ລິ້ງ ສຳຫລັບເຂົ້າຫາ

ປະທານາທິບໍດີໂອບາມາ ກ່າວເນ້ນເຖິງ ຄວາມຈຳເປັນ ໃນການຮັບມື ກັບໄພຫວ່າງງານ

  • ໄພສານ ວໍຣະຈັກ

ປະທານາທິບໍດີສະຫະລັດ ທ່ານບາຣັກໂອບາມາ ຍົກມືໃຫ້ພວກສະໜັບສະໜຸນ ໃນລະຫວ່າງການກ່າວຄຳປາໄສ ເນື່ອງໃນໂອກາດວັນແຮງງານ ຂອງສະຫະລັດ ທີ່ສູນກາງ Renaissance ໃນນະຄອນ Detroit (5 ກັນຍາ 2011)

ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວວ່າ ການ​ແກ້​ໄຂບັນຫາການຫວ່າງ ງານຂອງຊາວອະເມຣິກັນ ຄວນເຮັດໃຫ້ເປັນພາກສ່ວນນຶ່ງຂອງແຜນການໃນຂອບເຂດທີ່ ກວ້າງຂວາງ ເພື່ອເສີມຂະຫຍາຍເສດຖະກິດ ທີ່ອ່ອນແອຂອງສະຫະລັດ. Michael Bowman ຜູ້ສື່ຂ່າວຂອງ VOA ລາຍງານວ່າ ປະທານາທິບໍດີສະຫະລັດໄດ້ກ່າວ​ເຊ່ນ​ນັ້ນ ໃນ​ຄໍາ​ປາ​ໄສ​ເນື່ອງ​ໃນວັນແຮງງານ ຊຶ່ງເປັນວັນພັກຂອງສະຫະລັດໃນມື້ວັນຈັນຜ່ານ​ມານີ້ ທີ່ ເມືອງ Detroit ລັດ Michigan ຊຶ່ງເປັນນຶ່ງໃນບັນດາຫົວເມືອງ ທີ່ມີເສດຖະກິດຕົກຕໍ່າ ຮ້າຍແຮງສຸດ ຢູ່ໃນສະຫະລັດ.

ໃນຂະນະທີ່ເສດຖະກິດຂອງສະຫະລັດພວມມີການຂະຫຍາຍໂຕຢ່າງ​ຝືດ​ເຄືອງແລະອັດຕາຄົນ
ຫວ່າງງານກໍສູງຫຼາຍນັ້ນ ປະທານາທິບໍດີບາຣັກໂອບາມາ ໄດ້ຮັບຮູ້ເຖິງສະພາບທີ່ຈະແຈ້ງດັ່ງ
ກ່າວ.

ປະທານາທິບໍດີໂອບາມາກ່າວວ່າ “ມັນເປັນຊ່ວງ​ເວລາທີ່ຍຸ່ງຍາກຫຼາຍ ສຳລັບຊາວອະ
ເມຣິກັນທີ່ເຮັດວຽກເຮັດການ. ມັນຍິ່ງຍຸ່ງຍາກຂຶ້ນຕື່ມ ສຳລັບຊາວອະມິກັນ ທີ່ຊອກ
ຫາວຽກເຮັດງານທຳ ແລະພວກເຂົາເຈົ້າຫຼາຍໆຄົນ ໄດ້ຊອກຫາວຽກການເຮັດມາ
ດົນນານແລ້ວ.”

ລັດ Michigan ຊຶ່ງຄັ້ງນຶ່ງເຄີຍເປັນສູນກາງຜະລິດລົດທີ່ໃຫຍ່ທີ່​ສຸດໃນໂລກນັ້ນໄດ້ປະສົບພົບ
ເຫັນອຸສາຫະກຳຫຼາຍຮ້ອຍຊະນິດ ຫຼຸດຂະໜາດລົງຫຼືບໍ່ກໍຫາຍສາບສູນໄປເລີຍ ແລະໃນປັດຈຸ
ບັນນີ້ມີອັດຕາຄົນຫວ່າງງານ 10.9% ເກືອບ 2% ສູງກວ່າລະດັບຄົນຫວ່າງງານສະເລ່ຍໃນ
ທົ່ວປະເທດ. ທີ່ນະຄອນ Detroit ອັດຕາຄົນຫວ່າງງານແມ່ນຢູ່ໃນລະຫວ່າງ 20 ຫາ 30%
ໃນໄລຍະສອງສາມ ປີຜ່ານມານີ້.

ປະທານາທິບໍດີໂອບາມາກ່າວວ່າ ສະຫະລັດອາດສາມາດມີອະນາຄົດທາງດ້ານເສດຖະກິດທີ່
ດີຂຶ້ນຖ້າຫາກສາມາດວ່າຈ້າງພວກຄົນງານເຂົ້າເຮັດວຽກໃນໂຄງການຕ່າງໆກ່ຽວກັບໂຄງລ່າງ
ພື້ນຖານ.

