ່​ຂະຫຍາ​ຍວົງ​ກວ້າງ​ອອກ. ປະທານາທິບໍດີ Obama ກ່າວ​ວ່າ ລັດຖະສ​ະພາ ຕ້ອງ​ໄດ້​ອະນຸມັດ​ທຶນ​ເພີ້​ມ​ເຕີມຢ່າງ​ຮີບ​ດ່ວນ ​ເພື່ອ​ພັດ​ທະນາ​ອຸບປະກອນໃນ​ການ ວິນ​ນິດ​ໄສ​ ແລະ​ຢາ​ວັກ​ຊີ​ນ ທີ່​ຈະ​ແກ້​ໄຂ​ບັນຫາ​ເຊື້ອ​ໄວ​ຣັສ Zika ​ໃຫ້​ເປັນ​ທີ່​ຖາ ວອນ.

ປະທານາທິບໍດີ ​ໄດ້​ພົບ​ປະກັບບັນດາ​ຜູ້ນຳ​ສູງ​ສຸດ​ສີ່​ຄົນຂອງ​ລັດຖະສະພາ ຢູ່ທີ່​ທຳນຽບ ຂາວ​ໃນ​ວັນ​ຈັນ​ວານ​ນີ້ ​ແລະ​ໄດ້​ກ່າວ​ຕໍ່​ບັນດາ​ນັກ​ຂ່າວ ​ຫລັງ​ຈາກ​ນັ້ນວ່າ. “​ເຖິງ​ແມ່ນ​ວ່າ ຂ້າພະ​ເຈົ້າ​ຮູ້​ວ່າ​ພວກ​ເຮົາ​ກຳລັງ​ຢູ່​ໃນ​ກາງ ລະດູການ​ເມືອງ ​ແລະ​ທຸກໆ​ຄົນ​ກຳລັງ​ຄິດ​ກ່ຽວ ກັບ​ການ​ເລືອກ​ຕັ້ງ ​ແຕ່່ຍັງ​ມີທຸລະ​ກິດ​ທີ່​ຈະຕ້ອງ​ໄດ້​ເຮັດ​ໃຫ້​ເສັດ​ສິ້ນ ​ແລະ​ຂ້າພະ​ເຈົ້າ​ມີ​ກຳລັງ​ໃຈ​ໃນໜ້າ​ວຽກຈຳ​ນວນ​ນຶ່ງທີ່​ສ້າງສັນ​ກຳ​ລັງ​ປະຕິບັດ​ໃຫ້​ສິ້ນ​ສຸດ​ຢູ່່​ໃນ​ປັດຈຸບັນນີ້.”

ຜູ້ນຳ​ສຽງ​ສ່ວນ​ຫລາ​ຍ​ໃນສະພາ​ສູງຂອງພັກ​ຣີີພັບບລິ​ກັນ ທ່ານ Mitch McConnell ຜູ້ນຳ​ສຽງ​ສ່ວນ​ນ້ອຍ​ໃນສະພາ​ສູງຂອງພັກ​ເດ​ໂມ​ແຄຣັດ ທ່ານ Harry Reid ປະທານ​ສະພາ​ພັກຣີພັບ​ບລິ​ກັນ ທ່ານ Paul Ryan ​ແລະ​ຜູ້ນຳ​ສຽງ​ສ່ວນ​ນ້ອຍ​ສະພາ​ຕໍ່າຂອງ​ພັກ​ເດ​ໂມ​ແຄຣັດ ທ່ານ​ນາງ Nancy Pelosi ໄດ້​ເດີ​ນທາ​ງ​ໄປ​ທຳນຽບຂາວ​ເພື່ອ​ພົບ​ປະ​ກັບປະທາ​ນາ​ທິບໍດີ ​ແຕ່​ໄດ້​ຫຼີກ​ລ່ຽງບັນດາ​ນັກ​ຂ່າວ​ຫລັງ​ຈາກ​ພົບ​ປະກັນ​ແລ້ວ.

ຜູ້ຊ່ວຍຄົນ​ນຶ່ງ​ຂອງ​ປະທານ​ສະພາຕ່ຳ ທ່ານ Paul Ryan ​ໄດ້​ອອກ​ຖະ​ແຫລ​ງ ການ​ວ່າ “ບັນດາ​ຜູ້ນຳ​ໄດ້​ສົນທະນາເຖິງຄວາມ​ປາດ​ຖະໜາຂອງ​ເຂົາ​ເຈົ້າ ​ເພື່ອ​ໃຫ້​ບັນລຸ​ການ​ແກ້​ໄຂ​ອັນ​ຮີບ​ດ່ວນ​ກ່ຽວ​ກັບ​ຮ່າງ​ງົບປະມານ​ການໃຊ້ຈ່າຍ​ລະຍະ​ສັ້ນ ຮວມ​ທັງອະນຸມັດທຶນເພື່ອ​ຮັບ​ມື​ກັບ​ເຊື້ອ​ໄວຣັສ Zika. ປະທານ​ສະພາຕ່ຳ​ໄດ້​ກ່າວເຖິງຄວາມ​ປາດ​ຖະໜາ​ຂອງ​ທ່ານ​ ເພື່ອໃຫ້​ຂັ້ນຕອນ​ໃນ​ການ​ອະນຸມັດເງິນ ​ເປັນທີ່​ຮຽບຮ້ອຍແລະທ່ານ​ໄດ້​ກ່າວຕໍ່​ບັນດາ​ຜູ້ນຳ​ວ່າ ທ່ານ​ຄັດຄ້ານ​ທີ່ຈະອະນຸມັດ​ຕໍ່​ແຜນ ການ​ໃຊ້ຈ່າຍ​ພາຍຫລັງໃນ​ປີ​ນີ້. ທ່ານ​ຍັງ​ໄດ້​ກ່າວ​ເຖິງ​ຄວາມ​ສຳຄັນ​ຂອງ​ການເບິ່ງ​ແຍງ​ທະຫານ​ຂອງ​ພວກ​ເຮົາ​ໂດຍ​ຜ່ານຂັ້ນຕອນ​ການ​ອະນຸມັດ​ງົບປະມານ.​ ​


ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG