ລິ້ງ ສຳຫລັບເຂົ້າຫາ

ປ. ໂອບາມາ ສິ້ນສຸດ ການຢ້ຽມຢາມ ຕາເວັນອອກກາງ (ສະໄລດ໌/ວີດີໂອ)


ປະທານາທິບໍດີໂອບາມາ ໂບກມືຈາກເຮືອບິນປະຈຳຕຳແໜ່ງ Air Force One ຂະນະທີ່ທ່ານ ພວມຈະເດີນທາງອອກຈາກ ປະເທດຈໍແດັນ ທີ່ສະໜາມບິນນາໆຊາດ Queen Alia ໃນກຸງອຳມານ (23 ມີນາ 2013)

ປະທານາທິບໍດີໂອບາມາ ໂບກມືຈາກເຮືອບິນປະຈຳຕຳແໜ່ງ Air Force One ຂະນະທີ່ທ່ານ ພວມຈະເດີນທາງອອກຈາກ ປະເທດຈໍແດັນ ທີ່ສະໜາມບິນນາໆຊາດ Queen Alia ໃນກຸງອຳມານ (23 ມີນາ 2013)

ປະທານາທິບໍດີສະຫະລັດ ທ່ານບາຣັກ ໂອບາມາ ມ້ວນທ້າຍການ
ຢ້ຽມຢາມພາກຕາເວັນອອກກາງເປັນເວລາ 4 ມື້ດ້ວຍການໄປຊົມ
ເມືອງ Petra ຊຶ່ງເປັນເມືອງເກົ່າແກ່ໂບຮານທີ່ມີຊື່ສຽງຢູ່ໃນນິທານ ຊຶ່ງເຈາະເລິກເຂົ້າໄປໃນໜ້າຜາ ຂອງຈໍແດັນ.

ທ່ານໂອບາມາເດີນທາງໄປເຖິງປະເທດຈໍແດັນ ໃນມື້ວັນສຸກວານ
ນີ້ ແລະໄດ້ເຈລະຈາຫາລື ກັບກະສັດ Abdullah ກ່ຽວກັບວິກິດ
ການອົບພະຍົບ ທີ່ເກີດຈາກສົງຄາມກາງເມືອງຮ້າຍແຮງຢູ່ໃນປະ
ຊີເຣຍ ຊຶ່ງເປັນປະເທດເພື່ອນບ້ານຈໍແດັນ.

ໃນຕອນເຊົ້າຂອງມື້ວານນີ້ຜູ້ນຳຂອງສະຫະລັດໄດ້ພົບປະກັບນາ
ຍົກລັດຖະມົນຕີ ອິສຣາແອລ ທ່ານເບັນຈະມິນເນຕັນຢາຮູ ແລະ
ປະທານາທິບໍດີ ອຳນາດການປົກຄອງປາແລັສໄຕນ໌ ທ່ານ Mah-
moud Abbas.

ເຈົ້າໜ້າທີ່ສະຫະລັດກ່າວວ່າ ລັດຖະມົນຕີການຕ່າງປະເທດຂອງ
ສະຫະລັດ ທ່ານ John Kerry ມີກຳນົດທີ່ຈະພົບປະກັບຜູ້ນຳທັງ ສອງຂອງພາກຕາເວັນອອກກາງ ໃນວັນເສົາມື້ນີ້ ເພື່ອສືບຕໍ່ການສົນທະນາຫາລືທີ່ພວກ
ທ່ານທັງສອງໄດ້ເລີ້ມກັບປະທານາທິບໍດີໂອບາມາແລ້ວນັ້ນ.

ປ. ໂອບາມາ ໄປຊົມເມືອງ Petra ມ້ວນທ້າຍ ການຢ້ຽມຢາມ ພາກຕາເວັນອອກກາງ

ປ. ໂອບາມາ ໄປຊົມເມືອງ Petra ມ້ວນທ້າຍ ການຢ້ຽມຢາມ ພາກຕາເວັນອອກກາງ


ນອກນັ້ນໃນມື້ວັນສຸກວານນີ້ດ້ວຍການໄກ່ເກ່ຍຂອງປະທານາທິບໍດີສະຫະລັດ ນາຍົກລັດ ຖະມົນຕີເນຕັນຢາຮູແຫ່ງອິສຣາແອລ ກໍໄດ້ທຳການຂໍຂະມາໂທດຕໍ່ເທີກີກ່ຽວກັບການບຸກ ໂຈມຕີທາງທະເລຂອງໜ່ວຍກ້າຕາຍອິສຣາແອລໃນປີ 2010 ເຮັດໃຫ້ຄວາມຂັດແຍ້ງທາງ ດ້ານການທູດທີ່ມີມາເປັນເວລາເກືອບ 3 ປີ ລະຫວ່າງອະດີດປະເທດພັນທະມິດທີ່ເຄີຍໃກ້ ຊິດກັນສິ້ນສຸດລົງແລະແຜ້ວທາງໄປສູ່ການຮື້ຟື້ນຄວາມສຳພັນທາງດ້ານການທູດໂດຍເຕັມ.


ການຂໍຂະມາໂທດມີຂຶ້ນໃນລະຫວ່າງການໂທລະສັບຢ່າງເປັນການສ່ວນໂຕ ຂອງທ່ານເນ ຕັນຢາຮູ ໄປຫາຄູ່ຕຳແໜ່ງ ຝ່າຍເທີກີຂອງທ່ານ ຄືທ່ານ Recep Tayyip Erdogan. ໃນ ການໂທລະສັບຄັ້ງນີ້ ຜູ້ນຳຂອງອິສຣາແອລຍັງໄດ້ສະເໜີທີ່ຈະຈ່າຍເງິນຊົດເຊີຍໃຫ້ແກ່ບັນ ດາຄອບຄົວຂອງພວກເຄາະຮ້າຍນຳດ້ວຍ.

ມີຊາວເທີກີ 9 ຄົນເສຍຊີວິດ ໃນການບຸກຂຶ້ນໄປເທິງ ຂະບວນເຮືອ 6 ລຳ ໃນປີ 2010 ທີ່ ເຮືອເຫຼົ່ານີ້ພະຍາຍາມແລ່ນຜ່ານການປິດລ້ອມທາງທະເລຂອງອິສຣາແອລຕໍ່ເຂດກາຊາ ເພື່ອນຳເອົາປັດໄຈບັນເທົາທຸກໄປຊ່ອຍປະຊາຊົນໃນເຂດດັ່ງກ່າວ.

XS
SM
MD
LG