ລິ້ງ ສຳຫລັບເຂົ້າຫາ

ປ.ໂອບາມາ ວ່າ ຄວາມບໍ່ສະເໝີພາບ ທາງເສດຖະກິດ ໃນ ສຫລ ເພີ້ມຂຶ້ນ (ວີດີໂອ)


ປະທານາທິບໍດີສະຫະລັດ ທ່ານບາຣັກ ໂອບາມາ
ປະທານາທິບໍດີສະຫະລັດທ່ານບາຣັກ ໂອບາມາ ກ່າວວ່າ ຄວາມ
ບໍ່ສະເໝີພາບທາງດ້ານເສດຖະກິດໄດ້ເພີ້ມທະວີຂຶ້ນຢູ່ໃນອາເມຣິ
ກາ ເຖິງແມ່ນສະຫະລັດມີເສດຖະກິດເຕີບໂຕໃນໄລຍະ 4 ປີຜ່ານ
ມາ ໂດຍມີການສ້າງ ວຽກເຮັດງານທຳໃໝ່ 8 ລ້ານໜ້າວຽກ ຂອງ
ພາກເອກກະຊົນກໍຕາມ.

ທ່ານໂອບາມາ ກ່າວໃນຄຳປາໄສ ປະຈຳສັບປະດາຂອງທ່ານໃນ
ວັນເສົາ ມື້ນີ້ວ່າ ມັນເຖິງເວລາແລ້ວ "ທີ່ຈະຟື້ນຟູໂອກາດ ໃຫ້ແກ່
ທຸກໆຄົນ."



ທ່ານເວົ້າວ່າຂໍ້ລິເລີ້ມກ່ຽວກັບເລື່ອງໂອກາດທີ່ທ່ານໄດ້ນຳສະເໜີ ໃນລະຫວ່າງການກ່າວ ຄຳປາໄສຕໍ່ສະພາ ແລະປະເທດຊາດ ເມື່ອໄວໆມານີ້ ແມ່ນປະກອບ ດ້ວຍ 4 ພາກສ່ວນ ດ້ວຍກັນ ຄືສ້າງວຽກງານໃໝ່ຕື່ມ ໃຫ້ການຝຶກອົບຮົມເພື່ອໃຫ້ຜູ້ຄົນເຂົ້າຮັບວຽກງານເຫຼົ່າ
ນັ້ນ ໃຫ້ການສຶກສາລະດັບໂລກ ແກ່ພວກເດັກນ້ອຍທຸກໆຄົນ ແລະໃຫ້ພວກຜູ້ຊາຍແລະ ແມ່ຍິງທຸກໆຄົນ ມີເງິນເດືອນທີ່ກຸ້ມຢູ່ກຸ້ມກິນ.

ປະທານາທິບໍດີໂອບາມາ ເວົ້າວ່າ ການຈັດຕັ້ງປະຕິບັດຂໍ້ລິເລີ້ມຂອງທ່ານ ຈຳເປັນຕ້ອງໄດ້ ຮັບຄວາມຮ່ວມມື ຈາກລັດຖະສະພາ ແຕ່ຜູ້ນຳສະຫະລັດ ເວົ້າວ່າ ທ່ານຈະເອົາບາດກ້າວ ດ້ວຍຕົນເອງເວລາໃດທີ່ທ່ານສາມາດກະທຳໄດ້ເພື່ອຂະຫຍາຍໂອກາດໃຫ້ແກ່ບັນດາຄອບ ຄົວຕ່າງໆ.

ໃນຄຳປາຂອງພັກຣີພັບບລີກັນນັ້ນ ສະມາຊິກສະພາຕໍ່າ 4 ທ່ານ ທີ່ພັກຂອງພວກທ່ານ ກຳ ສຽງສ່ວນຫຼາຍນັ້ນ ໄດ້ຮຽກຮ້ອງໃຫ້ປະທານາທິບໍດີໂອບາມາສະໜັບສະໜຸນຮ່າງກົດໝາຍ ກ່ຽວກັບວຽກເຮັດງານທຳ ການຄົ້ນຄວ້າດ້ານການແພດ ການຈ່າຍເງິນຊົດເຊີຍແລະພະລັງ ງານ. ສະມາຊິກສະພາຕໍ່າ Fred Upton ກ່າວວ່າສະພາສູງທີ່ຄວບຄຸມໂດຍພັກເດໂມແຄຣັດ ນັ້ນ ແມ່ນພວມຂວາງທາງຢູ່.

XS
SM
MD
LG