ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ລາຍງານຄວາມໝັ້ນຄົງແຫ່ງຊາດ ເປັນກົດໝາຍບັງຄັບໃຫ້ບັນດາຜູ້ສະໝັກປະທານາທິບໍດີ ຊາບ


ຜູ້ສະໝັກເປັນປະທານາທິບໍດີ ສະຫະລັດ ທ່ານນາງ Hillary Clinton (ຊ້າຍ) ແລະທ່ານ Donald Trump.
ຜູ້ສະໝັກເປັນປະທານາທິບໍດີ ສະຫະລັດ ທ່ານນາງ Hillary Clinton (ຊ້າຍ) ແລະທ່ານ Donald Trump.

ປະທານາທິບໍດີ ສະຫະລັດ ທ່ານ Barack Obama ກ່າວ​ວ່າ ລັດຖະບານ​ຂອງ​ທ່ານ ທີ່​ຈະຕ້ອງ​ລາຍ​ງານຄວາມ​ໝັ້ນຄົງ​ຂອງປະ​ເທດ ​ຕາມບົດ​ກົດໝາຍ ທີ່​ບັນ​ຢັດ​ໄວ້ ຊຶ່ງ​ຮ່ວມ​ທັງ​
ຂໍ້​ມູນ​ລັບທີ່​ບໍ່​ໄດ້​ເປີດ​ເຜີຍຕໍ່​ສາທາລະນະ ​ຫຼື​ແມ່ນ​ແຕ່ ຕໍ່ບັນດາ​ຜູ້​ສະໝັກ​ປະທານາທິບໍດີ ທັງຫຼາຍ.

ຊຶ່ງນີ້​ຮວມທັງ​ທ່ານ​ນາງ Hillary Clinton ສັງກັດ​ພັກ​ເດ​ໂມ​ແຄຣັດ ​ແລະ​ທ່ານ Donald Trump ສັງກັດ​ພັກຣີພພັບ​ບລິ​ກັນ ຜູ້​ທີ່​ປະທານ​າທິບໍດີ Obama ​ໄດ້​ກ່າວ​ວ່າ ທ່ານ​ບໍ່​ເໝາະ​ສົມ​ໃນ​ການ​ດຳລົງ​ຕຳ​ແໜ່​ງ​ເປັນ​ປະທານາທິບໍດີ.

​ໃນ​ຊ່ວງ​ປີຜ່ານ​ມາ​ນີ້​ຂອງ​ການ​ໂຄສະນາ​ຫາ​ສຽງ​ດ້ານ​ການ​ເມືອງ ທ່ານ Trump ​ໄດ້​ກາຍ​ມາ​ເປັນ​ທີ່​ຮູ້​ກັນ ​ໃນ​ຖານະ​ທີ່​ຂຶ້ນ​ກ່າວ​ຄຳ​ປາ​ໄສ​ຕໍ່​ສາ​ທະ​ລະນະ ​ຜູ້ຊຶ່ງມີ​ຢູ່​ເລື້ອຍໆ ທີ່​ວ່າ ທ່ານມັກ​ຈະ​ຂຶ້ນ​ກ່າວຄຳ​ປາ​ໄສ ​ທີ່ບໍ່​ຫົວຊາ​ຕໍ່​ການ​ກະກຽມ​ຂໍ້ຂຽນ​ ​ລ່ວງ​ໜ້າ​ໄວ້​ນັ້ນ ທ່ານ​ກັບ​ຂຶ້ນກ່າວ​ແລະ​ໃຫ້​ຄວາມ​ເຫັນແບບ​ຕໍ່​ເນື່ອງ ທີ່​ບາງ​ຄັ້ງ​ຕົງ​ເກີ​ນໄປ​ແບບບໍ່​ປົກກະຕິ ຫຼື​ບໍ່ຕຳ​ນິຕິ​ຕຽນ ບັນດາອາ​ເມຣິກັນຄົນ​ສຳຄັນ ຕໍ່​ສາ​ທະ​ລະນະ ທ່ານ​ອື່ນ​ໆ ຊຶ່ງນັ້ນ​ໄດ້​ເຮັດໃຫ້​ເກີດ​ຄວາມ​ເປັນ​ຫ່ວງ​ເປັນ​ໃຈ​ແກ່​ຜູ້​ຄົນຈຳນວນ1/4 ​ກ່ຽວ​ກັບ​ວ່າ ທ່ານ Trump ​ໄດ້​ກຳກັບ​ຂໍ້​ມູນ​ທີ່ີ​ໄດ້​ຮັບ​ມາ​ຈາກ​ກອງ​ປະຊຸມ​ຄວາມ​ໝັ້ນຄົງ​ແຫ່ງ​ຊາດ.

ພວກທະຫານຜ່ານເສິກສະຫະລັດ (ຈາກຂວາໄປຊ້າຍ) ທ່ານ Perry O'Brien, Claude Copeland ແລະ Julio Torres ປະທ້ວງຢູ່ນອກ ຫ້ອງການຜູ້ສະໜັກປະທານາທິບໍດີ ພັກຣີພັບບລິກັນ ທ່ານ Donald Trump ທີ່ Trump Tower ໃນນະຄອນ New York.
ພວກທະຫານຜ່ານເສິກສະຫະລັດ (ຈາກຂວາໄປຊ້າຍ) ທ່ານ Perry O'Brien, Claude Copeland ແລະ Julio Torres ປະທ້ວງຢູ່ນອກ ຫ້ອງການຜູ້ສະໜັກປະທານາທິບໍດີ ພັກຣີພັບບລິກັນ ທ່ານ Donald Trump ທີ່ Trump Tower ໃນນະຄອນ New York.

