ລິ້ງ ສຳຫລັບເຂົ້າຫາ

ປ. ໂອບາມາ ກ່າວວ່າ ຊາວອາເມຣິກັນ ບໍ່ຄວນ ຄາດຫວັງ ໃຫ້ຕຳຫຼວດ ແກ້ໄຂ ບັນຫາສັງຄົມ


ປ. ໂອບາມາ ພົບປະກັບພວກແຂກ ທີ່ໄປຮ່ວມຮັບຟັງ ກອງປະຊຸມຕອບຄຳຖາມ ທີ່ນະຄອນຫຼວງວໍຊິງຕັນ.

ປ. ໂອບາມາ ພົບປະກັບພວກແຂກ ທີ່ໄປຮ່ວມຮັບຟັງ ກອງປະຊຸມຕອບຄຳຖາມ ທີ່ນະຄອນຫຼວງວໍຊິງຕັນ.

ປະທານາທິບໍດີ​ສະຫະລັດ ທ່ານ​ບາຣັກ ​ໂອ​ບາ​ມາ ກ່າວ​ວ່າ ປະ​ເທດ​ຊາດ​ ມີ​ຄວາມ​ຄາດ​ຫວັງ​ຫຼາຍ​ເກີນ​ໄປ​ຈາກ​ຕຳຫຼວດຮວມທັງ​ການ​ແກ້​ໄຂ​ບັນຫາ​ຕ່າງໆ​ຂອງ​ສັງຄົມ. ທ່ານ​ໃຫ້​ຄວາມ​ເຫັນ​ດັ່ງກ່າວໃນ​ແລງ​ວັນ​ພະຫັດ​ວານ​ນີ້ທີ່​ກອງປະຊຸມ​ຕອບ​ຄຳ​ຖາມ​ຢູ່​ໂຮງ​ລະຄອນ​ໃນນະຄອນຫຼວງວໍ​ຊິງ​ຕັນ ເພື່ອ​ສົນທະນາ​ຫາລື​ກ່ຽວ​ກັບ​ຄວາມ​ເຄັ່ງ​ຕຶງ​ທາງ​ດ້ານ​ເຊື້ອຊາດ​ຜິວ​ພັນ​ແລະ​ຄວາມ​ຮຸນ​ແຮງ​ຂອງ​ຕຳຫຼວດ​ເມື່ອ​ໄວ​ໆ​ມານີ້ ຊຶ່ງໄດ້​ກາຍ​ມາ​ເປັນ​ຂີດ​ໝາຍ​ໃນ​ການ​ກຳນົດ​ຂອບ​ເຂດ ຂອງ​ການ​ເປັນ​ປະທານາທິບໍດີ​ຂອງ​ທ່ານ.

ການ​ພົບ​ປະ ຊຶ່ງ​ໄດ້​ມີ​ການ​ອອກ​ອາກາດ​ທາງ​ໂທລະພາບ​ແຫ່ງ​ຊາດແມ່ນ​ສະ​ແດງ​ໃຫ້​ເຫັນ​ກ່ຽວ​ກັບ​ການ​ມາ​ປາກົດ​ໂຕ​ ຂອງຜູ້​ຄົນຫຼາຍໆ​ໂສມໜ້າ ທີ່​ໄດ້​ຮັບ​ຜົນກະທົບ​ຈາກ​ການ​ປະ​ເຊີນ​ໜ້າ​ກັບ​ຕຳຫຼວດ ຢູ່​ທີ່​ລັດ​ Texas, Minnesota, Louisiana ​ແລະ Missouri.

