ລິ້ງ ສຳຫລັບເຂົ້າຫາ

ປ.ໂອບາມາ ສະເໜີ ການຕໍ່ລອງ ເພື່ອຊ່ອຍ ຄົນຊັ້ນກາງ (ວີດີໂອ)


ປະທານາທິບໍດີສະຫະລັດ ທ່ານບາຣັກ ໂອບາມາ

ປະທານາທິບໍດີສະຫະລັດທ່ານບາຣັກ ໂອບາມາ ກ່າວວ່າ ສະຫະ
ລັດຕ້ອງໄດ້ດຳເນີນການໃຫ້ດີກວ່ານີ້ ເພື່ອຄໍ້າປະກັນ ໃຫ້ມີການຕໍ່
ລອງທີ່ດີຂຶ້ນ ສຳລັບພວກຊົນຊັ້ນກາງ ໃນການວາງພື້ນຖານເພື່ອ
ໃຫ້ເສດຖະກິດເຕີບໂຕເຂັ້ມແຂງກວ່າເກົ່າ.

ໃນຄຳປາໄສປະຈຳສັບປະດາຂອງທ່ານໃນວັນເສົາມື້ນີ້ ປະທານາ
ທິບໍດີໂອບາມາ ເວົ້າວ່າ ແມ່ນແຕ່ກ່ອນເກີດວິກິດການເສດຖະກິດ
ເມື່ອຫລາຍໆປີກ່ອນຄວາມຮັ່ງມີກໍໄດ້ມີກັນແບບບໍ່ຍຸຕິທຳຢູ່ແຕ່ໃນ
ໝູ່ພວກຄົນລໍ້າລວຍ ໃນຂະນະທີ່ບັນດາຄອບຄົວສ່ວນໃຫຍ່ທີ່ເຮັດ ວຽກໜັກຂຶ້ນນຳທຸກມື້ພຽງແຕ່ສາມາດເອົາຊີວິດຢູ່ລອດໄດ້ເທົ່ານັ້ນ
ທ່ານເວົ້າວ່າ ການຕ່າວປີ້ນທ່າອຽງດັ່ງກ່າວນີ້ຕ້ອງແມ່ນບູລິມະສິດ
ອັນສູງສຸດຂອງວໍຊິງຕັນ.





ທ່ານໂອບາມາເວົ້າວ່າ ທ່ານພວມສະເໜີການຕໍ່ລອງຄັ້ງໃຫຍ່ສຳລັບພວກຊົນຊັ້ນກາງ. ທ່ານ
ກ່າວວ່າ ທ່ານຈະດຳເນີນງານຮ່ວມກັບພັກຣີພັບບລີກັນເພື່ອເຮັດໃຫ້ລະບຽບການເກັບພາສີ ງ່າຍຂຶ້ນ ແຕ່ກໍຕໍ່ເມື່ອຖ້າຫາກການປະຢັດເງິນເຫຼົ່ານີ້ຈະຖືກ ນຳໄປໃຊ້ໃນການລົງທຶນຢ່າງສຳ ຄັນ ເພື່ອສ້າງວຽກເຮັດງານທຳທີ່ດີໆ ສຳລັບພວກຊົນຊັ້ນກາງ. ທ່ານເວົ້າວ່າ ທ່ານຕ້ອງການ ຢາກໃຫ້ພວກຄົນງານກໍ່ສ້າງກັບຄືນເຂົ້າໄປເຮັດວຽກເຮັດການແລະຊ່ອຍວິທະຍາໄລຊຸມຊົນ ໃຫ້ການສິດສອນພວກນັກສຶກສາ ກ່ຽວກັບເສດຖະກິດຂອງໂລກ ຊຶ່ງທັງໝົດນີ້ ແມ່ນໂດຍປາ ສະຈາກການເພີ້ມການຂາດດຸນໃສ່ງົບປະມານ.

ສະມາຊິກສະພາສູງ Susan Collins ຈາກພັກຣີພັບບລີກັນກໍໄດ້ເວົ້າເຖິງເລື່ອງເສດຖະກິດ ຄືກັນໃນຄຳປາໄສປະຈຳສັບປະດາ ຂອງພັກທ່ານນາງ. ທ່ານນາງເວົ້າວ່າ ການປະຕິຮູບລະ ບົບຮັກສາສຸຂະພາບຂອງປະທານາທິບໍດີໂອບາມາຊຶ່ງຮູ້ກັນ ໃນນາມ Obamacare ນັ້ນ ທີ່ ຈິງແລ້ວແມ່ນເຮັດໃຫ້ທຸລະກິດຂະໜາດນ້ອຍທໍ້ແທ້ໝົດກຳລັງໃຈໃນການສ້າງວຽກເຮັດງານ ທຳ ແລະການວ່າຈ້າງພະນັກງານໃໝ່. ທ່ານນາງກ່າວວ່າ ທ່ານນາງພວມນຳສະເໜີຮ່າງກົດ ໝາຍສະບັບນຶ່ງ ທີ່ຈະຈຳກັດຄວາມໃໝ່ ກ່ຽວກັບຄວາມໝາຍ ຂອງຄຳວ່າ “ພະນັກງານເຕັມ ເວລາ” ໃນ Obamacare ເພື່ອຈະປົກປ້ອງຄຸ້ມຄອງວຽກເຮັດງານທຳ.


XS
SM
MD
LG