ລິ້ງ ສຳຫລັບເຂົ້າຫາ

ສອງເກົາຫຼີ ​ຕົກລົງ​ຈະຈັດ ການທ້ອນ​ໂຮມ ​​ບັນດາ​ຄອບຄົວ​ ທີ່ພັດພາກ


ເກົາຫຼີ​ເໜືອ ແລະ​ເກົາ​ຫຼີ​ໃຕ້ ​ໄດ້​ຕົກລົງ​ກັນ​ ທີ່ຈະຈັດໃຫ້ມີການ
ທ້ອນໂຮມບັນດາ​ຄອບຄົວ​ ທີ່​ໄດ້​ພັດ​ພາກ​ຈາກ​ກັນ ນານ​ກວ່າ
60 ປີ ຍ້ອນ​ສົງຄາມ​ເກົາຫຼີນັ້ນ ຄືນອີກ.

ກະຊວງ​ທ້ອນ​ໂຮມ​ຊາດ​ຂອງເກົາຫຼີ​ໃຕ້ ​ໄດ້​ກ່າວ​ໃນ​ວັນ​ອັງຄານ​
ມື້​ນີ້ວ່າ ການ​ທ້ອນ​ໂຮມ​ກັນ ຈະ​ຈັດ​ຂຶ້ນ​ໃນ​ວັນ​ທີ 22 ຫາ 26 ຕຸລາ ​
ໃນ​ສະຖານ​ທີ່​ຕາກ​ອາກາດເທິງພູ​ເຂົາ Kumgang ທີ່​ມີ​ທີ​ວທັດ
​ທຳ​ມະ​ຊາດ​ສວຍງາມ.ອົງການ​ຂ່າວ​ຂອງ​ທາງການເກົາຫຼີ​ເໜືອ ​
ໄດ້​ຢືນຢັນ​ກ່ຽວກັບການຕົກລົງ​ທີ່​ວ່າ​ນີ້ ​ຊຶ່ງໄດ້​ບັນລຸ

ການ​ເຈລະຈາ​ກັນ ທີ່ໄດ້ເລີ້ມຂຶ້ນ​ໃນ​ວັນ​ຈັນວານ​ນີ້ ​ແລະ​ສິ້ນ​ສຸດ​ລົງ
​ໃນ​ຄືນແລ້ວນີ້ ທີ່​ບ້ານສະຫງົບເສິກ Panmunjom.

ຈະມີການເລືອກເອົາ 100 ຄົນ ຈາກ​ແຕ່ລະ​ປະ​ເທດ ​ໃຫ້​ເຂົ້າ​ຮ່ວມໃນການ​ທ້ອນ​ໂຮມຄອບ
ຄົວທີ່​ຈະ​ຖືກຈັດ​ຂຶ້ນ​ເປັນ​ຄັ້ງ​ທຳ​ອິດ​ ນັບ​ຕັ້ງ​ແຕ່ເດືອນກຸມພາປີ 2014 ​ເປັນ​ຕົ້ນ​ມາ.

ຊາວ​ເກົາຫຼີ ຈຳນວນ​ຫຼາຍ​ລ້ານ​ຄົນ ​ໄດ້ພັດ​ພາກ​ຈາກ​ກັນ ຍ້ອນ​ສົງຄາມ​ ​ແຕ່​ປີ 1950 ຫາ 1953 ທີ່​ໄດ້​ແບ່ງ​ແຍກແຫຼມ​ເກົາຫຼີ ອອກ​ຈາກ​ກັນ ລະຫວ່າງ ປະ​ເທດ​ຄອມ​ມຸຍ​ນິສເກົາຫຼີ​
ເໜືອ ​ແລະ​ເກົາຫຼີ​ໃຕ້ທີ່ເປັນປະຊາທິປະໄຕ ​ແລະ​ເວລາໄດ້ຜ່ານພົ້ນໄປ​ຫຼາຍ​ທົດ​ສະ​ວັດ
ໂດຍທີ່​ບໍ່​ໄດ້ມີການ​ຕິດ​ຕໍ່​ຫາ​ກັນ​ແຕ່​ຢ່າງ​ໃດ ຈົນ​ເທົ່າໄດ້​ມີ​ການປະຊຸມສຸດຍອດ ​ຄັ້ງ​ປະຫວັດ
ສາດລະຫວ່າງ​ເກົາຫຼີໃນປີ 2000. ການ​ທ້ອນ​ໂຮມຄອບຄົວໃນຂັ້ນຕົ້ນ​ ​ແມ່ນ​ໄດ້​ວາງ​ແຜນ
​ໃຫ້​ຈັດ​ຂຶ້ນ​ໃນ​ແຕ່ລະ​ປີ ແລະ​ໄດ້​ມີ​ຫລຸດລົງ​ເນື່ອງມາ​ຈາກຄວາມ​ຕຶງ​ຄຽດ​ຂອງ​ສາຍ​ພົວພັນ
ລະ​ຫວ່າງສອງເກົາຫລີ. ​ຫຼາຍໆ​ຄົນ​ທີ່ໄດ້​ເຂົ້າ​ຮ່ວມ​ນັ້ນ​ແມ່ນ​ມີ​ອາຍຸ ໃນລະຫວ່າງ 70 ຫາ 80 ​ປີແລ້ວ ​ແລະການ​ທ້ອນ​ໂຮມຄອບຄົວ​ນີ້ ​ແມ່ນ​ເປັນ​ໂອກາດ​ດຽວ​ເທົ່ານັ້ນ ທີ່​ຈະ​ໄດ້​ພົບ​ປະ​ກັບ​ຍາດ​ສະນິດ ອັນ​ເປັນ​ທີ່​ຮັກ ​ໃນ​ຂະນະ​ທີ່​ລັດຖະບານ​ທັງ​ສອງ​ປະ​ເທດ ​ໄດ້ຫ້າມບໍ່ໃຫ້ມີການ​ຕິດ​ຕໍ່​ທາງ​ຈົດໝາຍ​ ຫຼືທາງ​ໂທລະສັບ​ໂອ້​ລົມ​ກັນ ​ແລະ​ສົ່ງ e-mail ​ເຖິງ​ກັນ ຂ້າມ​ຊາຍ​ແດນນັ້ນ.

ມີ​ຊາວ​ເກົາຫຼີ​ໃຕ້ ປະມານ 66 ພັນ​ຄົນ ​ໄດ້​ຍື່ນ​ໃບ​ສະໝັກ​ເພື່ອໃຫ້ຖືກ​ເລືອກ​ເຂົ້າປະ​ກອບ​ສ່ວນ​ໃນ​ການ​ທ້ອນ​ໂຮມຄອບຄົວ ​ແຕ່​ວ່າ ມີ​ພຽງ​ແຕ່​ບໍ່​ເທົ່າຮ້ອຍຄົນ​ເທົ່າ​ນັ້ນ ທີ່​ໄດ້​ຖືກ​ເລືອກ​ໃນ​ແຕ່​ລະ​ຄັ້ງ.​

XS
SM
MD
LG