ລິ້ງ ສຳຫລັບເຂົ້າຫາ

ກອງປະຊຸມ ສຸດຍອດນິວເຄຼຍ ບໍ່ໄດ້ຮັບຜົນສຳຄັນ ຫຍັງຫຼາຍ (ເບິ່ງວີດີໂອ)

  • ໄພສານ ວໍຣະຈັກ

ປະທານາທິບໍດີສະຫະລັດ ທ່ານບາຣັກ ໂອບາມາ ຈັບມືກັບທ່ານຫູ ຈິນເຖົາປະທານປະເທດຈີນ ໃນຕອນເລີ່ມ ການປະຊຸມສອງຝ່າຍ ນອກກອງປະຊຸມສຸດຍອດນິວເຄລຍ ທີ່ກຸງໂຊລ (26 ມີນາ 2012)

ປະທານາທິບໍດີສະຫະລັດ ທ່ານບາຣັກ ໂອບາມາ ຈັບມືກັບທ່ານຫູ ຈິນເຖົາປະທານປະເທດຈີນ ໃນຕອນເລີ່ມ ການປະຊຸມສອງຝ່າຍ ນອກກອງປະຊຸມສຸດຍອດນິວເຄລຍ ທີ່ກຸງໂຊລ (26 ມີນາ 2012)

ໃນວັນອັງຄານວານນີ້ ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ມີປະຊຸມກັບ ພວກຜູ້ນຳຂອງຈີນ ອິນເດຍ ຣັດເຊຍແລະພວກເຈົ້າໜ້າທີ່ຂັ້ນສູງຂອງເກືອບ 50 ປະເທດ ເພື່ອພະຍາຍາມຫາທາງຫຼຸດຜ່ອນໄພຂົ່ມຂູ່ຈາກການກໍ່ການຮ້າຍດ້ວຍອາວຸດນິວເຄລຍ. ແຕ່ ກອງປະຊຸມດັ່ງກ່າວຢູ່ທີ່ນະຄອນຫຼວງຂອງເກົາຫຼີໃຕ້ນັ້ນ ໄດ້ຖືກບົດບັງໂດຍຄວາມວິຕົກກັງ ວົນກ່ຽວກັບກິດຈະກໍານິວເຄລຍ ແລະລູກສອນໄຟຂີປະນາວຸດ ຂອງເກົາຫຼີເໜືອ. ຜູ້ສື່ຂ່າວ ວີໂອເອ Steve Herman ທີ່ກອງປະຊຸມສຸດຍອດນິວເຄລຍຢູ່ກຸງໂຊລ ສົ່ງລາຍງານກ່ຽວ ກັບເລື່ອງນີ້

ກອງ​ປະຊຸມ​ສຸດຍອດ​ວ່າ​ດ້ວຍ​ຄວາມ​ປອດ​ໄພ​ທາງ​ດ້ານ​ນິວ​ເຄລຍໄດ້​ຫຼີກ​ລ່ຽງບໍ່​ຍອມ​ຂະຫຍາຍ
ສິດ​ອຳນາດ​ຂອງ​ຕົນ ໃນ​ການ​ຮຽກຮ້ອງ​ໃຫ້​ມີ​ການ​ເອົາ​ບາດກ້າວ​ອັນໜັກ​ແໜ້ນ​ ໄປ​ສູ່​ການ​ກຳ
ຈັດ​ອາວຸດ​ປະລະມາ​ນູ​ໃຫ້​ໝົດ​ສິ້ນ​ໄປ​ຈາກ​ໂລກນີ້.

ເກົາຫຼີ​ໃຕ້ຊຶ່ງ​ເປັນ​ເຈົ້າພາບກ່າວ​ວ່າ ກອງ​ປະຊຸມສຸດ​ຍອດ​ໃນ​ຄັ້ງນີ້​ ໄດ້​ໃຫ້​ຜົນ​ໃນທາງ​ປະຕິບັດ
ເພື່ອ​ຫຼຸດຜ່ອນ​ໄພ​ຂົ່ມຂູ່​ຈາກ​ການ​ກໍ່​ການ​ຮ້າຍ​ດ້ວຍ​ອາວຸດ​ນິວ​ເຄລຍນັ້ນລົງ.

