ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ພວກເຈາະຂໍ້ມູນຈີນ ພະຍາຍາມ ໂຈມຕີ ສູນກາງຂໍ້ມູນ ພະນັກງານ ລັດຖະບານກາງ ສຫລ (ວີດີໂອ)


ພາກສ່ວນນຶ່ງ ຂອງ 'Unit 61398', ໜ່ວຍທະຫານລັບຂອງຈີນ ທີ່ເຫັນຢູ່ ໃນເຂດຊານເມືອງ ນະຄອນຊຽງໄຮ້.
ພາກສ່ວນນຶ່ງ ຂອງ 'Unit 61398', ໜ່ວຍທະຫານລັບຂອງຈີນ ທີ່ເຫັນຢູ່ ໃນເຂດຊານເມືອງ ນະຄອນຊຽງໄຮ້.

ລາຍ​ງານ​ສະບັບ​ນຶ່ງ​ ໃນ​ໜັງສືພິມ New York Times ​ໃນ​ວັນ​
ພະຫັດ​ມື້​ນີ້ ກ່າວ​ວ່າ ໜັງສືພິມ​ດັ່ງກ່າວ ​ໄດ້​ຮຽນຮູ້​ຈາກ​ບັນດາ​
ເຈົ້າ​ໜ້າ​ທີ່​ລັດຖະບານສະຫະລັດວ່າ ພວກ​ລັກລອບ​ເຈາະຂໍ້​ມູນ
ຄອມ​ພີ​ວ​ເຕີ​ຈີນ ​ໄດ້​ພະຍາຍາມ​ເຂົ້າ​ໄປເຈາະເອົາປະຫວັດຂໍ້ມູນ
​ເຈົ້າ​ໜ້າ​ທີ່ຂອງ​ພວກ​ພະນັກງານ​ລັດ ຖະບານ​ກາງ​ຫຼາຍ​ໝື່ນ​ຄົນ
ທີ່​ໄດ້​ຍື່ນຄຳ​ຮ້ອງ​ສຳລັບ​ການ​ຜ່ານ​ການກວດ​ສອບ​ທາງ​ດ້ານ
​ຄວາມ​ລັບ​ລະດັບ​ສູງ​ສຸດນັ້ນ.

ລາຍ​ງານ​ສະບັບ​ດັ່ງກ່າວເວົ້າ​ຕື່ມ​ວ່າ ພວກ​ລັກລອບ​ເຈາະ​ຂໍ້​ມູນ
​ສາມາດ​ເຂົ້າ​ຫາ​ຖານ​ເກັບ​ຂ່າວ​ຂໍ້​ມູນ​ບາງ​ແຫ່ງ​ໃນ​ເດືອນ​ມີນາ​ຜ່ານ
​ມາ ຂອງ​ຫ້ອງ ການ​ຄຸ້ມຄອງເຈົ້າ​ໜ້າ​ທີ່​ລັດຖະບານ ຫຼື OPM ທີ່​ເປັນ​ອົງການ​ທີ່​ກຳກັບດູ​ແລ​ເບິ່ງ​ແຮງ​ງານ​ຂອງ​ລັດຖະບານ​ກາງ​ສະຫະ​ລັດ​ນັ້ນ.

ບັນດາ​ເຈົ້າ​ໜ້າ​ທີ່ ທີ່​ບໍ່​ບອກ​ຊື່​ໃຫ້​ຊາບ ກ່າວ​ວ່າ ບັນດາ​ເຈົ້າ​ໜ້າ​ທີ່ ​ໄດ້​ຍັບ​ຍັ້ງ​ການ​ຂົ່ມຂູ່
​ແລະ​ກີດ​ກັນ​ພວກ​ລັກລອບ​ເຈາະຂໍ້​ມູນຄອມ​ພີ​ວ​ເຕີ​ດັ່ງ ກ່າວ ​ໃນ​ຕາ​ໜ່າງຄອມ​ພີ​ວ​ເຕີ​
ຂອງ​ຫ້ອງການ OPM.

ໜັງສືພິມ Times ​ເວົ້າ​ວ່າ ຍັງ​ບໍ່​ທັນ​ເປັນ​ທີ່​ຈະ​ແຈ້ງ​ເທື່ອ​ວ່າ ພວກ​ລັກລອບ​ເຈາະຂໍ້​ມູນ
​ຄອມ​ພີ​ວ​ເຕີຈຸ​ນີ້ ສາມາດເຈາະເຂົ້າໄປໄດ້ເລິກປານ ໃດໃນ​ລະ​ບົບຂອງອົງການ OPM ​ ບ່ອນ​ທີ່ລາຍ​ຊື່​ຂອງ​ພວກ​ຍື່ນ​ຄຳ​ຮ້ອງ​ຂໍ​ການກວດ​ສອບ​ ດ້ານຄວາມ​ປອດ​ໄພ ເກັບກຳ​ຂໍ້​ມູນສ່ວນ​ຕົວ​ໄວ້​ ​ເຊັ່ນ​ການ​ຕິດ​ຕໍ່​ພົວພັນ​ໃນ​ຕ່າງປະ​ເທດ ​ແລະ​ການ​ໃຊ້​ຢາ​ເສບ​ຕິດ​ໃນ​
ອະດີດ​ຜ່ານ​ມາ​ນັ້ນ.

​ເຈົ້າ​ໜ້າ​ທີ່​ທ່ານ​ນຶ່ງ​ໃນ​ກະຊວງ​ຮັກສາ​ຄວາມ​ປອດ​ໄພພາຍ​ໃນ​ຂອງ​ສະຫະລັດ ຢືນຢັນ​ວ່າ
ການ​ໂຈມ​ຕີ​ດັ່ງກ່າວ​ໄດ້​ເກີດ​ຂຶ້ນແທ້ ​ແຕ່​ກ່າວ​ວ່າ ທາງ​ອົງການ OPM ຫຼື ກະຊວງ​ຮັກສາ​ຄວາມ​ປອດ​ໄພ​ພາຍ​ໃນ ບໍ່ໄດ້​ ລະບຸວ່າມີຄວາມ​ເສຍ​ຫາຍ​ໃດໆ ກ່ຽວ​ກັບຂໍ້​ມູນ
ສ່ວນ​ຕົວ​ນັ້ນ​.”

CN CHINA CYBER HONG
please wait
Embed

No media source currently available

0:00 0:00:51 0:00

XS
SM
MD
LG