ລິ້ງ ສຳຫລັບເຂົ້າຫາ

ເກົາຫຼີເໜືອ ແລະເກົາຫຼີໃຕ້ ມີຄວາມຫວັງໄປໃນແງ່ດີ ຂະນະທີ່ ການສົນທະນາເລີ້ມຂຶ້ນ


ທ່ານ Wwang Boogi (ທີສອງຈາກຊ້າຍ) ຮອງລັດຖະມົນຕີ ທ້ອນໂຮມຊາດເກົາຫລີໃຕ້ ແລະຫົວໜ້າ ເຈລະຈາລະດັບສູງ
ໂອ້ລົມກັບຄູ່ຕຳແໜ່ງ ຝ່າຍເກົາຫລີເໜືອ ທ່ານ Jon Jong Su.

ທ່ານ Wwang Boogi (ທີສອງຈາກຊ້າຍ) ຮອງລັດຖະມົນຕີ ທ້ອນໂຮມຊາດເກົາຫລີໃຕ້ ແລະຫົວໜ້າ ເຈລະຈາລະດັບສູງ ໂອ້ລົມກັບຄູ່ຕຳແໜ່ງ ຝ່າຍເກົາຫລີເໜືອ ທ່ານ Jon Jong Su.

ເກົາຫລີ​ເໜືອ ​ແລະ​ເກົາຫລີ​ໃຕ້ ​ໄດ້​ເປີດ​ການ​ໂອ້ລົມສົນທະນາ
​ກັນ​ໃນ​ລະດັບ​ສູງ ​ເປັນ​ເທື່ອ​ທຳ​ອິດ​ ​ໃນ​ຮອບເກືອບ​ສອງ​ປີ ຊຶ່ງ​
ທັງ​ສອງ​ຝ່າຍ ຕ່າງ​ກໍ​ໄດ້​ສະ​ແດງ​ຄວາມ​ປາດ​ຖະໜາ ທີ່​ຈະ​ປັບ
​ປຸງຄວາມສຳພັນ​ທີ່​ໄດ້​ຊຸດ​ໂຊມ​ມາ​ເປັນ​ເວລາ​ດົນນານ​ແລ້ວນັ້ນ.

ການ​ປະຊຸມ​ລະດັບຮອງລັດຖະມົນຕີ ​ໄດ້​ຈັດ​ຂື້ນໃນ​ວັນ​ສຸກ​ມື້​ນີ້
ທີ່ເຂດ​ອຸດສາ​ຫະກໍາ​ຮ່ວມ Kaeson ​ຢູ່ທາງ​ເໜືອ ​ຂອງ​ເຂດ​
ປ​ອດທະຫານຂຶ້ນໄປ​ໜ້ອຍ​ນຶ່ງທີ່​ແບ່ງ​ແຍກ​ສອງ​ປະ​ເທດອອກ​
ຈາກ​ກັນນັ້ນ.

ຮອງລັດຖະມົນຕີທ້ອນ​ໂຮມ​ຊາດຂອງ​ເກົາຫຼີ​ໃຕ້ ທ່ານ Hwang
Boo-gi ​ແລະ​ຄູ່​ຕຳ​ແໜ່ງ​ຝ່າຍ ເກົາຫລີ​ເໜືອ ທ່ານ Jon Jong Su ​ໄດ້​ສະແດງ​ຄວາມ​
ຫວັງ​ໄປ​ໃນ​ທາງທີ່​ດີ ​ໃນ​ຂະນະ​ທີ່​ເຂົາ​ເຈົ້າ​ຈັບ​ມື​ກັນໃນຕອນເລີ້ມ​ຕົ້ນ​ຂອງ​ການ​ສົນທະນາ​.

ທ່ານ Hwang ກ່າວ​ວ່າ “​ເວລາ​ພວ​ກ​ເຮົາ ເອົາ​ບາດກ້າວ​ທຳ​ອິດ ມັນ​ເປັນ​ສິ່ງ​ສຳຄັນ​ທີ່​ສຸດ
ທີ່​ຈະ​ຕ້ອງ​ຍ່າງ​ໃຫ້​ຊື່ໆ. ຈົ່ງ​ມາ​ເອົາບາດ​ກ​ກ້າວ​ທີ່​ຖືກຕ້ອງສຳ​ລັບ​ເສັ້ນທາງ​ທຳ​ອິດເພື່ອ​ໃຫ້​
ພວກ​ເຮົາສາມາດ​ເປີດ​ຊ່ອງ​ທາງ​ໄປ​ສູ່​ການທ້ອນ​ໂຮມຊາດ.”

ທ່ານ Jon ​ໄດ້​ຕອບ​ວ່າ “ຄວາມ​ບໍ່​ໄວ້​ເນື້ອ​ເຊື່ອ​ໃ​ຈ ແລະ​ການ​ປະ​ເຊີນ​ໜ້າ​ກັນນັ້ນ​ໄດ້​ລົງ​ເລິກ ​ແລະ​ກຳ​ແພງກັ້ນ​ລະຫວ່າງ​ພວກ​ເຮົາ ​ແມ່ນ​ໄດ້ສູງ​ຂື້ນ. ຈົ່ງ​ມາ​ທັບ​ມ້າງ​ສິ່ງ​ກີດ​ກັ້ນ​

ນັ້ນ ​ແລະແຜ້ວ​ທາງ​ໄປ​ສູ່​ການ​ທ້ອ​ນ​ໂຮ​ມຊາດ.”

ການສົນທະນາ​ຫາລື​ນີ້ໄດ້​ຕົກລົງ​ກັນ​ໃ​ນ​ເດືອນ​ສິງຫາຜ່ານ​ມາ ອັນ​ເປັນ​ພາກສ່ວນນຶ່ງຂອງ​
ຂໍ້ຕົກລົງ ທີ່ໄດ້​ເຮັດ​ໃຫ້ການ​ປະ​ເຊີນ​ໜ້າ ​ກ່ຽວ​ກັບອຸບັດ​ເຫດ​ ລະ​ເບີດຝັງ​ດິນ ທີ່​ເຮັດ​ໃຫ້​ທະ ຫານເກົາຫລີ​ໃຕ້​ສອງ​ຄົນ​ໄດ້​ຮັບ​ບາດ​ເຈັບ ​ຢູ່ໃກ້​ກັບ​ຊາຍ​ແດນນັ້ນ ສິ້ນສຸດ​ລົງ.

ສະແດງຄວາມເຫັນໃຫ້ເບິ່ງ

XS
SM
MD
LG