ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວວ່າ ມັນເຖິງເວລາແລ້ວທີ່ພວກຄົນ
ຮັ່ງມີຊາວອາເມຣິກັນ ຈະຕ້ອງຈ່າຍໃນອັນທີ່ທ່ານເອີ້ນວ່າ ສ່ວນແບ່ງທີ່ຍຸຕິທຳໃນການເສຍ
ພາສີ.
ໃນລະຫວ່າງຄຳປາໄສປະຈຳສັບປະດາຂອງທ່ານໃນວັນເສົາມື້ນີ້ທ່ານໂອບາມາໄດ້ຮຽກຮ້ອງ
ໃຫ້ລັດຖະສະພາສະຫະລັດ ລົງຄະແນນສຽງຮັບຮອງເອົາ ໃນອັນທີ່ເອີ້ນວ່າ “ກົດລະບຽບ
ຂອງທ່ານ Buffet” ໃນໄລຍະສອງສາມອາທິດຂ້າງໜ້ານີ້.
ແຜນການດັ່ງກ່າວຊຶ່ງຕັ້ງຊື່ຕາມນັກລົງທຶນມະຫາເສດຖີພັນລ້ານທ່ານ Warren Buffet ນັ້ນ
ຈະຂຶ້ນພາສີພວກທີ່ມີລາຍຮັບບໍ່ຕໍ່າກວ່າ 1 ລ້ານໂດລາ ຊຶ່ງທ່ານ Buffet ມັນບໍ່ເປັນການຍຸ
ຕິທຳທີ່ທ່ານຈ່າຍພາສີຕໍ່າກວ່າເລຂາຂອງທ່ານ.
ປະທານາທິບໍດີໂອບາມາກ່າວວ່າ ການໃຫ້ເງິນສະໜັບສະໜຸນເພື່ອຫຼຸດພາສີໃຫ້ແກ່ພວກຄົນ
ຮັ່ງມີນັ້ນບໍ່ເປັນການຍຸຕິທຳເລີຍ ໃນຂະນະທີ່ບັນດາຄອບຄົວຂອງພວກຄົນຊັ້ນກາງພວມດີ້ນ
ຮົນໃນການຈັບຈ່າຍເພື່ອຊື້ສິ່ງຂອງທີ່ມີຄວາມຈຳເປັນ.
ໃນຄຳປາໄສຕອບຂອງພັກຣີພັບບລີກັນນັ້ນ ທ່ານ John Boehner ປະທານສະພາຕໍ່າ
ຂອງສະຫະລັດຈົ່ມວ່າ ລັດຖະບານທ່ານໂອບາມາບໍ່ໄດ້ດຳເນີນການຢ່າງເປັນການພຽງພໍ
ເພື່ອເພີ່ມການຜະລິດນໍ້າມັນ ແລະແກັສທຳມະຊາດຢູ່ໃນດິນຂອງລັດຖະບານກາງ. ທ່ານ
ຮຽກຮ້ອງບໍ່ໃຫ້ຕັ້ງລະບຽບການໃໝ່ເພີ່ມຕື່ມສຳຫຼັບການສ້າງໂຮງກັ່ນນໍ້າມັນ.
ນອກນັ້ນແລ້ວ ທ່ານ Boehner ຍັງສືບຕໍ່ເນື້ອໄນຂອງພັກຣີພັບບລີກັນທີ່ຖິ້ມໂທດໃສ່ລັດ
ຖະບານກ່ຽວກັບລາຄານໍ້າມັນທີ່ແພງຂຶ້ນັ້ນ.