ປະທານາທິບໍດີ Obama ​ໄດ້ກ່າວ​ຕໍ່​ບັນດາ​ນັກ​ຂ່າວ​ຢູ່​ທຳນຽບຫ້າ​ແຈໃນ​ວັນ​ພະຫັດ​ວານ​ນີ້ວ່າ “ຖ້າ​ຫາກພວກ​ເຂົາ​ເຈົ້າ​ຢາກ​ເປັນ​ປະທານ​າທິບໍດີ ​ພວກເຂົາ​ເຈົ້າ​ຕ້ອງເລີ້ມປະພຶດ ​ດັ່ງ​ປະທານາທິບໍດີ ນັ້ນ​ໝາຍ​ຄວາມ​ວ່າ ສາມາດຮັບລາຍ​ງານທັງຫຼາຍ​ເຫລົ່ານີ້ ​ແລະ​ບໍ່​ເຜີ​ຍ​ແຜ່​ອອກ​ໄປ."

ທ່ານ Obama ຍັງ​ໄດ້ກ່າວ​ວ່າ ​ເຫດຜົນ​ສຳຄັນສຳ​ຫຼັບ​ລາຍ​ງານ​ຕໍ່​ບັນດາ​ຜູ້​ສະໝັກ ກໍ​ເພື່ອ​ຄໍ້າປະກັນ​ວ່າ​ປະທານາທິບໍ​ດີ​ທີ່​ຈະຖືກ​ເລືອກ​ຄົນ​ໃໝ່ ບໍ່​ວ່າ​ຈະ​ເປັນ ​ເດ​ໂມ​ແຄຣັດ ຫລືຣີພັບ​ບລິກກັນ ຈະ​ບໍ່​ກ້າວ​ເຂົ້າ​ມາ​ຮັບ​ໜ້າ​ທີ່​ໂດຍ​ທີ່​ບໍ່​ມີ​ການ​ກະກຽມ.

ຜູ້ສະໝັກປະທານາທິບໍດີ ພັກເດໂມແຄຣັດ ທ່ານນາງ Hillary Clinton ຈັບກາລະວັດ ຂອງບໍລິສັດທ່ານ Trump ທີ່ເຮັດຢູ່ປະເທດຈີນ.
ຜູ້ສະໝັກປະທານາທິບໍດີ ພັກເດໂມແຄຣັດ ທ່ານນາງ Hillary Clinton ຈັບກາລະວັດ ຂອງບໍລິສັດທ່ານ Trump ທີ່ເຮັດຢູ່ປະເທດຈີນ.

ໃນ​ຂະ​ນະ​ດຽວ​ກັນ​ທ່ານ Trump ​ໄດ້​ກ່າວ​ຕໍ່​ພວກ​ນັກ​ຂ່າວ​ຢູ່ສະຖານ​ທີ່​ເຕົ້າ​ໂຮມ​ໂຄສະ​ນາ​ຫາສຽງ​ວ່າ ທ່ານ​ມີ​ຄວາມ​ເປັນ​ຫ່ວງ​ກັບ​ການ​ເລືອກ​ຕັ້ງ​ສະຫະລັດ ​ໃນ​ເດືອນ​ພະຈິກທີ່ຈະມາ​ເຖິງ​ນີ້ ວ່າ ​ຈະ​ມີ​ການ “ສໍ້​ໂກງ” ຕໍ່​ທ່ານ ຊຶ່ງປະທານາທິບໍດີ Obama ​ໄດ້ປະຕິ​ເສດ​ຕໍ່​ການກ່າວ ​ອ້າງ​ດັ່ງກ່າວ​ຂອງ​ວັນ​ພະຫັດ​ວານ​ນີ້​ວ່າ “​ເປັນ​ເລື້ອງ​ທີ່​ບໍ່​ໜ້າ​ເຊື່ອ.”

ໃນເຫດການອື່ນ ອີກ​ອັນ​ນຶ່ງ​ ກຸ່ມ​ບັນດາ​ທະຫານ​ຜ່ານ​ເສິກ​ສະຫະລັດ​ກຸ່ມ​ນຶ່ງ ​ໄດ້​ນຳ​ສົ່ງ​ຄຳ​ຮ້ອງ​ຂໍ​ໄປ​ຍັງ​ຊະ​ມາ​ຊິກ​ສະພາ​ສູງ​ທ່ານ John McCain ​ແລະ​ບັນດາ​ຜູ້ນຳ​ພັກຣີພັບ​ບລິ​ກັນ​ທີ່​ນະຄອນຫລວງ​ວໍ​ຊິງ​ຕັນ ​ໃນ​ວັນ​ພະຫັດ​ວານນີ້ ຮຽກຮ້ອງ​ພວກເຂົາ​ເຈົ້າ​ໃຫ້​ຖອນການສະໜັບ ສະ​ໜຸນສະເໜີຊື່​ທ່ານ Trump ​ໃນ​ການ​ແຂ່ງຂັນ​ເປັນ​ປະທານ​າທິບໍດີ. ​

ອ່ານຂ່າວນີເພີ້ມເປັນພາສາອັງກິດ

XS
SM
MD
LG