ລິ້ງ ສຳຫລັບເຂົ້າຫາ

ປ. ໂອບາມາ ກ່າວສະດຸດີ ໃນພິທີສົ່ງສະການ ມື້ລາງ ປະທານາທິບໍດີ Shimon Peres


ປ. ບາຣັກ ໂອບາມາ ກ່າວສະດຸດີ ໃນພິທີສົ່ງສະການ ມື້ລາງ ປະທານາທິບໍດີອິສຣາແອລ ທ່ານ Shimon Peres ທີ່ສຸສານ ແຫ່ງຊາດ Mount Herzel ໃນນະຄອນ Jerusalem. (30 ກັນຍາ 2016)​

ປ. ບາຣັກ ໂອບາມາ ກ່າວສະດຸດີ ໃນພິທີສົ່ງສະການ ມື້ລາງ ປະທານາທິບໍດີອິສຣາແອລ ທ່ານ Shimon Peres ທີ່ສຸສານ ແຫ່ງຊາດ Mount Herzel ໃນນະຄອນ Jerusalem. (30 ກັນຍາ 2016)​

ປະທານາທິບໍດີ​ສະຫະລັດ ທ່ານ​ບາຣັກ ​ໂ​ອບາ​ມາ ​ໄດ້​ກ່າວ​ສະດຸ​ດີ ​ຢູ່ໃນ​ພິທີ​ສົ່ງສະການມື້ ລາງ​ຜູ້ນຳ​ອິສຣາ​ແອ​ລ ທ່ານ Shimon Peres ຊຶ່ງ​ທ່ານ​ໄດ້​ເອີ້ນທ່ານ Peres ວ່າ ​ເປັນ​ນຶ່ງ​ ໃນ​ບັນດາ​ຜູ້ນຳ​ທີີ່​ຍິ່ງ​ໃຫຍ່ ​ຂອງ​ສັດຕະວັດ​ທີ 20 ​ແລະ​ໄດ້​ປຽບທຽບ​ທ່ານ​ໃສ່​ຜູ້ນຳ​ທີ່​ສຳຄັນ​ອື່ນໆ​ເຊັ່ນ ທ່ານ Nelson Mandela ​ແລະ​ພະຣາຊີ​ນີ Elizabeth ​ແຫ່ງ​ອັງກິດ.

ທ່ານ​ໂອ​ບາ​ມາ​ກ່າວ​ວ່າ ທັງ​ສະຫະລັດ​ແລະ​ອິສຣາ​ແອ​ລ ​ແມ່ນ​ໄດ້​ຖືກ​ສ້າງ​ຂຶ້ນມາ​ໂດຍ​ພວກ​ນັກ​ອຸດົມ​ການ ​ທີ່​ມີ​ຄວາມມຸ່ງ​ໝັ້ນ ​ແລະ​ຄົນ​ເຂົ້າ​ເມືອງ ​ທີ່​ດີ້ນຮົນ​ຕໍ່ສູ້​ ແລະ ​ກ່າວ​ຍ້ອງ​ຍໍ​ທ່ານ Peres ທີ່​ໄດ້​ອຸທິດ​ຊີວິດ​ຂອງ​ທ່ານ ​ເພື່ອ​ຫາ​ທາງ​ແກ້​ໄຂ ​ບັນຫາຂັດ​ແຍ້​ງ ລະຫວ່າງ ​ອິສຣາ​ແອ​ລ​ແລະ​ປາ​ແລ​ສ​ໄຕ​ນ໌.

ປ. ໂອບາມາ ໄປຮ່ວມພິທີສົ່ງສະການ ໃຫ້ແກ່ມື້ລາງ ປ. Shimon Peres ທີ່ສຸສານແຫ່ງຊາດ Mount Herzel

ປ. ໂອບາມາ ໄປຮ່ວມພິທີສົ່ງສະການ ໃຫ້ແກ່ມື້ລາງ ປ. Shimon Peres ທີ່ສຸສານແຫ່ງຊາດ Mount Herzel

