ລິ້ງ ສຳຫລັບເຂົ້າຫາ

ປ. ໂອບາມາ ເປັນຫ່ວງ ເລື້ອງຈີນ ຂົ່ມເຫັງ ບັນດາປະເທດ ໃນເຂດທະເລຈີນໃຕ້


ໃນພາບນີ້ ທີ່ຖ່າຍໃນວັນທີ 28 ກຸມພາ 2013 ໂດຍເຮືອບິນສອດແນມ ແລະໄດ້ເປີດເຜີຍ ໃນວັນພະຫັດ ທີ 15 ພຶດສະພາ 2014 ໂດຍກົມຮັກສາການດ້ານການຕ່າງປະເທດ ຂອງຟິລິບປິນ ໃຫ້ເຫັນເຖິງສິ່ງກໍ່ສ້າງທີ່ຕິດຕັ້ງໂດຍຈີນຢູ່ເທິງ Johnson Reef.

ໃນພາບນີ້ ທີ່ຖ່າຍໃນວັນທີ 28 ກຸມພາ 2013 ໂດຍເຮືອບິນສອດແນມ ແລະໄດ້ເປີດເຜີຍ ໃນວັນພະຫັດ ທີ 15 ພຶດສະພາ 2014 ໂດຍກົມຮັກສາການດ້ານການຕ່າງປະເທດ ຂອງຟິລິບປິນ ໃຫ້ເຫັນເຖິງສິ່ງກໍ່ສ້າງທີ່ຕິດຕັ້ງໂດຍຈີນຢູ່ເທິງ Johnson Reef.

ປະທານາທິບໍດີສະຫະລັດ ທ່ານ​ບາຣັກ ​ໂອ​ບາ​ມາ ກ່າວ​ວ່າ
ວໍ​ຊິ​ງຕັນ ແມ່ນ​ມີ​ຄວາມ​ເປັນ​ຫ່ວງ​ວ່າ ຈີນ ​ພວມ​ໃຊ້ “ຄວາມ​
ໃຫຍ່​ໂຕ​ ແ​ລະ ອຳນາດຂອງ​ຕົນ”
ກົດ​ດັນ​ບັນດາປະ​ເທດ
ນ້ອຍກວ່າ ດ້ວຍ​ການອ້າງ​ເອົາ​ເນື້ອທີ່​ ​ໃນ​ທະ​ເລ​ຈີນ​ໃຕ້ນັ້ນ.

​ການ​ກ່າວ​ຖະ​ແຫລ​ງ ຢູ່​ທີ່ກອງ​ປະຊຸມ ​ໃນ​ລະຫວ່າງ​ຢ້ຽມຢາມ
ຈາ​ໄມ​ກາ ​ເມື່ອ​ວັນ​ພະຫັດ​ວານ​ນີ້ ທ່ານໂອ​ບາ​ມາ ກ່າວ​ວ່າ​
ວໍ​ຊິງ​ຕັນ ​ແມ່ນ​ມີ​ຄວາມ​ເປັນ​ຫ່ວງ​ວ່າ ຈີນ​ແມ່ນ​ບໍ່​ປະຕິບັດ​ຕາມ
ບັດ​ທັດ​ຖານ ແລະ ກົດ​ລະບຽບ ຂອງ​ສາ​ກົນ​ຕ່າງໆ ສະ​ເໝີ​ໄປ
ໂດຍ​ການກົດ​ດັນ​ໃຫ້​ບັນດາ​ປ​ະ​ເທດ​ອື່ນໆ ​ໃຫ້​ຕົກ​ຢູ່ຖານະ​ທີ່ເປັນຮອງ.

​ໂຄງການ​ ຖົມດິນ​ແບບ​ວ່ອງ​ໄວຕ່າງໆ ຢູ່​ໃນ​ອ້ອມ​ແອ້ມກ້ອນຫິນ ​ໃນ ເຂດໝູ່​ເກາະ Spratly
ຢູ່ທະ​ເລ​ຈີນ​ໃຕ້ນັ້ນ ​ໄດ້​ເຮັດ​ໃຫ້​ບັນດາ​ປະ​ເທດ​ ທີ່​ອ້າງ​ເອົາ​ກຳມະສິດ​ໃນ​ບໍລິ​ເວນ​ດັ່ງກ່າວ​
ເກີດຄວາມ​ຕື່ນ​ຕົກ​ໃຈ ​ເຊັ່ນວ່າ ປະ​ເທດ ຟີ​ລິບ​ປິນ ​ແລະ ຫວຽດນາມ.

ທ່ານ​ໂອ​ບາ​ມາ​ເວົ້າວ່າ “ພວກ​ເຮົາ​ຄິດ​ວ່າ ອັນ​ນີ້​ສາມາດ​ແກ້​ໄຂ​ໄດ້​ດ້ວຍ​ທາງ​ການ​ທູດ
​ຍ້ອນ​ພຽງ​ແຕ່ວ່າ ຟີ​ລິບ​ປິນ ຫຼື ຫວຽດນາມ ​ບໍ່​ໃຫຍ່ເທົ່າ​ກັນ​ກັບ​ຈີນ ອັນ​ນັ້ນ ບໍ່​ໝາຍ​
ຄວາມ​ວ່າ ພວກ​ເຂົາ​ເຈົ້າ ສາມາດ​ຖືກກົດ​ດັນ​ອອກໄປດ້ວຍ​ສອກ.”​

ປະທານາທິບໍດີ ​ໂອ​ບາ​ມາ ກ່າວ​ອີກ​ວ່າ ສະຫະລັດ ບໍ່​ມີ “ທັດສະນະ​ທີ່ ສະເພາະເຈາະຈົງ
ຕໍ່ຂໍ້​ຂັ​ດ​ແຍ້​ງ​ເລື້ອງ​ເຂດ​ນ້ຳ​ແດນດິນຕ່າງ​ໆ”
​ ​ແຕ່​ພຽງ​ຢາກ​ໃຫ້​ທຸກໆ​ຝ່າຍ ​“​ໃຊ້​ກົນໄກ​ຕ່າງ​ໆ​ ທີ່​ນາໆຊາດມີຢູ່ແລ້ວນັ້ນ” ​ ເພື່ອ​ແກ້​ໄຂ​ບັນຫາ​ຂັດແຍ້ງເຫຼົ່ານີ້.

ຈີນ​ໄດ້​ກ່າວປ້ອງ​ກັນ ​ການ​ຖົມດິນ​ຂອງ​ຕົນຢູ່​ໃນເຂດ​ໝູ່​ເກາະ​ທີ່​ຂັດ​ແຍ້​ງ ກັນນັ້ນ ​ໂດຍ​ກ່າວ​
ວ່າ ຕົນ​ກຳລັງທຳ​ການ “ກໍ່ສ້າງ​ແລະບຳລຸງຮັກສາ.”

ເບິ່ງວີດີໂອ ທີ່ກ່ຽວຂ້ອງ:

XS
SM
MD
LG