ລິ້ງ ສຳຫລັບເຂົ້າຫາ

ລັດຖະບານ ທ່ານໂອບາມາ ຈະວາງ ຂໍ້ຈຳກັດໃໝ່ ໃນການ ປົກປ້ອງ ສິ່ງແວດລ້ອມ


ຫ່ານຝູງນຶ່ງ ບິນກາຍຄວັນໄຟ ຈາກໂຮງໄຟຟ້າ Jeffrey Energy Center ທີ່ໃຊ້ຖ່ານຫິນແລ່ນ ໃກ້ເມືອງ Emmett ລັດ Kansas.

ຫ່ານຝູງນຶ່ງ ບິນກາຍຄວັນໄຟ ຈາກໂຮງໄຟຟ້າ Jeffrey Energy Center ທີ່ໃຊ້ຖ່ານຫິນແລ່ນ ໃກ້ເມືອງ Emmett ລັດ Kansas.

ລັດຖະບານ​ໂອ​ບາ​ມາ ກຳ​ນົດຈະ​ເປີດ​ເຜີຍ​ຂໍ້​ຈຳກັດ​ໃໝ່​
ວ່າ​ດ້ວຍ​ການ​ສົ່ງທາດ carbon ຂຶ້ນ​ສູ່​ອາກາດ​ຈາກ​ພວກ
​ໂຮງ​ໄຟຟ້າ​ແຫ່ງ​ຕ່າງໆ​ໃນສະຫະລັດ.

ໜັງສືພິມ The Wall Street Journal ​ແລະ​ໜັງສືພິມ
New York Times ກ່າວ​ວ່າ​ອົງການ​ປົກ​ປ້ອງ​ສິ່ງ​ແວດ​ລ້ອມ
ຈະ​ປະກາດ​ອອກ​ໃນ​ວັນ​ຈັນ​ມື້​ນີ້ ກົດ​ລະບຽບ​ທີ່​ທາງ​ລັດຖະບານ
​ສະ​ເໜີ​ໄປ​ເພື່ອ​ພະຍາຍາມ​ຕັດ​ການ​ສົ່ງ​ທາດ Carbon ຂຶ້ນ​ສູ່​
ອາກາດ​ລົງ 30 ​ເປີ​ເຊັນ​ພາຍ​ໃນ​ປີ 2030. ລາຍ​ງານ​ຂ່າວ​ດັ່ງ
ກ່າວ ​ເວົ້າ​ວ່າ ພວກ​ລັດ​ຕ່າງໆ​ຈະ​ມີ​ທາງເລືອກ​ຢ່າງ​ກວ້າງ
ຂວາງ ​ເພື່ອ​ໃຫ້​ບັນລຸເປົ້າ​ໝາຍໃນ​ການລົດ​ຜ່ອນ​ອາກາດ​ເປິ​
ເປື້ອນລົງ​ນີ້.

ກົດ​ລະບຽບ​ດັ່ງກ່າວ ຊຶ່ງ​ຄາດ​ວ່າ​ຈະ​ສຳ​ເລັດ​ລົງ​ໃນ​ປີ​ຕໍ່ໜ້າ​ນີ້ຈະ​ຈັດ​ຕັ້ງຂໍ້​ຈຳກັດ​ແຫ່ງ​
ຊາດ​ຄັ້ງ​ທຳ​ອິດ​ກ່ຽວ​ກັບ​ທາດ Carbon dioxide ຊຶ່ງ​ເປັນແກ​ສທີ່​ສຳຄັນ​ທີ່​ສຸດ ທີ່​
ເຊື່ອມ​ໂຍງ​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ຈາກ​ພວກ​ໂຮງ​ໄຟຟ້າ​ແຫ່ງ​ຕ່າງໆ
​ໃນ​ປະ​ເທດ ​ໂດຍ​ສະ​ເພາະ​ພວກ​ໂຮງ​ໄຟຟ້າ​ທີ່​ໃຊ້​ຖ່ານ​ຫິນ​ແລ່ນ​ນັ້ນ.

​ໂຄງການ​ລິ​ເລີ້ມ​ໃໝ່ ຊຶ່ງ​ມີ​ວັດຖຸ​ປະສົງ​ເພື່ອ​ສົ່ງ​ເສີມ​ການ​ຫາ​ແຫຼ່ງພະລັງງານ​ໜຸນ​ວຽນ​ໃໝ່ ​ເຊັ່ນ​ການ​ໃຊ້​ແສງ​ຕາ​ເວັນ​ແລະ​ລົມ ຕະຫຼອດ​ທັງ​ພະລັງງານທີ​ມີ​ປະສິດທິ​ຜົນ ອັນ​ເປັນ​ພາກສ່ວນ​ນຶ່ງ​ຂອງ​ແຜນການ​ປະຕິບັດ​ທີ່​ໃຫຍ່​ຂຶ້ນ ທີ່ປະທານາທິບໍດີ​ບາຣັກ ​ໂອ​ບາ​ມາ ​ໄດ້​ປະກາດ​ອອກ​ໃຫ້​ຮູ້​ເມື່ອ​ນຶ່ງ​ປີຜ່ານມາ ​ໃນ​ຄວາມ​ພະຍາຍາມ​ເພື່ອ​ລົດ​ຜ່ອນ​ຄວາມ​ຮ້ອນ​ຂອງ​ໂລກ​ລົງ​ນັ້ນ.
XS
SM
MD
LG