ລິ້ງ ສຳຫລັບເຂົ້າຫາ

ປະທານາທິບໍດີ Obama ສະເໜີໃຫ້ ທ່ານ Jim Yong Kim ເປັນຫົວໜ້າ ທະນາຄານໂລກ


ປະທານາທິບໍດີ Barack Obama ຢືນຄຽງຂ້າງທ່ານ Jim Yong Kim ຜູ້ທີ່ຖືກສະເໜີ ໃຫ້ເປັນຫົວໜ້າທະນາ ຄານໂລກຄົນຕໍ່ໄປ ຢູ່ທີ່ສວນດອກກຸຫລາບທໍານຽບຂາວ ວັນສຸກ ທີ 23, ເດືອນ ມີນາ 2012.

ປະທານາທິບໍດີ​ສະຫະລັດ ທ່ານ Barack Obama ​ສະ​ເໜີ​ແຕ່ງຕັ້ງໃຫ້​ທ່ານ Jim
Yong Kim ​ປະທານ​ຂອງ​ມະຫາວິທະຍາ​ໄລ Dartmouth College ຊຶ່ງ​ເປັນຄົນ​
ອາ​ເມຣິກັນ ​ທີ່​ມີ​ເຊື້ອສາຍ​ເກົາຫລີ​ໂດຍ ກຳ​ເນີ​ດນັ້ນ ໃຫ້ເປັນຫົວໜ້າ​ຂອງທະນາ
ຄານ​ໂລກ.

ທ່ານ Kim ອາຍຸ​ 52 ປີ ​ໄດ້​ຖື​ກຄັດ​ເລືອກ​ຢ່າງ​ບໍ່​ຄາດ​ຝັນ​ຈາກສະຫະລັດ​ ​ເພື່ອເຂົ້າ
ຮັບ​ຕໍາແໜ່​ງສູງ​ສຸດ​ ຂອງສະ​ຖາ​ບັນ​ການ​ເງິນ​ນາໆ​ຊາດ. ທ່ານ Obama ກ່າວໃນ​ວັນ​
ສຸກວານ​ນີ້​ວ່າ ທ່ານ Kim ມີ​ຄຸນ​ວຸດ​ທີີ​ທີ່​ເໝາະ​ສົມ ​ແລະ​ເປັນ​ສັນຍາ​ລັກ​ຂອງ​ຄວາມ​
ຫຼາກຫຼາຍຂອງ​ປະຊາ​ຊົນ​ອາເມຣິກັນ ພ້ອມ​ດ້ວຍເປັນ​ຜູ້​ຊ່ຽວຊານ​ມີ​ປະສົບພະ​ການ
ຢ່າງ​ກວ້າງຂວາງ ດ້ານ​ການ​ປີ່​ນປົວສຸຂະ​ພາບ ຢູ່​ໃນທົ່ວ​ໂລກ.

ຖ້າ​ຫາກ​ຖືກ​ຮັບ​ຮອງ​ເອົາ​ໂດຍສະພາ​ອຳນວຍ​ການຂອງທະນາຄານ​ໂລກ ທ່ານ Kim
ຈະເຂົ້າຮັບ​ໜ້າ​ທີ່ແທນ​ທ່ານ Robert Zoellick ຜູ້​ທີ່​ຫາ​ກໍ່​ປະກາດລາ​ອອກ​ຈາກ​ຕໍາ​
ແໜ່​ງ​ເມື່ອ​ບໍ່​ດົນ​ຜ່ານ​ມາ ​ເລີ້ມ​ແຕ່​ທ້າຍ​ເດືອນ​ມິ​ຖຸ​ນາຈະ​ມາ​ເຖິງ​ນີ້​.

ເທົ້າ​ທີ່​ຜ່ານ​ມາ​ມີ​ແຕ່ຄົນ​ອາ​ເມ​ຣິ​ກັນ​ເທົ່າ​ນັ້ນ ​ທີ່​ເປັນ​ຫົວໜ້າທະນາຄານ​ໂລກ ​ແຕ່​ວ່າຜູ້​
ທີ່​ຖື​ກສະ​ເໜີຈ​າກ​ສະຫະລັດອາດ​ຈະ​ປະ​ເຊີນ​ໜ້າ​ກັບ​ການ ​ທ້າ​ທາຍ​ຢ່າງ​ໃຫ່ຍ​ໃນ​ຄັ້ງ​ນີ້.

