ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ. Obama ສຳຫຼວດໃນລັດອາລັສກາ ເລື້ອງການປ່ຽນແປງ ດິນຟ້າອາກາດ


ປະທານາທິບໍດີ Obama ຕິດຕາມດ້ວຍ ເຈົ້າໜ້າທີ່ອຸດທະຍານ ແຫ່ງຊາດ ກຳລັງເບິ່ງແຜ່ນນຳ້ກ້ອນ Bear Glacier.
ປະທານາທິບໍດີ Obama ຕິດຕາມດ້ວຍ ເຈົ້າໜ້າທີ່ອຸດທະຍານ ແຫ່ງຊາດ ກຳລັງເບິ່ງແຜ່ນນຳ້ກ້ອນ Bear Glacier.

ປະທານາທິບໍດີ ສະຫະລັດ ທ່ານ Barack Obama ​ໄດ້​ໃຊ້​
ສາກ​ຫລັງ​ຂອງ ແຜ່ນນຳ້ກ້ອນ​ທີ່​ລັດ Alaska ເປື່ອຍ​ຢ່າງວ່ອງ​ໄວ
ເພື່ອ​ເນັ້ນຢ້ຳເຖິງຜົນກະທົບ ໃນການ​ປ່ຽນ​ແປງຂອງ​ດິນ​ຟ້າ​ອາ
ກາດ ​ໃນ​ຂະນະ​ທີ່​ທ່ານ​ສືບຕໍ່ ​ການ​ຢ້ຽ​ມຢາມ​ທີ່ເປັນຂີດໝາຍ
ສຳຄັນຂອງທ່ານຢູ່ທີ່ລັດ​ທາງ​ພາກ​ຕາ​ເວັນ​ຕົກສຽງເໜືອສຸດ
ດັ່ງກ່າວ.

​ທ່ານ Obama ໄດ້ກ່າວໂດຍຢືນ​ຢູ່​ຕໍ່ໜ້າ​ແຜ່ນ​ຳ້ກ້ອນ Exit
Galcier ທີ່​ໄດ້​ຫລຸດ​ລົງ​ສອງ​ກິ​ໂລ​ແມັດ ​ຈາກໄລຍະ​ສອງ​ສັດ
ຕະວັດ​ທີ່​ຜ່າ​ນມາ ວ່າ “ນີ້​ເປັນ​ ຮ່ອງ​ຮອຍທີ່​ດີ ທີ່ສະແດງໃຫ້
ເຫັນ ໃນອັນ​ທີ່​ພວກ​ເຮົາກຳລັງ​ປະ​ເຊີນ​ໜ້າ​ ​ເວລາ​ກ່າວ​ເຖິງ
​ການ​ປ່ຽນ​ແປງຂອງ​ດິນ​ຟ້າ​ອາກາດ ຫລາຍກວ່າສິ່ງ​ໃດໆ.”

ປະທານາທິບໍດີ ສະຫະລັດ ທ່ານ Barack Obama ກ່າວຕໍ່ບັນດານັກຂ່າວ.
ປະທານາທິບໍດີ ສະຫະລັດ ທ່ານ Barack Obama ກ່າວຕໍ່ບັນດານັກຂ່າວ.

ທ່ານ Obama ກ່າວວ່າ ການ​ປ່ຽນ​ແປງຂອງ​ດິນ​ຟ້າ​ອາກາດ ​ໄດ້​ເປັນ​ຜົນສະທ້ອນເຮັດໃຫ້
ລະດູ​ໜາ​ວ​ມີ​ຫິມະ​ຕົກໜ້ອຍລົງ ​ແລະ​ຮ້ອນຕື່ມ​ຂື້ນໃນ​ລະດູ​ຮ້ອນ ​ເຮັດ​ໃຫ້​ນຳ້ກ້ອນໃນເຂດ
ຂົ້ວໂລກ​ເປື່ອຍ ​ແລະລະດັບ​ນຳ້​ທະ​ເລ​ສູງ​ຂື້ນ. ມັນໄດ້​ສົ່ງຄຳເຕືອນ​ໃຫ້​ຮູ້ກ່ຽວ​ກັບ​ຄວາມ​
ຮີບ​ດ່ວນ ທີ່​ພວກ​ເຮົາ​ຈະຕ້ອງໄດ້ເຮັດ ​ເວລາ ການຮັບມືກັບເລື້​ອງນີ້”.

ປະທານາທິບໍດີ Obama ​ໄດ້​ໃຫ້ຄວາມສຳຄັນເປັນພິເສດ ກ່ຽວກັບການ​ເດີ​ນ ທາງ​ສາມ​ມື້
ຂ້າມ​ລັດ Alaska ຊຶ່ງເປັນ​ການ​ຢ້ຽມຢາມ​ເທື່ອທຳ​ອິດ​ ​ໂດຍ​ປະທາ ນາທິບໍດີ ທີ່​ຍັງ​ຢູ່​ໃນ​ຕຳ​ແໜ່​ງ ​ແນ​ໃສ່ເພື່ອເສີມສ້າງ​ການ​ສ້າງ​ສະໜັບສະໜູນ​ຕໍ່ ນະ​ໂຍບາຍ​ສິ່ງ​ແວດ​ລ້ອມຂອງ​ທ່ານ​ຮັບມື​ກັບ​ການ​ປ່ຽນແປງ​ຂອງດິນ​ຟ້າ​ອາກາດ.

​ ໃນ​ວັນ​ອັງຄານ​ວານ​ນີ້ິ ທ່ານ Obama ​ໄດ້​ຂີ່​ເຮືອ​ນຳ​ທ່ຽວ​ເບິ່ງ​ອ່າວ Resurrection ​ໃນແຫລມ Kenai ຂອງລັດ Alaska. ທ່ານ​ຍັງ​ໄດ້​ຖ່າຍຮູ​ບ​ເງົາ​ຕອນ​ນຶ່ງ​ກັບ​ໂຄສົກ​ໂທລະພາບ​ເລື້ອງ​ຄວາມ​ຈິງ ​ແລະ​ການ​ຢູ່​ລອດ ທ່ານ Bear Grylls.

ການ​ເດີນທາງ​ຂອງ​ທ່ານ​ບໍ່​ພຽງ​ແຕ່ໄດ້ເນັ້ນຢ້ຳເຖິງ​ຄວາມ​ເປັນ​ຫ່ວງ ກ່ຽວ​ກັບ​ສະພາບອາ
ກາດຮ້ອນເອົ້າຂຶ້ນ​ຂ​ອງ​ໂລກ ຄວາມໝັ້ນຄົງ ​ແລະ​ພະລັງງານ ​ແຕ່​ຍັງ​ກວມເຖິງບັນຫາ​ການ
ຂົນ​ສົ່ງ ການຊອກ​ຫາແຮ່​ທາດ ​ແລະການ​ຫາ​ປາ. ທັງ​ໝົດ​ນີ້ແມ່ນ​ພົວພັນ​ກັນ ​ແລະ​ຕ່າງ
ກໍເປັນ​ທີ່​ສຳ​ຄັນ ​ຕໍ່​ຜົນ​ປະ​ໂຫຍ​ດຂອງ​ໂລກ.

US Climate Change
please wait
Embed

No media source currently available

0:00 0:01:24 0:00

XS
SM
MD
LG