ແຕ່ພວກ​ນັກວິ​ເຄາະ​ເອີ້ນຜົນຮັບ​ທີ່ແທ້ຈິງຂອງ​ກອງ​ປະຊຸມ​ໃນ​ຄັ້ງ​ໃນ​ວ່າຢູ່​ໃນ​ລະດັບ​ພໍປະມານ
ແລະ​ໃຫ້​ຂໍ້​ສັງ​ເກດ​ວ່າ ບໍ່​ມີ​ການ​ຮັບຮອງ​ເອົາ​ຫຍັງ​ເລີຍທີ່​ເປັນ​ຜົນ​ໃນ​ທາງ​ບັງຄັບ.

ອີ​ຕາ​ລີ​ໃຫ້​ຄຳ​ໝັ້ນສັນຍາ​ວ່າ ຈະ​ກຳຈັດວັດ​ຖຸທີ່​ສາມາດ​ສ້າງ​ນິວ​ເຄລຍ​ໄດ້​ທັງ​ໝົດ.

ລັດສະໝີລູກສອນໄຟເກົາຫຼີເໜືອ

ລັດສະໝີລູກສອນໄຟເກົາຫຼີເໜືອ

ສ່ວນສະຫະລັດໄດ້​ຮ່ວມ​ກັບ​ແບ​ລ
ຢ້ຽມ ຝຣັ່ງ ​ແລະ​ເນ​ເທີ​ແລນ​ໃນ​ຂໍ້
ຕົກລົງ ​ເພື່ອ​ຈະ​ເລີ່​ມການ​ຜະລິດ
ໃນ​ໄລຍະ​ສີ່​ປີ​ຕໍ່ໜ້າ ​ໄອ​ໂຊ​ໂທບ​
ດ້ານ​ການ​ແພດ​ ໂດຍ​ບໍ່​ຕ້ອງ​ໃຊ້​
ທາດຢູ​ເຣນຽມ ​ຄຸນ​ນະພາ​ບສູງທີ່​
ກັ່ນ​ແລ້ວ​.

ຫຼາຍໆ​ປະ​ເທດ​ໄດ້​ຕົກລົງ​ທີ່​ຈະ​ຫັນ
ປ່ຽນ​ ໄປ​ໃຊ້​ທາດຢູ​ເຣນຽມ ທີ່​ກັ່ນ​
ແລ້ວ​ໃນຄຸນ​ນະພາ​ບຕໍ່າ ຊຶ່ງ​ບໍ່​ສາ
ມາດ​ໃຊ້ເຮັດ​ອາວຸດ​ໄດ້​ນັ້ນ ເພື່ອ
ເປັນ​ເຊື້ອ​ໄຟ ​ສຳລັບ​ເຕົາ​ແຍກນິວ
ເຄລຍສໍາລັບ​ການຄົ້ນຄວ້າຕ່າງໆ.

ແຕ່ນອກເໜືອ​ໄປ​ຈາກນີ້​ແລ້ວ ກໍ​
ບໍ່​ມີ​ຜົນ​ຫຍັງ​ຫຼາຍ ທີ່​ປະກອບ​ເປັນ​ ການ​ບັນລຸເປົ້າໝາຍ​ຂອງກອງ​ປະຊຸມ​ສຸດຍອດ​ໃນ​ການຮັກ
ສາ​ຄວາ​ມປອດ​ໄພ​ໃຫ້​ແກ່ພວກ​ວັດ​ຖຸນິວ​ເຄຼຍ ທີ່​ຢູ່​ໃນ​ສະພາບຫຼໍ່​ແຫຼມ ສາມາດ​ຖືກ​ລັກຂະໂມ​ຍ
ຫລື​ຂາຍເພື່ອ​ນໍາ​ໄປ​ໃຊ້​ຜະ​ລິດອາວຸດ​ໄດ້ຢູ່​ໃນ​ທົ່ວ​ໂລກນັ້ນ.

ປ. ສະຫະລັດ ໂອ້ລົມກັບ ປ. ຣັດເຊຍ

ປ. ສະຫະລັດ ໂອ້ລົມກັບ ປ. ຣັດເຊຍ

ຖະ​ແຫຼງການ​ ທີ່​ນຳ​ອອກ​ເຜີຍ​ແຜ່​ໃນ​ຕອນ
ທ້າຍ​ຂອງ​ກອງ​ປະຊຸມ​ສຸດ​ຍອດ ​ບໍ່​ໄດ້​ກ່າວ​
ເຖິງ​ເກົາຫຼີ​ເໜືອ​ຫລືອີຣ່ານ​ແຕ່​ປະການ​ໃດ.
ສອງ​ປະ​ເທດ​ນີ້​ແມ່ນ​ຢູ່​ໃນ​ແຖວ​ໜ້າສຸດ​ຂອງ​
ຕົ້ນ​ເຫດ​ແຫ່ງຄວາມ​ວິຕົກ​ກັງວົນ​ໃນ​ປັດຈຸບັນ
ເມື່ອ​ເວົ້າ​ເຖິງ​ເລື່ອງ​ຄວາມ​ສົງ​ໄສໃນ​ການຜະ
ລິດ​ອາວຸດ​ນິວ​ເຄລຍນັ້ນ.

ໂດຍ​ທີ່​ມີ​ທ່າ​ທາງ​ວ່າ​ເກົາຫຼີ​ເໜືອ​ຈະ​ຍິງ​ລູກ​
ສອນ​ໄຟ​ຂີ​ປະ​ນາ​ວຸດ​ ໃນ​ອີກ​ບໍ່​ເທົ່າ​ໃດອາ
ທິດ​ຂ້າງ​ໜ້ານີ້ ປະທານາທິບໍດີ ​ໂອ​ບາ​ມາ
ແລະ​ພວກ​ຄູ່​ຕຳ​ແໜ່​ງຂອງ​ທ່ານ​ໄດ້ສົນທະ
ນາ​ຫາລື​ກັນ​ ຢູ່​ຂ້າງ​ນອກ​ຂອງ​ກອງ​ປະຊຸມ​
ສຸດ​ຍອດ​ກ່ຽວ​ກັບ​ວ່າ ຈະ​ຕອບໂຕ້​ແບບ​ໃດ​ຖ້າ​ພຽງ​ຢາງ​ຫາກດຳ​ເນີນ​ການ​ໄປຕາມອັນທີ່​ເກົາຫຼີ​
ເໜືອ​ຢືນ​ຢັດວ່າ​ເປັນ​ການ​ສົ່ງ​ດາວທຽມ​ຂຶ້ນສູ່​ອະວະກາດແບບ​ສັນຕິນັ້ນ​.

ລັດຖະມົນຕີ​ກະຊວງ​ທ້ອນ​ໂຮມ​ຊາດ​ຂອງ​ເກົາຫຼີ​ໃຕ້​ ທ່ານ Yu Woo-ik ກ່າວ​ວ່າ ​ເຖິງ​ແມ່ນ​
ເກົາຫຼີ​ເໜືອ ​ບໍ່​ໄດ້​ຢູ່​ໃນ​ຫົວ​ຂໍ້​ ຂອງ​ກອງ​ປະຊຸມ​ກໍ​ຈິງ ​ແຕ່​ພວກ​ທີ່​ເຂົ້າຮ່ວມປະຊຸມ​ສຸດ​ຍອດ​ກໍ
ໄດ້​ກ່າວເປັນ​ສຽງ​ດຽວ​ກັນເຖິງ​ເກົາຫຼີ​ເໜືອ​.

ທ່ານ Yu ຊຶ່ງ​ເປັນ​ຜູ້​ປະສານ​ງານ​ນະ​ໂຍບາຍ​ຂອງ​ເກົາຫຼີ​ໃຕ້​ ກ່ຽວກັບ​ເກົາຫຼີ​ເໜືອ​ນັ້ນ ກ່າວ​ວ່າ
ພວກ​ຜູ້ນຳ​ທີ່​ໄປ​ຮ່ວມ​ກອງ​ປະຊຸມ​ສຸດ​ຍອດແມ່ນ​ຈະ​ແຈ້ງ ​ໄດ້​ຮຽກຮ້ອງຮ່ວມ​ກັນ​ໃຫ້​ພຽງ​ຢາງຍົກ​
ເລີກ​ແຜນການ​ສົ່ງ​ດາວ​ທຽມ​ໃນ​ກາງເດືອນເມສາ​ນີ້.

