ປະທານາທິບໍດີ ສະຫະລັດ ທ່ານ Barack Obama ກຳລັງຢູ່ໃນປະເທດ ມາເລເຊຍ ໃນການເຕົ້າໂຮມ ບັນດາຜູ້ນຳຂອງຂົງເຂດ ທີ່ຄາດວ່າຈະເນັ້ນໜັກໃສ່ບັນຫາເສດຖະກິດ ການກໍ່ການຮ້າຍ ແລະ ການໂຕ້ແຍ້ງເຂດນໍ້າແດນດິນ.
ທ່ານ Obama ຜູ້ທີ່ເດີນທາງມາເຖິງ ນະຄອນຫລວງ Kuala Lumper ໃນວັນສຸກມື້ນີ້ ກຳລັງເຂົ້າຮວມກັບບັນດາຜູ້ນຳຂອງ10 ປະເທດສະມາຊິກ ຂອງສະມາຄົມບັນດາປະເທດຊາດ ໃນເຂດເອ ເຊຍອາຄະເນ ຫລື ASEAN ແລະບັນດາຜູ້ນຳໂລກອຶ່ນໆຢູ່ຄັ້ງທີ ສອງ ຂອງກອງປະຊຸມສຸດຍອດຄູ່ກັນ.
ການຂົ່ມຂູ່ກໍ່ການຮ້າຍການຮັກສາຄວາມ ປອດໄພ ໄດ້ຂະຫຍາຍອອກໄປທົ່ວ ນະຄອນ ຫລວງ Kuala Lumpurທ່າມກາງມີການລາຍງານຂອງການຂົ່ມຂູ່ຈາກພວກກໍ່ການຮ້າຍ ໂດຍກຸ່ມລັດອິສລາມຊຶ່ງໄດ້ໂຈມຕີຢ່າງຮ້າຍແຮງ ໃນອາທິດແລ້ວນີ້ທີ່ ນະຄອນຫລວງປາຣີ.
ຫົວໜ້າຕຳຫລວດມາເລເຊຍ ທ່ານ Khalid Abu Baka ໄດ້ກ່າວໃນວັນສຸກມື້ນີ້ວ່າລາຍງານ ດັ່ງກ່າວນັ້ນຍັງຢັ້ງຢືນບໍ່ໄດ້ເທື່ອ ແຕ່ວ່າເຈົ້າໜ້າທີ່ໄດ້ຕຽມພ້ອມຂອງເຈົ້າໜ້າທີ່ທະຫານຫລາຍ ພັນຄົນໃນຢູ່ໃນການຕະເວນຍາມ ຫລືຢູ່ໃນທ່າຕຽມພ້ອມ. ສ່ວນໃຫຍ່ບັນດາຜູ້ເຂົ້າຮວມກອງປະຊຸມສຸດຍອດ ASEAN ແມ່ນມາຈາກ ຟິລິບປິນ ບ່ອນທີ່ພວກເຂົາເຈົ້າໄດ້ເຂົ້າຮ່ວມກອງປະຊຸມປະຈຳປີ ການຮ່ວມມືເສດຖະກິດອາຊຽນປາຊິຟິກ APEC.
ການເຕົ້າໂຮມຢູ່ສອງ ບ່ອນ ຊຶ່ງປົກກະຕິແລ້ວເຈາະຈົງໃສ່ບັນຫາເສດຖະກິດ ໄດ້ຊຶ່ງໄດ້ປົກຄຸມໂດຍເລື່ອງຄວາມພະຍາຍາມໃນການຕໍ່ສູ້ກັບການກໍ່ ການຮ້າຍ ຫລັງຈາກໄດ້ເກີດການໂຈມຕີທີ່ຮ້າຍແຮງ ໃນນະຄອນຫລວງປາຣີ ທີ່ຍັງຜົນໃຫ້ມີ 129 ຄົນ ເສຍຊີວິດນັ້ນ.