ບັນດາ​ປະ​ເທດທີ່​ກຳລັງ​ພັດທະນາກ່າວ​ວ່າ ​ເຂົາ​ເຈົ້າ​ມີ​ຄວາມ​ສົນ​ໃຈ​ຢາກ​ເຫັນການ​ແທນ​
ໜ້າ​ທີ່ດັ່ງກ່າວຈາກ​ຜູ້​ສະມັກ​ທີ່​ຢູ່​ນອກ​ສະຫະລັດ. ​ໃນ​ວັນ​ສຸກ​ຜ່ານ​ມາ​ນີ້ ອັງ​ໂກລາ ​
ໄນ​ຈີ​ເຣຍ ​ແລະ ອາ​ຟຣິກາ​ໃຕ້້ ​ໄດ້​ປະກາດ ສະໜັບສະໜຸນ​ລັດ​ຖະ​ມົນ​ຕີ​ການ​ເງິນ​ຂອງ
ໄນ​ຈີ​ເຣຍ ທ່ານນາງ Ngozi Okonjo-Iweala ນັກ​ເສດ​ຖະສາດ ​ແລະ​ນັກ​ການ​ທູດ
ເປັນ​ຜູ້​ທີ່​ເຂົາເຈົ້າ​ມັກ.

ຫົວໜ້າ​ທະນາຄານ​ໂລກ ຕາມ​ປົກກະ​ຕິ​ແລ້ວ​ ມີ​ພື້ນຖານ​ມາ​ຈາກນັກ ທຸລະກິດ ​ແລະ​
ທະນາຄານ ​ແຕ່​ວ່າ​ທ່ານ Obama ​ເຫັນ​ວ່າ ພື້ນຖານ​ຂອງທ່ານ Kim ​ນັ້ນ​ມາ​ຈາກ​
ການ​ເປັນ​ທ່ານໝໍ​ແລະ​ນັກ​ຄົ້ນ​ຄົ້ວ​ມະນຸດຊາດ ຊື່​ງ​ເປັນ​ກະ​ແຈ​ອັນ​ສໍາ​ຄັນ ທີ່​ຈະ​ນໍາພາ
ທະນະ​ຄານ​ໂລກ ​ໃນ ຄວາມພະຍາຍາມຕໍ່ສູ້​ກັບຄວາ​ມ​ທຸກຍາກ​ລໍາບາກ ​ແລະ
ພະຍາດ​ຕ່າງໆ.

ທະ​ນາ​ຄານ​ໂລກ​ມີ​ສະມາຊິກຢູ່ 187 ປະ​ເທດ ​ໂດຍ​ການໄດ້​ຮັບອຸປະຖໍາ​ຈາກສະຫະລັດ
ອາ​ເມ​ລິ​ກາ ​ເປັນ​ສ່ວຍ​ໃຫ່ຍ ​ເນັ້ນ​ໜັກ​ໃສ່​ການ​ຕໍ່ສູ້​ກັບຄວາມ​ທຸກ​ຍາກ​ ​ແລະ​ຊຸກ​ຍູ້​ການ​
ພັດ​ທະນາ ມີ​ຫ້ອງການ​ປົກຄອງ​ທີ່ນະ​ຄອນ​ຫລວງ ວໍ​ຊິງ​ຕັນ ດີ.ຊີ ​ໃຫ້​ເງິນ​ກູ້​ຢືມ​ແກ່​ບັນ
ດາ​ປະ​ເທດ ທີ່​ຊອກ​ຫາ​ການ​ບູລະນະ​ປະ​ເທດ ການ​ສ້າງ​ເຂື່ອນ​ໄຟຟ້າ ຖະໜົນ​ຫົນທາງ ​
ແລະ​ໂຄງການ​ອື່ນໆ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG