ລິ້ງ ສຳຫລັບເຂົ້າຫາ

ປ. ໂອບາມາ ຄາດວ່າ ຈະໃຫ້ການຄຳ້ປະກັນ ຕໍ່ກະສັດ ຊາອຸດີ ກ່ຽວກັບ ເລື້ອງອີຣ່ານ


ກະສັດຊາອຸດີ ອາຣາເບຍ ພະເຈົ້າ Salman ມີກຳໜົດພົບປະ ກັບປະທານາທິບໍດີ ໂອບາມາ ທີ່ທຳນຽບຂາວ ໃນວັນສຸກມື້ນີ້.

ປະທານາທິບໍດີ ສະຫະລັດ ທ່ານ Barack Obama ຮັບຕ້ອນ
​ກະສັດຊາ​ອຸ​ດີ ພະ​ເຈົ້າ Salman ຢູ່ທີ່​ທຳນຽບຂາວ ​ໃນ​ວັນ​ສຸກ
​ມື້​ນີ້. ຊຶ່ງເປັນ​ການ​ຢ້ຽມຢາມ​ສະ ຫະລັດ​ເທື່ອ​ທຳ​ອິດຂອງພະອົງ
ນັບ​ແຕ່​ໄດ້​ຂື້ນ​ຄອງ​ບັນລັງ​ໃນເດືອນ​ມັງ​ກອນປີນີ້ ຫລັງ​ຈາກ​ການ​
ສິ້ິນພະ​ຊົນ​ຂອງ ພະ​ເຈົ້າ Abdullah.

ການ​ສົນທະນາ​ລະຫວ່າງປະທານາທິບໍ​ດີ Obama ​ແລະ​ພະ
ເຈົ້າ Salman ມີ​ຂື້ນ​ໃນເວລາທີ່ພວມເກີດຄວາມ​ວຸ້ນວາຍ ​ໃນ
​ຂະນະ​ທີ່ສະຫະລັດນຳພາ​ແນວໂຮມ​ ​ສູ້​ລົບ​ກັບພວກ​ຫົວ​ຮຸນ​ແຮງ​
ລັດ​ອິສລາມ ​ໃນ​ອີຣັກ ​ແລະ​ຊີ​ເຣຍ ​ແລະ​ການ​ນຳພາ ກຳລັງ​ປະ
ສົມ ຂອງຊາ​ອຸ​ດີ ຕີ​ຕ້ານພວກກະບົດ Houthi ທີ່ສະໜັບສະໜູນ​
ໂດຍ ອີຣ່ານ ​ຢູ່ໃນ​ປະ​ເທດ​ເຢ​ເມນ.

​ທ່ານ Ben Rhodes ຮອງ​ທີ່ປຶກສາດ້ານ​ຄວາມ​ໝັ້ນຄົງແຫ່ງ​ຊາດຂອງ ສະຫະລັດ ກ່າວວ່າ
“ນີ້​ເປັນການຢ້ຽມຢາມ​ທີ່​ສຳຄັນ ພ້ອມ​ດ້ວຍ​ການເຄື່ອນໄຫວ​ຫຼາ​ຍ ຢ່າງ​ຢູ່ໃນຂົງ​ເຂດ ບ່ອນ​
ທີ່ພວກ​ເຮົາ​ໄດ້ມີຜົນ​ປະ​ໂຫຍ​ດຮ່ວມກັນກັບຊາ​ອຸ​ດີ​ ອາ ຣາ​ເບຍ ​ແລະ​ການ​ສະຫລຸບກ່ຽວກັບ
ຂໍ້ຕົກລົງກັບ​ອີຣ່ານ ຫວ່າງ​ມໍ່ໆ​ມາ​ນີ້ ​ແລະ​ການ​ຕິດຕາມຈອວກອງ​ປະຊຸມສຸດ​ຍອດ​ທີ່ Camp
David ກັບຊາ​ອຸ​ດີ ອາ​ຣາ​ເບຍ ​ແລະບັນດາ​ປະເທດພາຄີອື່ນໆໃນເຂດ​ອ່າວ​ເປີ​ເຊຍ”

ພວກຊາວໜຸ່ມເດີນຂະບວນ ສະໜັບສະໜູນ ລັດອິສລາມ

ພວກຊາວໜຸ່ມເດີນຂະບວນ ສະໜັບສະໜູນ ລັດອິສລາມ

ການ​ພົບປະ​ໃນ​ວັນ​ສຸກ​ມື້​ນີ້ ຢູ່​ທີ່ທຳນຽບຂາວ ຈະ​ເປັນ​ເທຶ່ອທຳ​ອິດ​ນັບ​ແຕ່​ກອງ​ປະ ຊຸ​ມສຸດ​ຍອດໃນວັນ​ທີ 14 ເດືອນ​ພຶດສະພາ ອັນ​ເປັນ​ເວລາ​ທີ່ ປະທານາທິບໍດີ Obama ​ໄດ້​ໃຊ້​
ເວລາ​ກັບບັນດາສະພາ​ຜູ້ນຳ​ ຂອງສະພາການຮ່ວມມື ໃນເຂດອ່າວ​ເປີ​ເຊຍ ​ເພຶ່ອ​ລະງັບ
ຄວາມ​ເປັນ​ຫ່ວງໃດ​ໆກ່ຽວ​ກັບການ​ແກ້​ໄຂ​ຂໍ້​ຕົກລົງ​ນິວ​ເຄລຍກັບອີຣ່ານ.

ທ່ານ Anthony Cordesman ນັກວິ​ເຄາະຄວາມ​ໝັ້ນຄົງທີ່ສູນ​ກາງ​ຍຸດ​ທະ​ສາດ ​ແລະ​
ການ​ຄົ້ນ​ຄວ້າ​ນາໆ​ຊາດ ​ໄດ້​ກ່າວວ່າ “ຫລາຍ​ຄົນ​ໃນ​ອ່າວ​ເປີ​ເຊຍ ຄວາມ​ຈິງ​ແລ້ວ​ຢູ່ໃນ​
ໂລກ ອາຣັບ ທັງ​ໝົດ ພາກັນ​ມີ​ຄວາມ​ເປັນ​ຫ່ວງ​ກ່ຽວກັບທ່າທີຂອງສະຫະລັດ ຢູ່​ໃນ​ອ່າວ
​ເປີ​ເຊຍ ກ່ຽວ​ກັບ​ຂໍ້​ຕົກລົງ​ນິວ​ເຄລຍອີຣ່ານ ກ່ຽວ​ກັບ​ສິ່ງ​ທີ່​ກຳລັງເກີດ​ຂື້ນ ​ໃນ​ຖານະ​ທີ່ອີ
ຣ່ານ ກຳລັງ​ຂະຫຍາຍ​ການ​ແຊກ​ແຊງ​ຢູ່​ໃນ ອີຣັກ ຢູ​ໃນ​ເຢ​ເມນ”

ທ່ານ Cordesman ກ່າວ​ວ່າ ການ​ສົນທະນາຈະ​ມີຄວາມ​ສຳຄັນ​ທີ່​ສຸດ​ເພື່ອ​ສ້າງ​ຄວາມ
​ໝັ້ນໃຈໃຫ້ຊາ​ອຸ​ດີ ​ໂດຍ​ສະ​ເພາະ ຢູ່​ໃນ​ການ​ເຈ​ລະ​ຈາ​ຂໍ້​ຕົກລົງນິວ​ເຄລຍ ກັບອີຣ່ານ
ຫວ່າງ​ມໍ່ໆ​ມາ​ນີ້.

XS
SM
MD
LG