ທ່ານ​ປະທານາທິບໍດີ ​ກ່າວ​ວ່າ “​ເຖິງ​ແມ່ນ​ທ່າມກາງການປະ​ເຊີນ​ໜ້າ​ກັບ​ການ​ກໍ່​ການ​ຮ້າຍ ​ເຖິງແມ່ນ​ຫຼັງຈາກ​ໄດ້​ເກີດ​ຄວາມ​ເສຍ​ໃຈ ​ຊ້ຳ​ແລ້ວ​ຊ້ຳ​ອີກ ​ທີ່​ໂຕະ​ເຈລະຈາ ທ່ານ​ກໍ​ຍັງ​ຢືນ​ຢັດໃນ​ຖານະ​ທີ່​ເປັນ​ມະ​ນຸດ ຊາວ​ປາ​ແລ​ສ​ໄຕ​ນ໌ຕ້ອງ​ຖືກ​ມອງ​ເບິ່ງ​ໃນ​ຖານະ​ທີ່​ມີ​ກຽດສັກ​ສີ​ເທົ່າ​ທຽມ​ກັບ​ຊາວ​ຢິວ ​ແລະ​ດັ່ງ​ນັ້ນ ຈຶ່ງ​ມີ​ຄວາມ​ເທົ່າ​ທຽມ​ກັນ​ໃນ​ການ​ຊີ້ຊະ​ຕາກຳ​ຂອງຕົນ​ເອງ.”

​ໃນ​ຕອນ​ຕົ້ນຂອງ​ການ​ກ່າວ​ຄຳ​ສະດຸຸດີ​ນັ້ນ ປະທານາທິບໍດີ​ໂອ​ບາ​ມາ​ໄດ້​ຊີ້​ໃຫ້​ເຫັນ​ວ່າ ປະ ທານາທິບໍດີປາ​ແລ​ສ​ໄຕ​ນ໌ ທ່ານ Mahmoud Abbas ທີ່​ນັ່ງ​ຢູ່​ແຖວ​ໜ້າ ​ແລະ​ໄດ້​ກ່າວ​ຊົມ​ເຊີຍ​ໃນ​ການ​ມີໜ້າ​ຂອງ​ທ່ານຢູ່​ໃນ​ພິທີ​ສົ່ງສະການນັ້ນວ່າ​ເປັນການສະ​ແດງ​ອອກ​ແລະ​ຄຳ​ເຕືອນ ​ກ່ຽວ​ກັບ​ການ​ສ້າງສັນ​ຕິ​ພາບ ​ທີ່​ຍັງ​ບໍ່​ທັນ​ສຳ​ເລັດເສັດ​ສິ້ນ. ທ່ານ Abbas ​ໄດ້​ຈັບ​ມື​ແລະ​ໂອ້​ລົມ​ສັ້ນໆ​ ກັບ​ນາຍົກລັດຖະມົນຕີ​ອິສຣາ​ແອ​ລ ທ່ານ Benjamin Netanyahu ກ່ອນ​ພິທີ​ສົ່ງສະການ​ເລີ້ມຂຶ້ນ.

ອະດີດປະທານາທິບໍດີ Bill Clinton (ກາງ) ຕິດຕາມໂດຍ ປ. ອິສຣາແອລ ທ່ານ Reuven Rivlin (ຊ້າຍ) ແລະທ່ານ Yuli Edelstein ປະທານສະພາຕ່ຳ Knesset ຮວມສະແດງຄວາມເຄົາລົບ ຕໍ່ໜ້າຫີບສົບ ມື້ລາງປະທານາທິບໍດີ Shimon Peres

ອະດີດປະທານາທິບໍດີ Bill Clinton (ກາງ) ຕິດຕາມໂດຍ ປ. ອິສຣາແອລ ທ່ານ Reuven Rivlin (ຊ້າຍ) ແລະທ່ານ Yuli Edelstein ປະທານສະພາຕ່ຳ Knesset ຮວມສະແດງຄວາມເຄົາລົບ ຕໍ່ໜ້າຫີບສົບ ມື້ລາງປະທານາທິບໍດີ Shimon Peres

ໃນ​ການ​ໄປ​ຮ່ວມ​ພິທີ​ສົ່ງສະການ​ນັ້ນ ທ່ານ Abbas ຫວັງຢາກ​ຈະ​ສົ່ງຂ່າວ​ທີ່​ສຳຄັນ​ໄປ​ຍັງ​ ສັງຄົມ​ອິສຣາ​ແອ​ລວ່າ ຊາວ​ປາ​ແລ​ສ​ໄຕ​ນ໌ແມ່ນ​ເພື່ອ​ສັນຕິພາບ ​ແລະສະ​ແດງ​ຄວາມ​ຮູ້​ບຸນ ຄຸນ​ຕໍ່​ການ​ດຳ​ເນີນ​ຄວາມ​ພະຍາຍາມ​ຂອງ​ຜູ້ນຳ​ທີ່​ຮັກຫອມ​ສັນຕິພາບເຊັ່ນ​ທ່ານ Shimon Peres ນັ້ນຄື​ຄຳ​ເວົ້າຂອງ​ເຈົ້າໜ້າ​ທີ່​ອະ​ວຸ​ໂສທ່ານ​ນຶ່ງ​ຂອງ​ປາ​ແລ​ສ​ໄຕ​ນ໌.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG