ລິ້ງ ສຳຫລັບເຂົ້າຫາ

ປ. ໂອບາມາ ກ່າວວ່າ ມີການຂາດຄວາມເຊື່ອຖື ລະຫວ່າງ ຕຳຫລວດ ກັບປະຊາຄົມ


ປະທານາທິບໍດີ ສະຫະລັດ ທ່ານ Barack Obama (ຂວາ) ຖ່າຍຮູບ ຮ່ວມກັບບັນດານັກຮຽນ ທີ່ Lehman College.

ປະທານາທິບໍດີ ສະຫະລັດ ທ່ານ Barack Obama (ຂວາ) ຖ່າຍຮູບ ຮ່ວມກັບບັນດານັກຮຽນ ທີ່ Lehman College.

ປະທານາທິບໍດີ ສະຫະລັດ ທ່ານ Barack Obama ໄດ້​ຮຽກ
ຮ້ອງ​ໃຫ້​ມີ​ການ ສ້າງຄວາມ​ເຊື່ອຖື ຄືນມາ​ໃໝ່​ ໃນລະຫວ່າງ
ຕຳຫລວດ ​ແລະ ບັນດາປະຊາ​ຄົມ ຊົນກຸ່ມນ້ອຍ ​ລຸນ​ຫລັງ​ໄດ້
ມີການ​ກໍ່​ການຈະລາຈົນ​ໃນ​ອາທິດ​ແລ້ວ​ນີ້​ ຢູ່​ທີ່ເມືອງ Baltimore
ຍ້ອນການ​ຕາຍ​ຂອງຊາຍ​ໜຸ່ມ​ຜີວ​ດຳ​ຄົນ​ນຶ່ງ ທີ່​ໄດ້​ເສຍ​ຊີວິດ​ໄປ
ໃນລະຫວ່າງ​ທີ່​ຖືກ​ຕຳຫລວດຄວບ​ຄຸມ​ຕົວ​ໄວ້.

​ໃນ​ການປະກົດ​ໂຕ​ຢູ່ໃນ​ລາຍການ “The Late Show with
David Letterman” ຂອງໂທລະພາບຊ່ອງ CBS ນັ້ນ ປະທາ
ນາທິບໍດີ Obama ກ່າວ​ວ່າ ຜົນ​ສະທ້ອນ​ທີ່​ຍັງ​ມີ​ຢູ່​ຕໍ່​ມາ ​ຂອງ​
ຄວາມ​ເປັນ​ຂ້າ​ທາດ ​ແລະ​ການຈຳ​ແນ​ກ​ຜິ​ວພັນ ​ຍັງ​ສືບ​ຕໍ່​ສົ່ງ
​ຜົນ​ກະທົບ​ຢ່າງ​ລຶກຊຶ້ງ ຕໍ່​ບັນດາ​ປະຊາ​ຄົມອາ​ເມຣິກັນ​ເຊື້ອ
ສາຍ​ອາ​ຟຣິກາ.

ປະທານາທິບໍດີໂອບາມາ ປະກາດໂຄງການໃໝ່ ສຳຫລັບຊາວໜຸ່ມຊົນກຸ່ມນ້ອຍ:

​ແລະ​ໃນລະຫວ່າງ​ການ​ພົບປະ​ກັບ ບັນດາ​ຊາວ​ໝຸ່ມຊົນກຸ່ມ​ນ້ອຍ ກ່ອນ​ໜ້າ​ນັ້ນ​ໃນ​ມື້​ດຽວ​ກັນ
ທ່ານ Obama ຮັບ​ຮູ້​ວ່າ ຊາວ​ໜຸ່ມອາ​ເມຣິກັນ ​ເຊື້ອສາຍອາ​ຟຣິກາ ແລະ​ເຊື້ອສາຍລາ​ຕິນ
ຫລາຍໆ​ຄົນ ​ໄດ້​ປະ​ເຊີນ​ກັບ​ “ຄວາມ​ເສຍປຽບຫລາຍໆຢ່າງ ຕັ້ງ​ແຕ່​ມື້ເກີດ​ແລ້ວ” ແລະວ່າ
​ເຂົາ​ເຈົ້າ​ໄດ້​ຮັບ​ການປະຕິບັດ​ຕໍ່ທີ່​ບໍ່​ສະ​ເໝີ​ພາບ ​ຈາ​ກຕຳຫລວດ.

ທ່ານ ກ່າວ​ວ່າ ພວກ​ຊາຍ​ໜຸ່ມຜີວ​ດຳ ກຳລັງ​ຖືກ​ຢຸດ ​ແລະ​ປໍ້າ​ລົງ​ດິນ​ໂດຍ​ເຈົ້າ​ໜ້າ​ທີ່​ຕຳ
ຫລວດ​ ໂດຍບໍ່ມີ​ເຫດຜົນ ​ແລະ​ການກະທຳ​ດັ່ງກ່າວ​ນຳພາ​ໄປ​ສູ່ ຄວາມ​ຮຸນ​ແຮງທີ່​ເກີດ​ຂື້ນ​
ຢູ່​ໃນຫລາຍໆ​ເມືອງ ​ເຊັ່ນ​ ​ເມືອງ Baltimore ​ແລະ​ເມືອງ Ferguson ລັດ Missouri.

ສະພາບການໃນເມືອງ Baltimore ສະຫງົບລົງແດ່ແລ້ວ:

XS
SM
MD
LG