ເບິ່ງວີດີໂອ ການພົບປະນິວເຄລຍສອງຝ່າຍສະຫະລັດ - ຈີນ

ປະທານາທິບໍ​ດີ Lee Myung-bak ​ແຫ່ງ​ເກົາຫຼີ​ໃຕ້ ​ຊຶ່ງ​ເປັນເຈົ້າພາບ​ກອງປະ ຊຸມ​ໃນ​ຄັ້ງນີ້​
ກ່າວ​ວ່າ ມັນ​ເປັນ​ເລື່ອງ​ທີ່​ບໍ່​ເໝາະ​ສົມ​ສຳ​ຫຼັບ​ເກົາຫຼີ​ເໜືອ ທີ່​ຈະ​ດຳ ເນີນ​ໂຄງການ​ໃນ​ທຳນອງ
ນີ້ ​ໃນ​ຂະນະ​ທີ່​ປະຊາຊົນ​ຂອງ​ຕົນອຶດ​ຢາກ​ບໍ່​ມີ​ອັນຈະ​ກິນ.

ປະທານາທິບໍດີ Lee ​ເວົ້າວ່າ ການ​ສົ່ງ​ດາວ​ທຽມ​ທີ່​ວ່າ​ນີ້ ມີ​ແຕ່​ຈະ​ໂດດດ່ຽວ​ພຽງຢາງ​ ​ຈາກ​
ປະຊາ​ຄົມນາໆ​ຊາດ ຕື່ມອີກ​ເທົ່າ​ນັ້ນ.

ໃນ​ຖະ​ແຫຼງການ​ສະບັບ​ນຶ່ງ ​ທີ່​ນຳ​ອອກ​ເຜີຍ​ແຜ່​ໃນ​ວັນ​ອັງຄານ​ວານ​ນີ້ ​ກະຊວງ​ການ​ຕ່າ​ງ
ປະ​ເທດ​ເກົາຫຼີ​ເໜືອໄດ້​ກ່າວ​ປ້ອງກັນ​ແຜນການ​ສົ່ງ​ດາວ​ທຽມ​ຂອງ​ຕົນ​ໂດຍ​ເວົ້າວ່າ ບໍ່​ຄວນ​
ຈະ​ຖື​ວ່າ ​ມັນ​ເປັນ​ການ​ລ່ວງ​ລະ​ເມີດ​ຕໍ່​ການ​ລົງ​ໂທດ​ທີ່​ຫ້າມ​ບໍ່ໃຫ້​ເກົາຫຼີ​ເໜືອ​ນຳ​ໃຊ້ເທັກ​ໂນ​
ໂລ​ຈີ​ລູກ​ສອນ​ໄຟ​ຂີ​ປະນາ​ວຸດ​ນັ້ນ.

ຖະ​ແຫຼງການ​ຂອງ​ພຽງ​ຢາງ​ກ່າວ​ຕື່ມ​ວ່າ ຕົນ​ຈະ​ບໍ່​ຍອມຍົກ​ເລີກ​ການ​ສົ່ງ​ດາວ​ທຽມ​ເດັດຂາດ ​
ໂດຍ​ເວົ້າວ່າ ກິດຈະກໍາ​ໃນ​ທາງ​ສັນຕິແບບ​ນີ້ແມ່ນເປັນ​ສິດທິ​ອັນ​ຖືກຕ້ອງຊອບ​ທຳຂອງ​ທຸກໆ

ປະ​ເທດທີ່​ມີ​ອະທິປະ​ໄຕ​ ​ແລະ​ມັນກໍ​ເປັນ​ສິ່ງ​ຈຳ​ເປັນ​ສຳ​ຫຼັບການພັດທະນາ​ເສດຖະກິດ​ຂອງ
ເກົາຫຼີ​ເໜືອ.

ເກົາຫຼີ​ເໜືອ​ຊຶ່ງ​ເປັນ​ປະ​ເທດ​ທີ່​ທຸກ​ຍາກ​ແລະ​ໂດດດ່ຽວ​ໃນ​ໂລກ​ນັ້ນ ​ໄດ້​ພະຍາຍາມມາ​ແລ້ວ 2 ​
ເທື່ອ ​ແຕ່​ບໍ່​ປະສົບ​ຄວາມສຳ​ເລັດ​ ໃນ​ການ​ສົ່ງ​ດາວ​ທຽມຂຶ້ນສູ່​ວົງ​ໂຄຈອນອ້ອມ​ໂລກ.

XS
SM
MD
LG