ທ່ານໂອບາມາເວົ້າວ່າ “ພວກເຮົາມີຖະໜົນຫົນທາງແລະຂົວໃນທົ່ວປະເທດທີ່ ຢູ່​ໃນ​
ສະພາບ​ທີ່​ຕ້ອງການການບູລະນະສ້າງສາ. ພ້ອມເຮົາມີບໍລິສັດເອກກະຊົນ ພ້ອມ
ທັງອຸບປະກອນ ແລະກຳລັງແຮງງານສຳລັບການກໍ່ສ້າງ. ພວກເຮົາມີຄົນງານກໍ່ ສ້າງທີ່ຫວ່າງງານຫຼາຍກວ່າ 1 ລ້ານຄົນ ທີ່ພ້ອມແລ້ວຈະເຂົ້າເຮັດວຽກເຮັດການ
ໃນເວລານີ້. ພວກເຮົາມີວຽກການທີ່ຈະຕ້ອງໄດ້ເຮັດແລະກໍມີພວກຄົນງານທີ່ພ້ອມ ແລ້ວທີ່ຈະລົງມືເຮັດວຽກເຫຼົ່ານີ້.”

ປະທານາທິບໍດີໂອບາມາໄດ້ຮຽກຮ້ອງໃຫ້ລັດຖະສະພາສະຫະລັດ “ເຂົ້າຮ່ວມ” ໃນໂຄງການ
ສ້າງວຽກເຮັດງານທຳກ່ຽວກັບດ້ານໂຄງລ່າງພື້ນຖານ.

ໃນວັນພະຫັດມື້ອື່ນນີ້ ປະທານາທິບໍດີໂອບາມາຈະໄດ້ກ່າວຖະແຫຼງ ກ່ຽວກັບແຜນການເສດ
ຖະກິດຂອງທ່ານ ຕໍ່ກອງປະຊຸມຄົບຄະນະ ຂອງລັດຖະສະພາສະຫະລັດ. ເຖິງແມ່ນວ່າທຳ
ນຽບຂາວ ບໍ່ໄດ້ໃຫ້ລາຍລະອຽດຫຍັງຫຼາຍລ່ວງໜ້າກໍຕາມ ແຕ່ກໍຄາດວ່າ ຂໍ້ສະເໜີຂອງທ່ານ
ໂອບາມາ ຈະຮວມທັງ ການກະຕຸກຊຸກຍູ້ຂອງລັດຖະບານກາງ ໃຫ້ມີການສ້າງວຽກເຮັດງານ
ທຳໃນຈຳນວນທີ່ສຳຄັນ ຢູ່​ໃນສະຫະລັດ.

ຜູ້ປົກຄອງລັດເທັກຊັສ ທ່ານ Rick Perry
ຜູ້ປົກຄອງລັດເທັກຊັສ ທ່ານ Rick Perry

ສ່ວນບັນດາສະມາຊິກ ຂອງພັກ
ຣີພັບບລີກັນ​ແມ່ນໄດ້ພາກັນສະ
ແດງ​ການຄັດຄ້ານ​ອອກ​ມາແລ້ວ
ຕໍ່ຂໍ້ລິເລີ່ມ ກ່ຽວກັບ ການສ້າງ
ວຽກເຮັດງານທຳ ທີ່ລັດຖະບານ
ໄດ້ແນະນຳດັ່ງກ່າວ. ທ່ານ Rick
Perry ຜູ້ປົກຄອງລັດເທັກຊັສທີ່
ພວມຊອກຫາຊ່ອງທາງ ເພື່ອໃຫ້
ໄດ້ຮັບການແຕ່ງຕັ້ງເປັນຜູ້ສະມັກ
ເລືອກ​ຕັ້ງປະທານາທິບໍດີຂອງພັກ
ຣີພັບບລີກັນ​ແຂ່ງ​ກັບປະທານາທິ
ບໍດີໂອບາມາ ໃນປີ 2012 ນັ້ນ
ໄດ້ ກ່າວຕໍ່ພວກສະໜັບສະໜຸນ
ທ່ານ ທີ່ລັດ South Carolina
ວ່າ ກະແຈສຳຄັນ ທີ່ເຮັດໃຫ້ລັດ
ເທັກຊັສມີອັດຕາຄົນຫວ່າງງານຂ້ອນຂ້າງຕໍ່ານັ້ນ ກໍ​ຄື​ພາກສ່ວນເອກກະຊົນທີ່ຈະເລີນງອກງາມ
ແລະລັດຖະບານລັດທີ່ບໍ່ຄວບ​ຄຸມ​ຫລື​ເຂົ້າ​ແຊກ​ແຊງ​ຫລາຍ​ເກີນ​ໄປນັ້ນ.

ຜູ້ປົກຄອງລັດ Perry ເວົ້າວ່າ “ພວກເຮົາຈຳເປັນ ຕ້ອງໄດ້ເຮັດໃຫ້ອະເມຣິກາມີວຽກ
ເຮັດງານທຳຄືນອີກ. ແລະບົດບາດຂອງລັດຖະບານກໍຄື ສ້າງສະພາບ​ແວດ​ລ້ອມທີ່​
ເອື້ອ​ອໍານວຍ​ ໃຫ້ວຽກງານເຕີບໂຕຂຶ້ນໄດ້. ຂ້າພະເຈົ້າບໍ່ໄດ້ສ້າງວຽກງານເຫຼົ່ານີ້ແຕ່
ປະຊາຊົນອະເມຣິກັນເປັນຜູ້ສ້າງມັນ​ຂຶ້ນ​ມາ ຊາວເທັກຊັສເປັນຜູ້ສ້າງວຽກການເຫຼົ່າ
ນີ້ ຍ້ອນວ່າພວກເຮົາປ່ອຍ​ໃຫ້​ເຂົາ​ເຈົ້າ​ມີ​ສະພາບ​ແວດ​ລ້ອມ​ ທີ່ພວກ​ເຂົາ​ເຈົ້າບໍ່ຖືກ
ເກັບພາສີຫຼາຍເກີນຂອບເຂດບໍ່ຖືກ​ຄວບ​ຄຸມໂດ​ຍລະບຽບການທີ່ສັບສົນຈົນເກີນໄປ ແລະບໍ່ມີການຟ້ອງຮ້ອງຫຼາຍ​ເກີ​ນ​ໄປ. ພວກເຮົາຫຼີກທາງແລະປ່ອຍໃຫ້ພາກສ່ວນ
ເອກກະຊົນ ດຳເນີນການໃນສິ່ງທີ່ພາກເອກກະຊົນ ເຮັດໄດ້ ດີທີ່ສຸດ ນັ້ນກໍຄືສ້າງ
ວຽກເຮັດງານທຳ.”

ວັນແຮງງານ ຊຶ່ງມີການສະເຫຼີມສະຫຼອງກັນໃນວັນຈັນທຳອິດ ຂອງເດືອນກັນຍານັ້ນໄດ້ກາຍ
ມາເປັນວັນພັກແຫ່ງຊາດໃນທ້າຍຊຸມປີ 1800 ຊຶ່ງເປັນໄລຍະທີ່ມີການດີ້ນຮົນຂົນຂວາຍ​ແລະ​
ມີ​ການ​ປະ​ທ້ວງທີ່ສຳຄັນຂອງພວກແຮງງານຢູ່ໃນສະຫະລັດ.

ເຖິງແມ່ນການປະທ້ວງນັດຢຸດງານໃຫຍ່ໆ ແມ່ນບໍ່ຄ່ອຍໄດ້ເຫັນກັນຫຼາຍປານໃດ ໃນທຸກມື້ນີ້
ແລະການເຂົ້າເປັນສະມາຊິກ ໃນສະຫະພັນກຳມະບານແຮງງານຂອງຊາວອະເມຣິກັນໄດ້ຫຼຸດ
ນ້ອຍຖອຍລົງກໍຕາມແຕ່ວັນແຮງງານກໍຍັງເປັນໂອກາດເວລາທີ່ມີການລະນຶກ​ເຖິງແລະສະເຫຼີມ
ສະຫຼອງເຖິງການເສຍສະລະ ແລະການປະກອບສ່ວນຂອງພວກຄົນງານ ເຂົ້າໃນຄວາມກ້າວ
ໜ້າແລະຄວາມອຸດົມຮັ່ງມີຂອງປະເທດຊາດແລະໃນຈິດໃຈຂອງຊາວອະເມຣິກັນຈຳນວນຫຼວງ
ຫຼາຍແລ້ວ ມັນຍັງເປັນຂີດ​ໝາຍການສິ້ນສຸດລົງຂອງລະດູຮ້ອນ​ແລະ​ການ​ເລີ່​ມຂຶ້ນ​ຂອງ​ປີ​ການ
ສຶກສານຳດ້ວຍ ຊຶ່ງ​ໂຮງຮຽນປະຖົມຮອດ​ອຸດົມສົມບູນ​ສ່ວນ​ໃຫຍ່ ​ແມ່ນ​ຈະ​ໄຂ​ຂຶ້ນ​ໃນ​ມື້​ວັນ​ອັງ
ຄານຫລັງ​ຈາກ​ວັນ​ແຮງ​ງານ​ນັ້ນ.

XS
SM
MD
LG