ລິ້ງ ສຳຫລັບເຂົ້າຫາ

ປ. ໂອບາມາ ໃຫ້ກຽດ ແກ່ບັນດາຕຳຫຼວດ ທີ່ເສຍຊີວິດ ເພີ້ມຂຶ້ນ ໃນໜ້າທີ່


ປະທານ​າທິບໍ​ດີ ສະຫະລັດ ທ່ານ Barack Obama ​ໄດ້​ໃຫ້
ກຽດແກ່​ບັນດາ​ເຈົ້າ​ໜ້າ​ທີ່​ຕຳຫຼວດທີ່ໄດ້​ເສຍ​ຊີວິດ​ຢູ່​ໃນ​ໜ້າ​ທີ່
​ໂດຍ​ກ່າວ​ວ່າ ​ເຂົາ​ເຈົ້າ​ຕ້ອງ​ໄດ້ຖືກຈາລຶກ​ໄວ້​ວ່າ​ ເປັນ “ວິລະ​
ຊົນ ​ເພາະວ່າ​ ນັ້ນຄືສິ່ງທີ່ເຂົາ​ເຈົ້າ​ເປັນ.”

ຢູ່​ໃນ​ຄຳ​ປາໄສຕໍ່​ບັນດາເຈົ້າ​ໜ້າ​ທີ່ຕຳຫລວດ ຢູ່​ເດີ່ນ​ລັດຖະ
ສະພາ​ສະຫະລັດ ​ໃນ​ວັນ​ສຸກ​ວານ​ນີ້ທ່ານ Obama ກ່າວ​ວ່າ
“ພວກ​ເຮົາ​ບໍ່​ສາມາດ​ທີ່​ຈະ​ລືບ​ລ້າງຄວາມ​ມືດ​ມົວ​ຂອງ​ແຕ່​ລະ
​ວັນຫຼື​ອັນຕະລາຍ​ຈາກໜ້າ​ທີ່ ທີ່​ພວກທ່ານ​ໄດ້​ເລືອກ​ເອົານັ້ນ.
ພວກ​ເຮົາ​ສາມາດ​ມອບ​ການ​ສະໜັບສະໜຸນ ທີ່ພວກ​ທ່ານ​ຕ້ອງການ​ເພື່ອ​ໃຫ້​ໄດ້​ຮັບ​ຄວາມ​ປອດ​ໄພນັ້ນ.”

ປະທານາທິບໍດີ Obama ​ໄດ້​ໃຫ້ຄວາມເຫັນດັ່ງກ່າວ​ຢູ່ວັນ​ໄວ້ອາ​ໄລສັນຕິພາບ​ຕຳຫລວດ
ອັນ​ເປັນ​ພາກສ່ວນນຶ່ງຂອງສັບ​ປະດາ​ຕຳຫລວດ​ແຫ່ງ​ຊາດ ຊຶ່ງເປັນ ການ​ຄຳນັບ​ໃຫ້​ກຽດ
​ປະ​ຈຳປີ​ແກ່ການ​ຮັບ​ໃຊ້ ​ແລະ​ການເສຍສະຫຼະຂອງເຈົ້າໜ້າ ທີ່ປະຕິບັດກົດໝາຍ. ຫລັງ
​ຈາກ​ໄວ້ອາ​ໄລດ້ວຍການ​ວາງພວງ​ມະລາ ​ແກ່​ບັນດາ​ເຈົ້າ​ໜ້າ​ທີ່ ທີ່​ໄດ້ເສຍ​ຊີວິດແລ້ວ
ປະທານາທິບໍດີ​ໄດ້​ໃຫ້​ກຽດຕ້ອນຮັບ​ບັນດາ​ຄອບ ຄົວ ​ແລະ​ຄົນ​ຮັກຂອງພວກເຈົ້າໜ້າທີ່
ທີ່​ໄປ​ເຕົ້າ​ໂຮມ​ກັນຢູ່​ໃນ​ພິທີ​ໄວ້ອາ​ໄລ.

ການໃຫ້ຄວາມເຫັນ​ຂອງ ທ່ານ Obama ບັງເອີນມີຂຶ້ນກົງກັນ​ກັບ​ຂ່າວ​ການ​ເສຍ​ຊີວິດ​
ຂອງເຈົ້າ​ໜ້າ​ທີ່​ຕຳຫລວດ​ໄດ້​ເພີ້ມຂື້ນຢ່າງຫຼວງຫຼາຍ​.

​ໃນ​ປີ 2013 ​ມີເຈົ້າ​ໜ້າ​ທີ່​ຕຳຫລວດ ​27 ຄົນໄດ້ເສຍ​ຊີວິດໃນ​ໜ້າ​ທີ່ ​ໃນສະຫະລັດ ຊຶ່ງຈຳ
ນວນເສຍຊີວິດ​ທີ່ຕຳ່ສຸດ​ປະ​ຈຳປີ ແມ່ນຢ້ອນຄືນໄປ​ໃນ​ປີ 1980. ຈຳນວນ​ດັ່ງກ່າວ​ໄດ້​ເພີ້​ມຂື້ນເປັນເກືອບ​ສອງ​ເທົ່າ ຄື​ 51 ​ໃນ​ປີ​ກາຍ​ນີ້ ​ອີງ​ຕາ​ມ ​ສະ​ຖິຕິຂັ້ນ​ຕົ້ນ ທີ່ນຳອອກເຜີຍ
ແຜ່ໃນ​ອາທິດ​ນີ້ ໂດຍອົງການສັນຕິບານກາງສະ ຫະລັດ ຫລື FBI.

ທ່ານ Bill Johnson ຜູ້ອຳນວຍການ ບໍລິຫານ ອົງການ​ຈັດ​ຕັ້ງ​ສະມາຄົມ​ຕຳຫລວດ​ແຫ່ງ​
ຊາດ ກ່າວ​ວ່າ ການເພີ້ມຂຶ້ນ 89 ​ເປີ​ເຊັນ​ຈາກ​ປີ 2013 ຫາ 2014 ແມ່ນ​ເປັນ “ໜ້າ​ວິຕົກ​ທີ່
​ສຸດ” ​ແກ່​ອົງການ​ຈັດ​ຕັ້ງ​ຂອງ​ທ່ານ ທີ່​ຕາງໜ້າ ໃຫ້ແກ່ຖັນຖຽວຂອງຕຳຫຼວດ 240,000 ​
ພ້​ອມທັງ​ບັນດາ​ກຸ່ມ​ຕຳຫລວດ​ຢູ່​ທົ່ວປະ​ເທດ. ທ່ານ​ໄດ້​ໃຫ້​ເຫດຜົນຕໍ່ການ​ເພີ້​ມຂື້ນວ່າ
“ສ່ວນ​ໃຫຍ່​ແມ່ນ​ເປັນການ​ຕັ້ງ​ໃຈ​ໂຈມ​ຕີ ການ​ດັກສະກັດ ຊຶ່ງໃນບາງໂອກາ​ດ​ເວລາ​ຢຸດ​ລົດ
​ແລະ ຜູ້ໂຈມຕີກໍຢຸດ​ຢ່າງກະທັນຫັນ ແລ້ວຍິງ​ປືນ​ໃສ່​ຕຳຫລວດ ຫລື​ໃນຫລາຍ​ກໍລະນີ ແມ່ນ
ຕັ້ງ​ໃຈ​ສັງຫານຕຳຫຼວດ.”

XS
SM
MD
LG