ບັນດາເຈົ້າໜ້າທີ່ຂອງເກົາຫຼີເໜືອແລະເກົາຫຼີໃຕ້ ໄດ້ເຈລະຈາກັນ
ໃນວັນພະຫັດມື້ນີ້ ໃນຈຸດປະສົງເພື່ອແກ້ໄຂບັນຫາຂັດແຍ້ງເລື້ອງ
ຄ່າແຮງງານທີ່ແກ່ຍາວມາເປັນເວລາດົນນານ ຢູ່ທີ່ເຂດອຸດສາຫະ
ກຳຮ່ວມ Kaesong.
ຄະນະຜູ້ແທນເກົາຫຼີໃຕ້ ໄດ້ອອກເດີນທາງໄປຍັງເຂດອຸດສາຫະ
ກຳຮ່ວມ Kaesong ໃນເຊົ້າວັນພະຫັດມື້ນີ້ຊຶ່ງຕັ້ງຢູ່ໃນເຂດເກົາ
ຫຼີເໜືອ ທີ່ມີການຮັກສາຄວາມປອດໄພ ໃນເຂດຊາຍແດນ ຢ່າງ
ເຄັ່ງຄັດນັ້ນ.
ທ່ານ Lee Sang-min ຫົວໜ້າຂອງຄະນະຜູ້ແທນຂອງໂຊລໄດ້
ກ່າວວ່າ ນີ້ແມ່ນການພົບປະກັນຄັ້ງທຳອິດຂອງຄະນະກຳມາທິການຮ່ວມທີ່ຮັບຜິດຊອບໃນ
ການບໍລິຫານງານໃນເຂດອຸດສາຫະກຳຮ່ວມດັ່ງກ່າວ ນັບຕັ້ງແຕ່ເດືອນມິຖຸນາຜ່ານມານີ້.
ທ່ານ Sang-min ກ່າວວ່າ “ມື້ນີ້ ຄະນະກຳມະການຮ່ວມ ແມ່ນເປັນຄັ້ງທຳອິດ ໃນເກືອບ
ຮອບນຶ່ງປີ. ພວກເຮົາຈະປຶກສາບັນຫາທີ່ຍັງຄ້າງຄາກ່ຽວກັບເລື້ອງການທີ່ເຮັດໃຫ້ເຂດອຸດ
ສາຫະກຳຮ່ວມ Kaesong ນີ້ ກ້າວເຂົ້າສູ່ສະພາບປົກກະຕິ ແລະມຸ້ງໝັ້ນເພື່ອໃຫ້ໄດ້ ຜົນສະຫຼຸບຕາມທີ່ໄດ້ວາງໄວ້.”
ທັງສອງຝ່າຍແມ່ນໄດ້ເຄັ່ງຂຶມຕໍ່ກັນ ໃນຮອບຫຼາຍໆເດືອນຜ່ານມາ ໃນການຂັດເເຍ້ງຍ້ອນ
ຝ່າຍເກົາຫຼີເໜືອໄດ້ເອົາບາດກ້າວຂຶ້ນຄ່າແຮງງານຂັ້ນຕ່ຳ ໃຫ້ພວກຄົນງານຂອງຕົນຕາມ
ລຳພັງ ໃນເຂດອຸດສາຫະກຳຮ່ວມ ຈາກ 70.35 ໂດລ່າ ເປັນ 74 ໂດລ່າ ເລີ້ມແຕ່ ເດືອນມີ
ນາເປັນຕົ້ນມາ.
ເກົາຫຼີໃຕ້ ຢືນຢັດວ່າ ການຂຶ້ນຄ່າແຮງງານໃດໆກໍຕາມ ແມ່ນຕ້ອງ ໄດ້ຮັບການຕົກລົງດ້ວຍ ການເຫັນພ້ອມຂອງທັງສອງຝ່າຍ.
ມີພະນັກງານເກົາຫຼີເໜືອ ຫຼາຍກວ່າ 53 ພັນຄົນ ເຮັດວຽກ ໃນ 120 ໂຮງງານຂອງເກົາຫຼີໃຕ້ ຢູ່ເຂດອຸດສາຫະກຳຮ່ວມດັ່ງກ່າວ ທີ່ໄດ້ເປີດກິດຈະການໃນປີ 2004 ແລະນີ້ແມ່ນນຶ່ງຂອງບໍ່ເທົ່າໃດຂົງເຂດ ທີ່ມີການຮ່ວມມື ລະຫວ່າງເກົາຫຼີເໜືອແລະໃຕ້.