ເຈົ້າໜ້າທີ່ຕຳຫຼວດ ພວມຄຳນັບສົບ ສິບໂທ Lorne Ahrens ກ່ອນພິທີສົ່ງສະການ ຢູ່ໂບດ ສາສະໜາ ບັບຕິສ Prestonwood ໃນເມືອງ Plano ລົດ Texas ເມື່ອວັນທີ 13 ກໍລະກົດ 2016

ເຈົ້າໜ້າທີ່ຕຳຫຼວດ ພວມຄຳນັບສົບ ສິບໂທ Lorne Ahrens ກ່ອນພິທີສົ່ງສະການ ຢູ່ໂບດ ສາສະໜາ ບັບຕິສ Prestonwood ໃນເມືອງ Plano ລົດ Texas ເມື່ອວັນທີ 13 ກໍລະກົດ 2016

ບ່ອນ​ປະຊຸມ​ກັນ​ໃນເທື່ອ​ນີ້ ​ແມ່ນ​ມີ​ຄວາມ​ສຳຄັນ​ເປັນ​ພິ​ເສດ ຍ້ອນ​ມີ​ຂຶ້ນ ທີ່​ໂຮງ​ລະຄອນ ຢູ່​ຖະໜົນ 14 ​ໃນ​ນະຄອນຫຼວງວໍ​ຊິງ​ຕັນຊຶ່ງ​ເປັນ​ຈຸດ​ສູນ​ກາງ​ໃນການເກີດ​ຈະລາ​ຈົນ​ດ້ານ​ຜິວ​ພັນ​ເມື່ອ​ປີ 1968 ອັນ​ເປັນການສະ​ແດງ​ອອກ​ເຖິງ​ປະຕິກິລິຍາທີ່​ຮ້ອນ​ແຮງ ​ຫລັງ​ຈາກ​ການ​ລອບ​ສັງຫານ​ຜູ້ນຳ​ສິດທິ​ພົນລະ​ເມືອງ​ຊາວ​ຜິວ​ດຳທ່ານ Martin Luther King, Jr.

ຮອງ​ຜູ້​ປົກຄອງ​ລັດ Texas ທ່ານ Dan Patrick ທີ່​ໄດ້​ຖືກ​ຕຳ​ໜິ​ຍ້ອນ​ການ​ໃຫ້​ຄວາມເຫັນ ໃນ​ທຳນອງ​ຕິຕຽນ​ ຫລັງ​ຈາກ​ໄດ້​ມີ​ການ​ປະ​ທ້ວງ ​ຢູ່​ນະຄອນ Dallas ທີ່​ເຮັດ​ໃຫ້​ຕຳຫຼວດ 5 ຄົນ​ຖືກ​ຍິງ​ຕາຍ ​ໂດຍ​ມື​ປືນ​ນັ້ນ ​ໄດ້​ລຸກຂຶ້ນກ່າວ ​ແລະ​ທ້າ​ທາຍໃຫ້​ ປະທານາທິບໍດີ ສະໜັບ ສະໜູນ​ຕຳຫຼວດ​ເຂັ້ມ​ແຂງ​ກວ່າ​ນີ້ ຫຼັງຈາກ​ທີ່​ໄດ້​ເກີດຄວາມ​ຮຸນ​ແຮງແລະ​ໃຫ້​ປະນາມ​ພວກ ​ທີ່​ຮຽກຮ້ອງ​ໃຫ້​ທຳ​ການ​ໂຈມ​ຕີ​ຕຳຫລວດ. ທ່ານ​ໂອ​ບາ​ມາ​ໄດ້​ກ່າວ​ຕອບ​ໂຕ້​ຄືນ​ວ່າ​ທ່ານ​ໄດ້​ປະນາມສະ​ເໝີ​ມາ​ ຕໍ່​ການ​ກ່າວ​ໂຈມຕີ​ຕຳຫຼວດແລະ​ໄດ້​ສະ​ເໜີ​ທີ່​ຈະ​ສົ່ງ​ສຳ​ເນົາ​ກ່ຽວ​ກັບ​ຄຳ​ປາ​ໄສ​ຂອງ​ທ່ານໃນ​ແຕ່ລະ​ເທື່ອ ທີ່​ໄດ້​ມີ​ການ​ຍິງ​ສັງຫານ​ເກີດ​ຂຶ້ນ ໄປ​ໃຫ້​ທ່ານ Patrick.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG